Iqtisodiyot
O‘zbekistonda 2024-yilda iqtisodiy o‘sish sekinlashib, inflyatsiya tezlashadi — XVJ missiyasi
XVJ missiyasi O‘zbekistonda 2024-yilda iqtisodiy o‘sish 5,7 dan 5,2 foizgacha sekinlashishi, inflyatsiya esa energiya tariflari oshishi hisobiga 11 foizgacha tezlashishini kutmoqda. Qat’iy pul-kredit siyosatini davom ettirish, budjet xarajat va daromadlarini sezilarli darajada optimallashtirish zarurligi qayd etildi.
Prezident 2024-yil uchun davlat budjetini tasdiqladi
Shavkat Mirziyoyev “2024-yil uchun O‘zbekiston Respublikasining Davlat budjeti to‘g‘risida”gi qonunni imzoladi. 2024-yil uchun konsolidatsiyalashgan budjet taqchilligining cheklangan miqdori YAIMning 4 foizi miqdorida belgilandi.
2030-yilga borib davlat organlari va korxonalari rahbarligidagi ayollar ulushi 30 foizga yetkazilishi kerak
Prezident qaroriga ko‘ra, 2030-yilga borib davlat idoralari rahbariyatining kamida 30 foizi ayollardan iborat bo‘lishi kerak. Shuningdek, kiyim-kechak ishlab chiqaruvchi ayol tadbirkorlarning ijara haqi qisman qoplanadi, xotin-qizlar tomonidan yetishtiriladigan mahsulotlar bo‘yicha fyuchers shartnomalari tuziladi.
“Demak, bizni aldagan bo‘lib chiqyapsizlar”. Deputat gaz va neft ishlab chiqaruvchi kompaniyalarga beriladigan imtiyozlarga qarshi chiqdi
Foydali qazilmalar qazib oluvchi kompaniyalar uchun navbatdagi imtiyozni joriy etish reja qilinmoqda. Kelasi 2 yilda metall va uglevodorodlar qazib olishni boshlaydiganlar renta solig‘idan umrbod ozod etilishi mumkin. Deputat Doniyor G‘aniyev bunga qarshi chiqsa-da, hamkasblari normani baribir qabul qildi.
Samarqand viloyatida noqonuniy mayning bilan shug‘ullangan korxona aniqlandi
Bosh prokuratura Nurobod tumanidagi korxona elektrga noqonuniy ulanib, kripto-aktiv va mayning faoliyati bilan shug‘ullanganini aniqladi. MCHJ 2,5 mlrd so‘mlik elektrdan o‘g‘rincha foydalangan.
Dunyodagi neft narxi O‘zbekistondagi benzin narxlariga qanday ta’sir qilmoqda?
MHTI ekspertlariga ko‘ra, 2022−2023-yillarda jahon bozoridagi neft narxi O‘zbekistondagi benzin narxlariga 1 oylik kechikish (lag) bilan ta’sir qildi. Shuningdek, talab yuqori bo‘lgan Ai-80 va Ai-92 markali benzinlarning ulgurji narxlari jahon bozoridagi neft narxiga sezuvchan ekani aniqlandi.
O‘zbekiston noyabrda Xitoyga gaz eksportini oshirdi
Noyabr oyida O‘zbekiston Xitoyga gaz eksportini oshirib, 54,59 mln dollarlik gaz sotdi. Shu bilan birga, yil boshidan buyon eksport hajmi 509,03 mln dollarni tashkil etdi, bu o‘tgan yilgi ko‘rsatkichdan ikki baravar kam.
“Soliq qo‘mitasi uchun Yandex`ning boshqa kompaniyalardan prinsipial farqi yo‘q”. DSQ vakili bilan katta intervyu
Davlat soliq qo‘mitasi “Gazeta.uz” muxbirining YandexGo UB qachondan soliq to‘lashni boshlashi, Yandex`ning boshqa kompaniyalardan farqi, sohadagi raqobat muhiti va nima uchun qo‘mita bu masalaga ehtiyotkor yondashayotgani haqidagi savollariga javob berdi.
Toshkent viloyatida Cinema Park erkin iqtisodiy kinohududi tashkil etiladi — prezident
Televideniyeda “praym-taym”da ko‘proq xorijiy seriallar namoyish etilmoqda, dedi Shavkat Mirziyoyev. U mahalliy ijodkorlarni qo‘llab-quvvatlashni taklif etib, Milliy seriallar ishlab chiqarish konsepsiyasini yaratish bo‘yicha topshiriq berdi. Toshkent viloyatida Cinema Park kinohududi tashkil etiladi.
“Biz gaz “zapravka”larini yopmadik” — energetika vaziri
Energetika vaziri Jo‘rabek Mirzamahmudovning aytishicha, vazirlik O‘zbekistondagi gaz “zapravka”larini yopmagan, faqat ish vaqtini cheklagan. Avvalroq 630 dan ortiq gaz to‘ldirish shoxobchalari sovuq havo tufayli o‘z faoliyatini to‘xtatgani xabar qilingan edi.
Markaziy bank regulyator nomidan foydalanib, firibgarlik qilish holatlari kuzatilayotganidan ogohlantirdi
Markaziy bank Telegram`da regulyator nomidan soxta kanal ochilib, fuqarolarga kredit taklif etilayotgani va bank kartalariga oid ma’lumotlarni olish orqali pullar o‘zlashtirilayotganidan ogohlantirdi. Shuningdek, o‘zini MB xodimi sifatida tanishtirish holatlari ham kuzatilgan.
Rossiyadan O‘zbekistonga pul o‘tkazmalari bosqichma-bosqich kamaymoqda — Jahon banki
Rossiyadan O‘zbekistonga pul o‘tkazmalari hajmi bosqichma-bosqich kamayishi kuzatilmoqda, deyiladi Jahon banki hisobotida. O‘tkazmalar miqdoridagi kamayish Rossiyadagi o‘zbekistonlik mehnat muhojirlari soni qisqargani, so‘m kursining rublga nisbatan mustahkamlangani va rubl inflyatsiyasi bilan izohlangan.
Gaz, neft va gaz kondensatini qazib olish pasayishda davom etmoqda
O‘zbekiston gaz, neft va gaz kondensatini qazib olishni qisqartirishda davom etmoqda. Noyabr oyida bu hajm 3,79 mlrd kub metrni tashkil etdi (2022-yil noyabriga nisbatan 10,2 foizga kam), yil boshidan buyon esa pasayish 4,5 mlrd kub metrdan oshdi. O‘tgan oyda benzin ishlab chiqarish ham kamaygan.
Elektr hisoblagich xarid qilish xarajatlarini aholi va tadbirkorlik subyektlariga o‘tkazish taklif qilinmoqda
Elektr hisoblagichlar xarid qilishni tadbirkorlik subyektlari va aholi mablag‘lari hisobidan moliyalashtirish taklif qilinmoqda. Bunga moliyaviy imkoniyatlar yetishmayotgani sabab qilib ko‘rsatildi. 2024-yildan biznes uchun gaz va elektrga 100 foiz oldindan to‘lov tizimini qaytarish ham reja qilinmoqda.
O‘zbekiston oltin eksportini rekord daraja — 8,1 mlrd dollarga yetkazdi
2023-yilning 11 oyida O‘zbekistonning tashqi savdo aylanmasi 57,3 mlrd dollarga (+26,2 foiz) yetdi. Import eksportdan qariyb 11 mlrd dollarga oshdi. Oltin eksporti 2,3 baravar ko‘payib, rekord daraja — 8,1 mlrd dollarni tashkil etdi. Samolyotlar, avtomobillar, neft va boshqa resurslar importi yuqoriladi.
Rossiyadan gaz import qilish faqatgina iqtisodiy talabdan kelib chiqib amalga oshirilmoqda — energetika vaziri
Jo‘rabek Mirzamahmudov nega O‘zbekiston oktabr oyida Rossiyadan ham gaz import qilishni boshlaganiga izoh berdi. “Asosiy sabab — ortib borayotgan talab, o‘sib borayotgan iste’mol”, — dedi energetika vaziri. U, shuningdek, Rossiyadan gaz olib kelish uchun tayyor infrastruktura bo‘lganini qayd etdi.
Mahallalar raqamlashtirilib, “Xalq nazorati” platformasiga e’tibor kuchaytiriladi
Prezident IT sohasiga doir yig‘ilishda mahalla qo‘mitalari xodimlari planshet va kompyuterlar bilan ta’minlansa ham, raqamli yechimlardan to‘liq foydalanilmayotganini tanqid qildi. “Raqamli mahalla” tizimini ishga tushirish, “Xalq nazorati” platformasini takomillashtirish bo‘yicha ko‘rsatmalar berildi.
Qurilish sohasida ayrim binolarni qurish uchun zarur bo‘lgan ishchilar soni me’yori joriy etiladi — Jamshid Qo‘chqorov
Qurilish sohasida ish o‘rinlarini qonuniylashtirish uchun 1-apreldan ayrim obyektlarni qurish uchun zarur bo‘lgan ishchilar soni me’yorini joriy etish rejalashtirilmoqda, dedi bosh vazir o‘rinbosari Jamshid Qo‘chqorov. Unga ko‘ra, bu birinchi bosqichda davlat budjetidan moliyalashtiriladigan qurilishlarga qo‘llaniladi.
2024-yilda IT xizmatlarini rivojlantirish uchun 65 mlrd so‘m ajratiladi
2024-yildan IT kompaniyalari bo‘sh turgan binolarga bir yil muddatga bepul joylashtiriladi. 50 dan ortiq mutaxassisni ishli qilgan kompaniyalarning bir yillik ish haqi xarajatining 15 foizgacha qismi qoplab beriladi. Shavkat Mirziyoyev soha uchun 65 mlrd so‘m ajratilishini ma’lum qildi.
O‘zbekistonda ayrim xizmatlar uchun to‘lovni naqd pulda qabul qilish to‘xtatilishi mumkin — bosh vazir o‘rinbosari
Bosh vazir o‘rinbosari Jamshid Qo‘chqorov yashirin iqtisodiyotga qarshi kurashish maqsadida naqd pul muomalasini qisqartirish bo‘yicha prezident qarori loyihasi tayyorlanganini ma’lum qildi. Uning so‘zlariga ko‘ra, gap ayrim to‘lovlarni faqat bank kartalari orqali to‘lash haqida bormoqda.
Eng ko‘p o‘qilgan xabarlar | So‘nggi yangiliklar
- Volkswagen va Volvo O‘zbekiston fuqarolarini Slovakiyaga ishga taklif qilmoqda
- “Taqiqlar amalda ishlamayapti”. O‘zbekistonda bukmekerlik faoliyatini qonuniylashtirishdan maqsad nima?
- Humo to‘lov tizimi baribir xususiylashtiriladi
- 420 mln dollarga qurilgan va zarar ko‘rayotgan TMZning davlat ulushi kimoshdi savdosiga qo‘yiladi
Qo‘shimcha imkoniyatlarga ega bulish uchun saytda ro‘yxatdan o‘ting