Iqtisodiyot
O‘zbekiston mazut importini 2 baravar, iyun-iyulda esa 20−22 baravar oshirdi
Yil boshidan buyon O‘zbekiston 843,6 ming tonna mazut import qildi, bu o‘tgan yilning yanvar-iyul oylaridagi hajmdan ikki baravar ko‘p. Iyunda import 22 baravar (2023-yil iyuniga nisbatan), iyulda esa 19,6 baravar oshdi.
O‘zbekistonda taksi haydovchisi sifatida rasman ro‘yxatdan o‘tganlar soni 576 mingga yetdi
O‘zbekistonda norasmiy ishlab kelgan yarim milliondan ortiq fuqaro (576,1 ming) yo‘lovchi tashish sohasida o‘zini o‘zi band qilgan shaxs sifatida rasman ro‘yxatdan o‘tgan. Yil boshidan beri daromadi 100 mln so‘mdan oshgan haydovchilarning soni 171 nafarga yetgan.
1-sentabrdan boshqa turdagi pensiya va nafaqalar miqdori qanday o‘zgaradi?
1-sentabrdan ish staji to‘liq bo‘lmagan chog‘dagi nogironlik pensiyasining eng kam miqdori, boquvchisini yo‘qotganlik nafaqasi oluvchilarning bir nafar mehnatga qobiliyatsiz oila a’zosi uchun nafaqa miqdori hamda boshqa nafaqa va to‘lovlar 15 foizga oshiriladi.
Senat Tadbirkorlik kodeksini ma’qulladi
Senatorlar 100 dan ortiq hujjatni, jumladan, 9 ta qonunni o‘zida jamlagan Tadbirkorlik kodeksini ma’qulladi. U tadbirkorlikni uchta toifaga bo‘ladi, davlat tomonidan tartibga solishning chegara va shakllarini, yakka tartibdagi tadbirkorlar shug‘ullana olmaydigan faoliyat turlarini va boshqalarni belgilaydi.
Kambag‘allik darajasini 3 yil ichida 7 foizga tushirish ko‘zda tutilmoqda. Chora-tadbirlar rejasi
Kambag‘allikni qisqartirish va ijtimoiy himoya tizimi qayta ko‘rib chiqiladi. Har yili 50 ta mahalla tanlab olinib, kambag‘allik va ishsizlikdan xoli hududga aylantiriladi. Shuningdek, bu hokim yordamchilarining asosiy vazifasiga aylanadi. Ehtiyojmandlarni ishga olgan tadbirkorlarga soliq imtiyozlari beriladi.
O‘zbekistonda faktoring xizmatlarini rivojlantirish bo‘yicha farmon imzolandi. Asosiy ma’lumotlar
Prezident faktoring xizmatlari bozorini rivojlantirishga oid farmon imzoladi. 2025-yildan kredit tashkilotlari faktoring shartnomalari bo‘yicha sotib olingan pul talabnomalarini qayta sota (refaktoring) oladi, mijoz kontragenti norezident bo‘lsa, operatsiyalarni xorijiy valyutada qilishga ruxsat etiladi.
Omonatlarning kafolatlangan miqdorini 200 mln so‘mgacha kamaytirish rejalashtirilmoqda. Bu nima uchun kerak?
O‘zbekiston dunyoda 100 foiz omonat kafolati hali ham amal qiladigan kam sonli davlatlardan biridir. Markaziy bank kafolat chegarasini 200 mln so‘m etib belgilashni, kompensatsiya berish muddatini qisqartirishni va boshqalarni taklif qilmoqda. To‘liq kafolat avval ochilgan depozitlar uchun saqlanib qoladi.
Orient Group Management va UzOman kompaniyalariga nisbatan monopoliyaga qarshi ish ochildi
Raqobat qo‘mitasi Orient Group Management va O‘zbekiston-O‘mon investitsiya kompaniyasiga (UzOman) qarshi ish qo‘zg‘atdi, ularning har biri Highway Logistics Center aksiyalarining 45 foizdan ortig‘iga egalik qilishi aniqlandi. Kompaniyalar monopoliyaga qarshi qonunchilikni buzgani uchun jarimaga tortildi.
Prezident Hyundai Rotem (Janubiy Koreya) tezyurar poyezdlarini xarid qilish loyihasining TIA parametrlarini tasdiqladi
Prezident Janubiy Koreyadan oltita tezyurar Hyundai Rotem elektropoyezdini xarid qilish loyihasining texnik-iqtisodiy parametrlarini tasdiqladi. Koreyaning Eksimbanki 40 yil muddatga 185,18 mln yevro miqdorida ancha qulayroq kredit ajratadi. Loyihaning o‘zini oqlash muddati 25 yilga baholanmoqda.
Qirqqa yaqin tadbirkor orden va medallar bilan taqdirlandi
Prezident Tadbirkorlar kuni munosabati bilan soha vakillaridan bir guruhini, jumladan, 37 kishini mukofotlash to‘g‘risida farmon imzoladi. Ularga “Mehnat shuhrati”, “Do‘stlik” ordenlari va “Kelajak bunyodkori” hamda “Shuhrat” medallari berildi (ro‘yxat).
Prezident 100 dan ortiq ishbilarmonni “Faol tadbirkor” ko‘krak nishoni bilan taqdirladi
Shavkat Mirziyoyev Tadbirkorlar kuni oldidan 104 nafar ishbilarmonni “Faol tadbirkor” ko‘krak nishoni bilan taqdirlash bo‘yicha farmoyish chiqardi (ro‘yxat).
Toshkent viloyatida poytaxt oqova suv tizimi uchun yangi tozalash inshooti quriladi
Toshkent viloyatida kuniga 1 mln kub metr oqova suvni tozalash quvvatiga ega inshoot quriladi. Bu orqali 100 mingdan ortiq aholi va 100 dan ortiq korxona markazlashgan oqova suv xizmatidan foydalanadi. Loyiha BAA, Fransiya va Yaponiya kompaniyalari konsorsiumi tomonidan amalga oshiriladi.
Amerika kompaniyasi O‘zbekiston uchun oltita Pilatus PC-12 samolyotini qayta tiklaydi
AQShning Sierra Nevada Corporation kompaniyasi O‘zbekiston uchun oltita Pilatus PC-12 samolyotini ta’mirlash bo‘yicha shartnoma imzoladi. Loyiha qiymati 64,2 million dollarni tashkil etadi. Ishlarni 2027-yil avgustida yakunlash rejalashtirilgan.
Aholiga suyultirilgan gazni xususiy sektor yordamida yetkazib berish taklif etilmoqda
O‘zbekiston aholisiga suyultirilgan gaz yetkazib berish uchun xususiy sektorni jalb etish rejalashtirilmoqda. Prezident bu masalani o‘rganib, takliflar kiritishni topshirdi. Bugungi kunda aholining qariyb 47 foizi suyultirilgan gaz oladi.
O‘zbekistonda kuzda ish haqi, pensiyalar va nafaqalar miqdori oshiriladi
O‘zbekistonda 1-sentabrdan boshlab pensiyalar va nafaqalar 15 foizga oshiriladi. 1-oktabrdan esa budjet tashkilotlari xodimlarining maoshi 10 foizga, o‘qituvchilar va tibbiyot xodimlarining maoshi esa 15 foizga ko‘tariladi.
Quyosh paneli o‘rnatilganda soliq imtiyozlarini qo‘llashga cheklov olib tashlandi
Prezident Soliq qo‘mitasiga quyosh panellarini o‘rnatishda yer va mol-mulk solig‘i imtiyozlaridan to‘liq foydalanish bo‘yicha cheklovni olib tashlash topshirig‘ini berdi. Hozirda imtiyoz faqat maydonning qayta tiklanuvchi energiya manbalari uskunalari o‘rnatilgan qismiga tegishli.
Yengil avtomobillarning oylik savdosi 18,6 foizga oshdi, lekin yillik savdo hajmi pasayishda davom etmoqda
Iyul oyidagi o‘sishga qaramay, O‘zbekistonda avtomobil savdosi yillik ko‘rsatkichlarda, ayniqsa, xorijiy yengil avtomobillar segmentida (-46,5 foiz) pasayishda davom etmoqda. Ikkilamchi bozorda tuzilgan shartnomalar soni oshdi, ammo umumiy tendensiya savdo hajmining kamayganini ko‘rsatmoqda.
Hayraton — Naybobod — Mozori Sharif temiryo‘l liniyasini ta’mirlash ishlari yakunlandi
Afg‘onistonda Naybobod temiryo‘l stansiyasi ochildi, u va uning Hayraton — Naybobod — Mozori Sharif liniyasi “O‘zbekiston temir yo‘llari” kompaniyasi tomonidan qayta tiklandi. Ochilish marosimida stansiyaga birinchi yuk vagonlari yetib keldi.
Toshkentda o‘rtacha ta’mirlangan xonadonlar uchun ijara narxlari pasayishda davom etmoqda — MHTI
Makroiqtisodiy va hududiy tadqiqotlar instituti tahliliga ko‘ra, iyul oyida Toshkent shahrida o‘rtacha ta’mirlangan xonadonlar uchun ijara narxlari 0,7 foizga pasaygan. To‘liq ta’mirlangan xonadonlar uchun o‘rtacha 0,3 foizga oshgan.
Mirziyoyev va Toqayev Transkaspiy yo‘lagi va Transafg‘on temiryo‘lini muhokama qildi
Mirziyoyev va Toqayev yuk tashishni oshirishga sharoitlar yaratish, avtomobil va temiryo‘llar qurish hamda modernizatsiya qilishni jadallashtirishni muhokama qildi. Transkaspiy yo‘lagi va “Shimol-Janub” koridoridan samarali foydalanish va chegarada yangi o‘tkazish punktlarini ochish masalalarini ko‘rib chiqdi.
Eng ko‘p o‘qilgan xabarlar | So‘nggi yangiliklar
- O‘zbekistonda propanning birja narxlari ikki barobar oshdi. STG bozorida nima bo‘lyapti?
- Lacetti`dagi yong‘in tufayli UzAuto Motors va dilerga nisbatan ish ochildi
- Avgustda o‘zbekistonliklar go‘sht, elektr, gaz, benzin, propan narxlari oshganini ko‘proq his qildi — MB so‘rovnomasi
- “Tashabbusli budjet”ning 2-mavsumida yana 177 ta loyiha qo‘shimcha g‘olib deb topildi
Qo‘shimcha imkoniyatlarga ega bulish uchun saytda ro‘yxatdan o‘ting