Iqtisodiyot
“Bizga BelAZ kerak. Bu yerga mahalliylashtirish, qo‘shma korxona kerak” — prezident
Shavkat Mirziyoyev Belarus rahbari Aleksandr Lukashenko bilan muzokaralar chog‘ida O‘zbekistonda misni boyitish fabrikalari qurish uchun BelAZ bilan hamkorlikda kon samosvallari ishlab chiqarishni mahalliylashtirish bo‘yicha qo‘shma korxona tashkil etish zarurligini aytdi.
2023-yilda Uzcard va Humo`da amalga oshirilgan kartadan kartaga pul o‘tkazmalari hajmi 1,5 baravar ko‘paydi
2023-yilda Uzcard va Humo tizimlarida amalga oshirilgan kartadan kartaga pul (P2P) o‘tkazmalari hajmi 224,3 trln so‘mni tashkil etib, 2022-yilga nisbatan 80,8 trln so‘mga yoki 56 foizga ko‘proq bo‘ldi. QR-kodlardan foydalanib amalga oshirilgan to‘lovlar summasi 2,5 barobarga oshdi.
O‘zbekiston sud orqali Binance`dan litsenziyasiz ishlaganlik uchun jarima to‘lashni talab qilmoqda
O‘zbekistonda litsenziyasiz faoliyat yuritgani uchun Istiqbolli loyihalar milliy agentligi tomonidan 102 mln so‘m jarimaga tortilgan Binance kriptobirjasi buni to‘lashdan bosh tortdi. Endilikda summa sud orqali undirilishi, sud qarori kriptobirja ro‘yxatdan o‘tgan yurisdiksiyaga yuborilishi aytildi.
Muomaladagi naqd pul ulushi yana qisqarmoqda, kartalardan naqd pul yechib olish kamaymoqda — MB
O‘zbekistonda 2023-yil yakuni bo‘yicha naqd pulning umumiy pul massasidagi ulushi 2022-yilgi o‘sishdan keyin 21,5 foizgacha kamaydi. Kartalarga tushgan mablag‘lar tobora kamayib bormoqda — so‘nggi besh yil ichida ko‘rsatkich 32 foizdan 24 foizga tushdi.
Prezident BYD hamkorligida elektromobillar butlovchi qismlarini ishlab chiqarishni yo‘lga qo‘yish bo‘yicha topshiriq berdi
Prezident elektromobillar sanoatidagi loyihalarni jadallashtirish, shuningdek, Xitoyning BYD kompaniyasi bilan birga elektromobillar uchun butlovchi qismlar ishlab chiqarishni mahalliylashtirish topshirig‘ini berdi. Shuningdek, “elektrozapravkalar"ni rivojlantirish dasturini ishlab chiqish rejalashtirilgan.
O‘zbekistonga avtomobil importi 2,4 barobar, xususan, Xitoydan 5,2 barobar oshdi
2023-yilda O‘zbekiston 73 mingdan ortiq avtomobil import qildi, bu avvalgi yilga nisbatan 2,4 barobar ko‘p. Xitoydan avtomobil olib kelish hajmi esa 5,2 barobar oshdi. Import qiymati qariyb 1,8 milliard dollarga yetdi.
O‘zbekiston 2023-yilda dunyoda eng ko‘p oltin sotgan ikkinchi mamlakat bo‘ldi
2023-yil yakuni bo‘yicha O‘zbekiston dunyoda ikkinchi eng ko‘p oltin sotgan mamlakat bo‘ldi. Oltin bo‘yicha sof savdo 25 tonnadan ortiqni tashkil etib, birinchilikni egallagan Qozog‘istondan ikki barobar kam ko‘rsatkichni qayd etdi. Shuningdek, mamlakat dekabr oyida 9 tonna oltin xarid qildi.
Isroil qurilish ishlariga O‘zbekiston fuqarolarini yollamoqchi
Isroil G‘azo sektoridagi mojaroning kuchayishi ortidan ishchi kuchi tanqisligiga duch keldi. Rasmiylar qurilish sohasidagi falastinliklar o‘rnini O‘zbekiston, Hindiston va Shri-Lanka migrantlari hisobiga to‘ldirishni rejalashtirmoqda. Uchta davlatdan umumiy hisobda 65 ming ishchi kelishi kutilmoqda.
“Biz har qanday import chekloviga qarshimiz. U bizga zarar” — Jahongir Ortiqxo‘jayev
Toshkent shahri sobiq hokimi, tadbirkor Jahongir Ortiqxo‘jayev har qanday import cheklovi qo‘yilishiga qarshiligi, bunday choralar uning korxonalariga zarar ekanini ta’kidladi. “Biz to‘layotgan soliqlar ham, import uchun soliqlar ham „nol“ bo‘lsa, biz yutar ekanmiz, ko‘proq foyda topar ekanmiz”, — dedi u.
“Menda boshqa g‘oyalar ham bor, bu bilan chegaralanib qolgan joyim yo‘q-ku?” Jahongir Ortiqxo‘jayev — Magic City sotilgani haqida
Magic City bog‘iga egalik qilgan Toshkent shahri sobiq hokimi va tadbirkor Jahongir Ortiqxo‘jayev ushbu loyiha qanday paydo bo‘lgani va nima uchun uni sotishga qaror qilgani haqida gapirdi. “U yerda muammo ko‘p. Ammo menda boshqa g‘oyalar ham bor, bu bilan chegaralanib qolgan joyim yo‘q-ku?” — deya ta’kidladi u.
O‘zbekistonda 1-apreldan QQS bo‘yicha ayrim imtiyozlar bekor qilinadi
Soliq qo‘mitasi O‘zbekistonda 1-apreldan bekor bo‘ladigan QQS bo‘yicha ayrim imtiyozlar haqida eslatdi. Unga ko‘ra, tibbiy xizmatlar, dori vositalari, suv ta’minoti, kanalizatsiya issiqlik ta’minoti va yana bir qator sohalarda QQS qayta joriy etiladi.
O‘zbekiston YOII dastur va loyihalaridagi ishtirokini kengaytirmoqchi
Bosh vazir Abdulla Aripov O‘zbekiston YOIIning ko‘p tomonlama dastur va loyihalaridagi ishtirokini kengaytirish niyatida ekanini ta’kidladi. Shuningdek, u yashil yo‘laklarni to‘liq ishga tushirish va qishloq xo‘jaligi mahsulotlari erkin savdosini yo‘lga qo‘yish bo‘yicha chora-tadbirlar ishlab chiqishni taklif qildi.
Jahongir Ortiqxo‘jayev — biznes, o‘qish va ishlash o‘rtasidagi tanlov hamda mahsulotni targ‘ib qilish haqida
Toshkentning sobiq hokimi, tadbirkor Jahongir Ortiqxo‘jayev biznes marafonda yoshlarning savollariga javob berdi. “Otam biznesga kirishimdan qo‘rqardi. Bir kun qamalib ketasan derdi”, — deydi u. Ortiqxo‘jayev, shuningdek, Artel reklamasiga nega Bahodir Jalolov tanlangani haqida gapirdi.
Prezident NKMK, OKMK, “O‘zmetkombinat” va “Navoiyuran”ni rivojlantirish loyihalari bilan tanishdi
Prezident Navoiy va Olmaliq KMK, “O‘zmetkombinat” va “Navoiyuran”ni rivojlantirish masalalarini muhokama qildi. NKMK oltin zaxiralarini 1000 tonnaga oshirishni, OKMK mis ishlab chiqarishni 170 ming tonnaga yetkazishni, “O‘zmetkombinat” esa ishlab chiqarish tannarxini 20 foizga kamaytirishni reja qilmoqda.
Jahongir Ortiqxo‘jayev 7 ta kompaniyasini sotganini ma’lum qildi. Hozir ular kimga tegishli?
Toshkent shahrining sobiq hokimi va tadbirkor Jahongir Ortiqxo‘jayev o‘zining 7 ta kompaniyasi, jumladan, Magic City parki va Mediapark texnika do‘konlari tarmog‘ini sotganini aytdi. “Gazeta.uz” ochiq ma’lumotlarga asoslanib, ayni paytda ushbu kompaniyalar kimga tegishli ekanini o‘rganib chiqdi.
Buxorodagi turistik markaz avval qayerda rejalashtirilgan bo‘lsa, o‘sha yerda quriladi. Loyiha haqida nimalar ma’lum?
Buxoro shahri markazida o‘nlab davlat obyektlari, jumladan, hokimlik binolari va stadion joylashgan 32,6 gektar maydonda etnografik turizm markazi barpo etiladi. Viloyat hokimi Botir Zaripov o‘tgan yili fuqarolarning noroziligidan so‘ng to‘xtatilgan loyiha tafsilotlari haqida gapirdi.
O‘zbekistonda yanvar oyida inflyatsiya 0,64 foizni tashkil etdi
O‘zbekistonda yanvar oyida oziq-ovqat mahsulotlari narxi 0,7 foizga, nooziq-ovqat mahsulotlari 0,4 foizga, xizmatlar 0,9 foizga qimmatlashdi. Oziq-ovqat mahsulotlari inflyatsiyasida meva-sabzavotlarining narxi oshishi asosiy omilga aylandi. Shuningdek, chiqindi xizmati, benzin va propan narxlari oshdi.
“Tashabbusli budjet”ning “Bir fuqaro — bir ovoz” tizimi qanday ishlaydi? Vazirlik javobi
Endi “Tashabbusli budjet”dagi loyihalarda “Bir fuqaro — bir ovoz” tizimi amal qiladi. Ya’ni bir fuqaroda bir necha telefon raqami bo‘lsa ham, u faqat bittasidan ovoz bera oladi. Moliya vazirligiga ko‘ra, “SIM kartani kim ishlatayotgani ahamiyatsiz, u kimning nomidaligi muhim”. Batafsil.
Tadbirkorlar reytingi qanday tuziladi? Mezonlar
O‘zbekistonda tadbirkorlarning barqarorlik reytingini hisoblash uchun 23 ta mezon, jumladan, 9 ta jarima va 4 ta rag‘batlantirish qo‘llanadi. Bu kompaniyaning faoliyat davri, rentabellik darajasi, ko‘chmas mulk yoki yer uchastkasining mavjudligi, xodimlar ish haqi va boshqalarni o‘z ichiga oladi.
O‘zbekistonda 2024-yilda 450 ming dona yengil avtomobil ishlab chiqarish maqsad qilinmoqda
O‘zbekistondagi mahalliy avtomobilsozlik korxonalari tomonidan 2024-yilda 450 ming dona yengil avtomobillar ishlab chiqarishga erishish va ADM Jizzakh korxonasi negizida Koreyaning KIA brendi ostida avtomobillarni to‘liq siklda ishlab chiqarish maqsad qilinmoqda. Bu 2024-yilga oid davlat dasturiga kiritilgan.
Eng ko‘p o‘qilgan xabarlar | So‘nggi yangiliklar
- Turkmaniston O‘zbekistonni Tojikistonning issiqxona pomidori bozoridan siqib chiqarmoqda — EastFruit
- UzAuto Motors`ning foydasi birinchi chorakda qariyb 5 barobar oshdi
- Energiya tariflari oshishi fonida kambag‘allik chegarasi yana bir bor oshirildi
- O‘zbekistonda eng ko‘p ish beruvchi 10 ta kompaniya nomi e’lon qilindi
Qo‘shimcha imkoniyatlarga ega bulish uchun saytda ro‘yxatdan o‘ting