Iqtisodiyot
Toshkentda 665 gektar maydonda “Yangi avlod” sanoat zonasi tashkil etiladi
Prezident Toshkent shahri Yangihayot tumanida 664,5 gektar maydonda “Yangi avlod” maxsus sanoat zonasi tashkil etish loyihasini tasdiqladi. Uning boshqalardan farqi shundaki, egallab turgan maydonidan kelib chiqib, ishtirokchilar uchun mahsulot ishlab chiqarishda alohida shartlar belgilanadi.
227−1-modda kuchga kirgandan buyon tadbirkorlarga jami 694 mlrd so‘m jarima qo‘llangan
Davlat soliq qo‘mitasi 227−1-modda kuchga kirganidan buyon 1500 dan ortiq tadbirkorga nisbatan 694 mlrd so‘m jarima qo‘llanganini ma’lum qildi. Shundan 39 mlrd so‘mi undirilgan. Endilikda ushbu jarimalarning 98 foizi hisobdan chiqariladi.
Biznesga Soliq kodeksining 227−1-moddasi bo‘yicha qo‘llangan jarimalarning 98 foizi hisobdan chiqariladi
Prezident Soliq kodeksining 227−1-moddasida nazarda tutilgan fiskal huquqbuzarliklar uchun jarima miqdorini 50 baravarga — aylanmaning 100 foizidan 2 foizigacha kamaytirishni tasdiqladi. Shuningdek, biznesga bu modda qo‘llanilishi natijasida yuzaga kelgan qarzlarning 98 foizi hisobdan chiqariladi.
Rossiya O‘zbekiston va Qozog‘iston kabi davlatlar orqali YeIning sanksiyalangan tovarlarini olishda davom etmoqda — Bloomberg
2023-yilning yanvar-sentabr oylarida Yevropa Ittifoqidan Rossiyaga 450 mln yevrolik yuqori ustuvorlikka ega tovarlar yetib borgan. Tovarlarning chorak qismi to‘g‘ridan-to‘g‘ri YeIdan, qolgani esa O‘zbekiston, Qozog‘iston, Qirg‘iziston, Xitoy, BAA kabi davlatlar orqali Rossiyaga yetib borgan, deb yozmoqda Bloomberg.
O‘zbekistonda iste’molchilarning ichimlik suvidan qarzdorligi 954 mlrd so‘mni tashkil etmoqda
O‘zbekistonda iste’molchilarning ichimlik suvidan debitor qarzdorligi 954 milliard so‘mni tashkil etmoqda. Bunda jismoniy iste’molchilarning qarzdorligi 767 mlrd so‘mni tashkil etsa, 186 mlrd so‘mlik qarzdorlik yuridik iste’molchilarning hissasiga to‘g‘ri kelyapti.
Yakshanba kuni elektr energiyasiga kiritilgan cheklovlar oshdi — Energetika vazirligi
25-fevralda O‘zbekistonda kunlik elektr energiyasi ishlab chiqarish kamaydi. Vazirlik xabariga ko‘ra, elektr energiyasini yetkazib berish bo‘yicha cheklovlar ko‘lami kengaytirildi. “O‘zbekneftgaz” dam olish kunlari yoqilg‘i quyish shoxobchalariga qo‘shimcha 1000 tonna benzin yetkazib berganini ma’lum qildi.
UNG Petro shoxobchalarida Ai-80 benzini narxi oshdi
26-fevraldan UNG Petro yonilg‘i quyish shoxobchalarida Ai-80 benzini narxi 6800 so‘mdan 7000 so‘mgacha qimmatlashdi. Oxirgi bir oy ichida ushbu markadagi benzin taqchilligi kuzatilmoqda.
Buxoroning tarixiy qismi yaqinidagi turistik markaz loyihasi 470 mln dollarga baholanmoqda
Buxoroning tarixiy qismi bilan chegarada etnografik sayyohlik markazi qurilishi 470 mln dollarga baholanmoqda. Hokimlik YUNESKO xulosasini olgandan keyingina yakuniy qaror qabul qilib, qurilish ishlarini boshlashini bildirgandi, biroq stadionni buzish ishlari allaqachon boshlab yuborilgan.
O‘zbekistonda 1-iyuldan boshlab aholiga kredit berish talablari kuchaytirilmoqda
O‘zbekistonda 1-iyuldan boshlab qarz yuki ko‘rsatkichini joriy etish orqali aholiga kredit berish talablari kuchaytirilmoqda. Agar qarz oluvchi daromadining 60 foizini qarzni to‘lash uchun ishlatsa, banklar kredit berishdan bosh tortishlari kerak. 2025-yil 1-yanvardan boshlab bu ko‘rsatkich 50 foizgacha qisqartiriladi.
Mintaqaviy gaz savdosini faollashtirib, O‘zbekistondagi gaz talabi va taklifi tafovutini bartaraf etish mumkin — Jahon banki
Markaziy Osiyoda mintaqaviy gaz savdosini faollashtirish va Turkmanistondan gaz importini oshirish orqali Qozog‘istonda ko‘mir o‘rnini bosish, O‘zbekistonda yuzaga kelayotgan talab va taklif o‘rtasidagi tafovutni bartaraf etish mumkin, deyiladi Jahon bankining uglerod neytralligiga erishish bo‘yicha hisobotida.
O‘zbekistondagi eng yirik gaz ombori — “Gazli”ning ta’sischisi o‘zgardi. Loyiha haqida nimalar ma’lum?
Gazli Gas Storage QKning nazorat paketi (60%) Rossiyaning “Forus”idan Gonkongning Daxon Holdings kompaniyasiga o‘tdi. Bu kompaniya haqida internetda ma’lumot deyarli yo‘q. U O‘zbekistondagi eng yirik gaz ombori — “Gazli”ni boshqaradi, ya’ni mamlakatning gaz saqlash bo‘yicha energiya balansiga ta’sir ko‘rsatadi.
Toshkent viloyatida mayning ferma 3 mlrd so‘mlik elektrdan noqonuniy foydalangani aniqlandi
Toshkent viloyatida xonadon yerto‘lasida mayning ferma tashkil qilgan fuqaro 3 mlrd so‘mlik elektrdan noqonuniy foydalangani ma’lum bo‘ldi.
IT sohasida Zero Risk, Local to Global va “raqamli inklyuzivlik” dasturlari amalga oshiriladi
Prezidentga IT sohasi bo‘yicha uchta dastur taqdim etildi. Zero Risk IT xizmatlari eksport qiluvchilarni jalb qilishga qaratilgan. Local to Global IT kompaniyalarga jahon bozoriga kirishda yordam beradi. “Raqamli inklyuzivlik” loyihasi yoshlar, ayollar va imkoniyati cheklangan shaxslarni IT`ga o‘rgatadi.
Prezident Uzbekistan Airways`ni IPO`ga chiqarish va aviasanoatni transformatsiya qilish masalalarini muhokama qildi
Joriy yilda Uzbekistan Airways`ga xalqaro kredit reytingi olish va uni IPO`ga chiqarish jarayoni boshlanishi lozim. Prezident aviatsiya sohasida davlat korxonalarini transformatsiya qilishni jadallashtirish masalalarini muhokama qildi.
“Yolg‘onlar shahri”. Andijon shahri deputati — obodonlashtirish boshqarmasi xarajatlaridagi tafovut va ko‘chat narxining oshirib ko‘rsatilgan narxi haqida
Andijon shahri deputati Jahongir Jiyanov obodonlashtirish boshqarmasining xarajatlari bo‘yicha ma’lumotlarda 4 mlrd so‘mlik farq borligini aniqladi. Uning so‘zlariga ko‘ra, boshqarma salkam 2 mlrd so‘mga uchta o‘simlik qalamchasi sotib olgan. Hokim esa texnik xatolik yuz berganini aytdi.
O‘zbekistonda iste’molchilarga elektroenergiya uzilishlaridan ko‘rgan zararini qoplab berish rejalashtirilmoqda
O‘zbekistonda elektr energiyasi yetkazib berish bo‘yicha namunaviy shartnomaga o‘zgartirishlar kiritilishi rejalashtirilmoqda. Ular aholi va tadbirkorlarga elektr energiyasi ta’minotidagi uzilishlar oqibatida ko‘rgan zarari uchun sud orqali kompensatsiya undirish imkonini beradi.
O‘zbekistonda dollarning so‘mga nisbatan rasmiy kursi 12 500 so‘mdan oshdi
O‘zbekiston Markaziy banki tomonidan belgilangan AQSh dollarining rasmiy kursi 12 500 so‘mdan oshdi va o‘zining tarixiy maksimal qiymatini yangiladi. Yil boshidan buyon milliy valyuta 1,4 foizga qadrsizlandi.
Toshkentdagi sobiq MXX binosi o‘rnida quriladigan mehmonxona loyihasi 100 mln dollarga baholanmoqda
Doniyor Kamilovning Metropol Group kompaniyasi Sayilgoh ko‘chasidagi 22 qavatli mehmonxona majmuasi qurilishiga 100 million dollar sarmoya kiritmoqchi. U yerda avval sobiq MXX binosi joylashgandi.
Cheklovlar kiritilishiga sabab bo‘lgan Buxorodagi 2 ta elektr uzatish tarmog‘ida yuz bergan nosozlik bartaraf etildi
Energetika vazirligi Buxoro viloyatida kuchli shamol oqibatida yuqori kuchlanishdagi 2 ta elektr uzatish tarmog‘ida yuz bergan nosozlik to‘liq bartaraf etilganini ma’lum qildi. Shuningdek, vazirlik 21-fevral kuni 12 ming tonna mazut yoqilganini qayd etdi.
Toshkentda 1 yil ichida ikkilamchi bozordagi uy-joylarning o‘rtacha narxi deyarli 20 foizga oshdi — ITIM
Toshkentdagi uy-joylarning ikkilamchi bozordagi o‘rtacha narxi bir yilda deyarli 20 foizga oshdi, deyiladi Iqtisodiy tadqiqotlar va islohotlar markazi ma’lumotida. Yanvarda ikkilamchi uy-joylar o‘rtacha narxi kvadrat metri uchun 1122 dollarni tashkil etdi. Bektemir, Sergeli va Yashnobodda narxlar biroz oshdi.
Eng ko‘p o‘qilgan xabarlar | So‘nggi yangiliklar
- “Hali hech narsa aniq emas”. “O‘zatom” direktori — AES qurilishi bo‘yicha Rossiya bilan muzokaralar haqida
- O‘zbekiston YeTTB bilan “Asakabank”ni xususiylashtirish bitimini imzoladi
- Budjet defitsiti inflyatsiyaga bevosita ta’sir qiladi — MB raisi Mamarizo Nurmuratov
- “Davlat bozor munosabatlarini rivojlantirish va investorlar huquqlari ishonchli himoya qilinishini o‘z zimmasiga oladi” — prezident
Qo‘shimcha imkoniyatlarga ega bulish uchun saytda ro‘yxatdan o‘ting