O‘zbekistonda noyabr oyida avtomobillar sotuvlari deyarli 2023-yil iyul oyi darajasida bo‘lib, 145 mingtadan oshdi. Biroq, sotuvlar keskin oshgan oktabr oyiga solishtirganda sezilarli darajada pasayishni ko‘rsatdi, mutaxassislar buni siklik hodisa deb atashadi. Savdo o‘sishi tendensiyasi o‘zgarishsiz qolmoqda. Bu Iqtisodiy tadqiqotlar va islohotlar markazi sharhida keltirildi.
Xususan, noyabr oyida avtotransport vositalarining sotuvi 19 foizga sezilarli pasayib, 147,5 mingtani tashkil etdi o‘tgan yilga nisbatan 7 foizga pasaydi.
Qayd etilishicha, noyabr oyidagi faollikning pasayishi asosan avtomobil bozorining siklik xususiyati bilan bog‘liq. Pasayishga qaramay, savdoning o‘sish tendensiyasi o‘zgarishsiz qolmoqda. Shunday qilib, yil boshidan buyon avtotransport vositalari savdosi 16,4 foizga oshdi.
Yengil avtomobillar bozori
Noyabr oyida yengil avtomobillarning savdosi 22 foizga kamayib, 131 mingta avtomobil ko‘rsatkichida qayd etildi; yillik sotuvlar 12 foizga qisqardi. Oy davomida eng sezilarli pasayish Surxondaryo, Farg‘ona va Qashqadaryo viloyatlarida kuzatildi.
Yil boshida yengil avtomobillar bozorida o‘sish kuzatildi, savdo hajmi 10,4 foizga oshdi.
Birlamchi yengil avtomobillar bozoridagi vaziyat
Oy davomida yangi yengil avtomobillar savdosi 21 foizga kamaydi. Shu bilan birga 2022-yilning noyabr oyiga nisbatan faollik 16 foizga oshdi.
Yangi mahalliy yengil avtomobillar segmentida pasayish 20 foizni tashkil etdi. oktabr oyida 39 mingta avtomobil sotilgan bo‘lsa, noyabr oyida bu ko‘rsatkich deyarli 8 mingtaga kam bo‘lgan.
Xorijiy yengil avtomobillar bozori
Oy davomida xorijda ishlab chiqarilgan yangi yengil avtomobillar savdosi 25 foizga pasaygan holda 4,4 mingtani tashkil etdi. Shu bilan birga, yil davomida xorijiy avtomobillar savdosi 32 foizga oshdi.
Ikkilamchi avtomobil bozoridagi vaziyat
Noyabr oyida ikkilamchi avtomobil bozori ham pasayishni ko‘rsatdi. Haydalgan yengil avtomobillar savdosi 95 mingta mashinani tashkil etdi, bu o‘tgan oyga nisbatan 23 foizga kam. Yil davomida haydalganavtomobillar savdosi 20 foizga kamaydi.
Elektromobillar bozori
O‘zbekiston elektromobillar bozorida savdoning salbiy dinamikasi saqlanib qolmoqda. Ushbu segmentda sotuvlar ketma-ket uchinchi oy pasaymoqda, noyabrda 30 foiz pasayish qayd etildi.
Noyabr oyida 1,9 mingta yengil elektromobil sotildi, bu oktabr oyiga nisbatan 800 ta avtomobilga kam.
2022-yilning noyabr oyiga nisbatan elektromobillar savdosi 6,5 baravar oshdi. Umuman olganda, yil boshidan buyon respublikada elektromobillar savdosi 3,4 barobar oshdi.
Elektromobillarning birlamchi bozori biroz “o‘ynadi”: noyabr oyida oktabr oyidagi 35 foizga nisbatan 28 foiz pasayishni ko‘rsatdi. Umuman olganda, bu yerda sotuvlar yil davomida 10 barobar oshdi.
Elektromobillarning ikkilamchi bozori 36 foizga qisqardi, bunda haydalgan mashinalar sotuvi 250 donaga kamaydi. Ushbu segment yildavomida 3 barobar o‘sdi.
