O‘zbekistonda 25-fevral kuni elektr energiyasini yetkazib berishdagi cheklovlar ko‘lami oshirildi, deya ma’lum qildi Energetika vazirligi matbuot kotibi Hasan Toshxo‘jayev.
Yakshanba kuni O‘zbekistonda 241,9 million kVt/soat elektr energiyasi ishlab chiqarildi, bu kunlik ma’lumotlar oxirgi marta e’lon qilingan 22-fevral, payshanba kuniga nisbatan 2,3 million kVt/soatga kam. (22-fevral — 244,2 million, 21-fevral — 246,8 mln, 20-fevral — 246,6 mln, 19-fevral — 243,9 mln).
Issiqlik elektr stansiyalarida 43,6 million kubometr tabiiy gaz (payshanba va oldingi kunlarda mos ravishda 42,3, 41,9, 41,7 va 41,3 million), 17,2 ming tonna ko‘mir (21, 23, 5, 24,8 va 25,6 ming) va 11,1 ming tonna kubometr mazutdan (11,4, 12, 12,6 va 12,1 ming) foydalanilgan. Ko‘rib turganingizdek, keyingi kunlarda issiqlik elektr stansiyalarida ko‘mir va mazutdan foydalanish kamaygan.
Yakshanba kuni Turkmanistondan 22,2 million kVt/soat elektr energiyasi import qilingan (22,5, 20, 20,1 va 20,6 mln).
Iste’molchilarga 235,9 million kVt/soat elektr energiyasi yetkazib berildi, bu rejaga nisbatan 5 foizga ko‘p. Payshanba va oldingi kunlarda yetkazib berish 240,2 million, 240,9 million, 239,1 million va 236,2 million kVt/soatni tashkil etgandi.
Tig‘iz vaqtlarda elektr energiyasini 600 MVtgacha (avvalgi kunlarda — 550 MVt dan ko‘p bo‘lmagan) yetkazib berishga cheklovlar joriy этилди, bu gaz bosimining pasayishi va elektr energiyasiga bo‘lgan talabning bir necha barobar ortishi bilan bog‘liq edi. Vazirlik ogohlantirishicha, 26-fevral, dushanba kuni ham vaziyat barqarorlashguncha, ba’zi cheklovlar tig‘iz vaqtlarda kiritilishi mumkin.
Gaz iste’moli 157,2 million kub metrga oshgan (o‘tgan payshanba kuni — 154,6 million).
22-fevraldan boshlab mamlakatda metan yoqilg‘i quyish shoxobchalari faoliyatiga qo‘yilgan cheklovlar bosqichma-bosqich olib tashlana boshladi. 609 ta (1517 ta) gaz quyish shoxobchalari orqali aholi va ijtimoiy soha obyektlari uchun 3,899 kub metr gaz (payshanba kuni 481 ta gaz quyish shoxobchalari orqali 3,24 mln kubometr) yetkazib berildi.
“Gazeta.uz” Energetika vazirligidan tuman va viloyatlar bo‘yicha ish boshlagan yoqilg‘i quyish shoxobchalari hamda ularning ish tartibi (ilgari ish vaqti soat 8:00 dan 15:00 gacha aytilgan edi) haqida ma’lumot berishni so‘radi, biroq hali ma’lumot olinmagan.
“O‘zbekneftgaz” kompaniyasi o‘zining UNG Petro yoqilg‘i quyish shoxobchalariga benzin yetkazib berishni 4 baravarga — 22-fevraldagi 4332 tonnadan 1073 tonnaga qisqartirdi. 26-fevral kuni kompaniya AI-80 benzini narxi 6800 so‘mdan 7000 so‘mga ko‘tarilganini ma’lum qilgan edi. “O‘zbekneftgaz”ning “Gazeta.uz”ga ma’lum qilishicha, gap ta’minotning kamayishi haqida emas, chunki an’anaga ko‘ra kompaniya shanba va yakshanba kunlari yoqilg‘i quyish shoxobchalariga benzin yetkazib bermagan. Yoqilg‘i quyish shoxobchasi zaxiraga ega bo‘lishi uchun ish kunlarida benzin kerakli hajmda yetkazib beriladi, biroq bu safar ortib borayotgan talabni hisobga olgan holda yakshanba kuni 1073 tonnaga qo‘shimcha yoqilg‘i yetkazib berishga qaror qilindi, deya tushuntirdi kompaniya.
Elektr ta’minoti bilan bog‘liq muammolar yuzaga kelgan taqdirda, iste’molchilardan 1154 qisqa raqamiga, shuningdek, 71−207−23−76 telefon raqami yoki Telegram`dagi (@het_admin) administratorga, gaz ta’minoti yuzasidan 1104, 104 qisqa raqamlariga, shuningdek, 71−202−11−04 telefon raqami yoki Facebook ijtimoiy tarmog‘idagi maxsus guruhga hamda ko‘mir ta’minoti yuzasidan 78−148−30−03, 71−244−38−28 telefon raqamlariga murojaat qilishlari so‘raladi.
