Жамият
Ёзнинг илк кунида Ўзбекистонда содир бўлган энг муҳим хабарлар дайжести
Шилқимлик учун 5 суткага қамалган «пранкчилар», Тошкентда августгача ошмайдиган йўлкира, «Европа Иттифоқи — Марказий Осиё» саммитида қатнашадиган Мирзиёев, томорқасида банд бўлганларга ҳам меҳнат стажи ҳисобланиши, хусусийлаштирилаётган «UNG Petro» ва бошқалар — «Газета.uz»нинг кун дайжестида.
Байроқдан фойдаланишдаги чекловларни юмшатиш таклиф қилинмоқда
Давлат байроғидан фойдаланишни кенгайтириш тўғрисидаги қонун лойиҳаси муҳокама учун эълон қилинди. Аввалроқ Шавкат Мирзиёев сайловолди нутқида шундай таклиф билан чиққанди. Байроқни хонадонларга осиб қўйиш, кийим-кечакларга ёпиштириш, оилавий ва бошқа тадбирларда фойдаланишга рухсат берилиши мумкин.
Click компанияси болалар учун байрамона тадбирлар ташкиллаштирди
Click компанияси 36 ва 77-сонли ихтисослаштирилган мактабларда байрамона тадбирлар ташкиллаштирди, ҳамда Aloha Mental Arithmetic 2023 VI республика мусобақасига ҳомийлик қилди.
Мусаффо осмон остидаги «снос». Тошкентнинг М1 даҳасида нималар рўй бермоқда?
2020 йилда тўсатдан Тошкентнинг М1 даҳасида кўп қаватли уйлардаги кафе-ресторанларнинг ташқи айвонларини бузиш бошланганди. Ҳозирда яна айвонлар бузилмоқда. Расмийлар аҳоли шикояти ва қонунбузарликларни даъво қилаётган бўлса, бизнес қонуний меъёрлар йўқлигини айтмоқда. «Газета.uz» вазиятни ўрганди.
Бухорода электромобилли эко-такси ишга тушди
Бухорода Ўзбекистонда илк бор электромобиллардан фойдаланиладиган такси хизмати йўлга қўйилмоқда. У Eco-taxi бренди остида ишлайди.
Тошкентда тўрт қаватли авария ҳолатидаги уй аҳолиси кўчирилмоқда
Пойтахтнинг Чилонзор тумани «Наққошлик» маҳалласида жойлашган 32 хонадондан иборат тўрт қаватли уйда ёриқлар аниқланди. Ундаги 15 та хонадонда истиқомат қилувчилар ўз қариндошлариникига кўчиб ўтмоқда, 17 оила эса вақтинчалик уй-жой билан таъминланди.
Тошкентда жамоат транспортида йўлкира нархи август ойигача ошмайдиган бўлди
Май ойи охирида Тошкент жамоат транспорти учун мослашувчан тарифлар жорий этилиши керак эди. Бироқ, шаҳар кенгаши «тарифларнинг ошишига қатъиян қарши» чиқди. Депутатлар ўзгаришларни 1 августга қолдирди. «Газета.uz» янги тизимга ўтиш нега зарурлигини тушунтиради.
Томорқасида банд бўлганларга ҳам меҳнат стажи ҳисобланиши мумкин
Сенат томонидан маъқулланган қонунга кўра, энди шахсий томорқа ер участкасида банд бўлган ер участка эгаси ёки унинг оила аъзоларига меҳнат стажи ҳисобланади. Бунинг учун улар томонидан йилига БҲМнинг камида 1 баравари миқдорида солиқ тўлаб борилади.
Жазирама кунларда Тошкент метросининг ерусти участкаларида ҳаракат тезлиги пасаяди
Ҳаво исиши сабабли ерусти темирйўлларининг рельс ва пўлат қисмларида ҳарорат юқорилаши мумкин. Бундай кунларда Тошкент метрополитенининг ерусти йўналишларида ҳаракат тезлиги пасайтирилади. Рельслар ҳарорати +60 даража бўлганда, тезлик 40 км/соатдан, +65 даражада 25 км/соатдан ошмайди.
Ўзбекистонда июнь ойи меъёрдан 2−3 даража иссиқроқ бўлади
2015 йилдан буён Ўзбекистонда ёзги ҳаво ҳарорати меъёрдан юқори бўлиб келмоқда. Ўзгидромет прогнозига кўра, бу йилги июнь ойида ҳарорат меъёрдан 2−3 даража иссиқ бўлади. Айрим кунларда ҳудудларда қисқа муддатли ёмғир ёғиши мумкин, лекин ёғингарчилик миқдори меъёрдан кам бўлиши кутилмоқда.
Ўзбекистонда 17 ой давомида 429,3 млрд сўмлик давлат харидларида манфаатлар тўқнашуви аниқланган
Антикоррупция агентлиги томонидан 2021 йил ва 2022 йилнинг 5 ойи давомида 429,3 млрд сўмлик 5805 та давлат харидларида манфаатлар тўқнашуви ҳолатларига йўл қўйилгани аниқланди.
Метро вагонида қизга шаҳвоний шилқимлик қилган икки блогер 5 суткага қамалди
Метро вагонида тутқични ушлаб турган қизга шилқимлик қилиб, «пранк» видео олган икки блогернинг ҳар бирига 5 суткадан маъмурий қамоқ жазоси тайинланди.
TMZ касаба уюшмаси ходимлари учун оилавий байрам ташкил қилинди
Anhor Lokomotiv боғида TMZ ходимлари касб байрами «Ўзбекистон кончилик ва металлургия саноати ходимлари куни» ва «Халқаро болаларни ҳимоя қилиш куни»ни нишонлади.
Уйда кир ювиш машиналарининг бўлиши иқтисодий фаол аёллар сонини оширади — МҲТИ таҳлили
МҲТИ тадқиқотига кўра, уйда кир ювиш машиналарининг бўлиши иқтисодий фаол аёллар сонини оширади. Экспертлар қурилма сув ва энергия сарфини камайтириш билан бирга, аёлларга ҳафтасига 4 соат вақтини тежаш имконини беришини, бу вақтни улар фарзандлари учун сарфлаши мумкинлигини билдирди.
Ўзбекистонда қанча ногиронлиги бўлган шахслар яшайди?
Жаҳон банкига кўра, 2022 йилда аҳолининг 2,3 фоизи ёки 845,3 минг киши ногиронлиги бўлган шахслар деб топилган. 60 ёшдан катталарнинг 54 фоизи ногиронликнинг маълум шаклига эга. Бундай шахслар турли соҳаларда қийинчиликларга учрамоқда, ҳукумат эса вазиятни яхшилашга уриняпти, дейилади тадқиқотда.
Сенат «Манфаатлар тўқнашуви тўғрисида»ги қонунни маъқуллади
Сенатда «Манфаатлар тўқнашуви тўғрисида»ги қонун маъқулланди. Эндиликда ушбу муносабатларни тартибга солиш учун Коррупцияга қарши курашиш агентлиги ваколатли орган бўлиб, соҳадаги фаолиятни мувофиқлаштиради ҳамда манфаатлар тўқнашуви билан боғлиқ ҳолатлар аниқланганда судга даъво киритади.
Ҳудудий таълим бошқармаларига хорижий маслаҳатчилар жалб этилади
Ўзбекистонда йил охиригача мактабгача ва мактаб таълим ҳудудий бошқармалари раҳбарлари учун хорижий маслаҳатчилар жалб этилади.
Ўзбекистонлик ҳунармандлар биринчи марта Homo Faber маълумотномасига киритилди
Ўзбекистоннинг 11 нафар ҳунарманди жаҳонга машҳур Homo Faber маълумотномасига киритилди. У Микеланжело жамғармаси томонидан яратилган онлайн платформа бўлиб, Европа ва ундан ташқарида ҳунармандчиликнинг замонавий ривожланиши билан боғлиқ тажрибаларни тақдим этади.
Тошкентда 8 та автомобиль иштирокида ЙТҲ содир бўлди
Учтепа туманида юк машинаси ва 7 та енгил автомобиль тўқнашди. ЙТҲ оқибатида ҳайдовчилардан бири шифохонага олиб кетилди.
Қирғизистондаги зилзила кучи Наманган вилоятида сезилди
Пайшанба тонгида Қирғизистонда зилзила содир бўлиб, унинг кучи Наманган вилоятида сезилди ва 2−3 баллни ташкил этди.
Энг кўп ўқилган хабарлар | Сўнгги янгиликлар
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Тошкентда фуқарони 2 млн сўм эвазига ишга жойлаб қўймоқчи бўлган метрополитен ходимаси ушланди
- Фарғонада қўрқитиб қўйиш учун ёш болани машина юкхонасига қамаб қўйган шахсга жиноят иши қўзғатилди
- «Истеъмолчиларнинг ичимлик сувидан 1 трлн сўм қарзи мавжуд» — «Ўзсувтаъминот»
Қўшимча имкониятларга эга булиш учун сайтда рўйхатдан ўтинг