Ҳаво исиши сабабли ерусти темирйўлларининг рельс ва пўлат қисмларида ҳарорат юқорилаши мумкин. Бундай кунларда Тошкент метрополитенининг ерусти йўналишларида ҳаракат тезлиги пасайтирилади. Рельслар ҳарорати +60 даража бўлганда, тезлик 40 км/соатдан, +65 даражада 25 км/соатдан ошмайди.
2015 йилдан буён Ўзбекистонда ёзги ҳаво ҳарорати меъёрдан юқори бўлиб келмоқда. Ўзгидромет прогнозига кўра, бу йилги июнь ойида ҳарорат меъёрдан 2−3 даража иссиқ бўлади. Айрим кунларда ҳудудларда қисқа муддатли ёмғир ёғиши мумкин, лекин ёғингарчилик миқдори меъёрдан кам бўлиши кутилмоқда.
Антикоррупция агентлиги томонидан 2021 йил ва 2022 йилнинг 5 ойи давомида 429,3 млрд сўмлик 5805 та давлат харидларида манфаатлар тўқнашуви ҳолатларига йўл қўйилгани аниқланди.
Метро вагонида тутқични ушлаб турган қизга шилқимлик қилиб, «пранк» видео олган икки блогернинг ҳар бирига 5 суткадан маъмурий қамоқ жазоси тайинланди.
Anhor Lokomotiv боғида TMZ ходимлари касб байрами «Ўзбекистон кончилик ва металлургия саноати ходимлари куни» ва «Халқаро болаларни ҳимоя қилиш куни»ни нишонлади.
МҲТИ тадқиқотига кўра, уйда кир ювиш машиналарининг бўлиши иқтисодий фаол аёллар сонини оширади. Экспертлар қурилма сув ва энергия сарфини камайтириш билан бирга, аёлларга ҳафтасига 4 соат вақтини тежаш имконини беришини, бу вақтни улар фарзандлари учун сарфлаши мумкинлигини билдирди.
Жаҳон банкига кўра, 2022 йилда аҳолининг 2,3 фоизи ёки 845,3 минг киши ногиронлиги бўлган шахслар деб топилган. 60 ёшдан катталарнинг 54 фоизи ногиронликнинг маълум шаклига эга. Бундай шахслар турли соҳаларда қийинчиликларга учрамоқда, ҳукумат эса вазиятни яхшилашга уриняпти, дейилади тадқиқотда.
Сенатда «Манфаатлар тўқнашуви тўғрисида»ги қонун маъқулланди. Эндиликда ушбу муносабатларни тартибга солиш учун Коррупцияга қарши курашиш агентлиги ваколатли орган бўлиб, соҳадаги фаолиятни мувофиқлаштиради ҳамда манфаатлар тўқнашуви билан боғлиқ ҳолатлар аниқланганда судга даъво киритади.
Ўзбекистонда йил охиригача мактабгача ва мактаб таълим ҳудудий бошқармалари раҳбарлари учун хорижий маслаҳатчилар жалб этилади.
Ўзбекистоннинг 11 нафар ҳунарманди жаҳонга машҳур Homo Faber маълумотномасига киритилди. У Микеланжело жамғармаси томонидан яратилган онлайн платформа бўлиб, Европа ва ундан ташқарида ҳунармандчиликнинг замонавий ривожланиши билан боғлиқ тажрибаларни тақдим этади.
Учтепа туманида юк машинаси ва 7 та енгил автомобиль тўқнашди. ЙТҲ оқибатида ҳайдовчилардан бири шифохонага олиб кетилди.
Пайшанба тонгида Қирғизистонда зилзила содир бўлиб, унинг кучи Наманган вилоятида сезилди ва 2−3 баллни ташкил этди.
Strikers, Maris ва Bonti шоколат батончикларини ишлаб чиқарувчиси ўзганинг савдо белгисидан ноқонуний фойдаланиш моддаси бўйича жаримага тортилди.
Президентликка Шавкат Мирзиёев номзодини маъқуллаган «Миллий тикланиш» партияси, Тошкент халқ ҳордиқ чиқарадиган шаҳарга айлантирилишини айтган янги пойтахт ҳокими, таълимдаги янгиликлар, Сурхондарёдаги ёнғин, сунъий интеллект технологияларинин хавфи ва бошқалар — «Газета.uz»нинг кун дайжестида.
Янги Тошкентни қуриш учун Тошкент вилоятининг Юқори Чирчиқ ва Ўрта Чирчиқ туманларидан 19,7 минг гектардан зиёд ер майдони ўтмоқда. Шундан 12,9 минг гектари қишлоқ хўжалиги ерлари ҳисобланади.
Беруний яшаган даврларда унинг номи «Қиз денгизи» эди. Денгиздан кам жойи йўқ — узунлиги 100−120 (тахминан Тошкентдан Гулистонгача бўлган масофа), эни 30−40 км атрофида, бу қирғоғидан наригиси кўринмайди. Асрлар бўйи неча бор қуриб, сўнг яна сувга тўлган бу жой ҳозир шундай аталади — Сариқамиш.
Китоб туманида 20 ёшли йигит ўзаро тортишув сабабли 25 ёшли йигитни қасддан пичоқлаб ўлдирди. Гумонланувчи процессуал тартибда ушланган, тергов олиб борилмоқда.
1 июндан бошлаб Тошкент−Қарши−Тошкент йўналишида қўшимча йўловчи поездлар ҳаракати йўлга қўйилди. Қатновлар ҳафтанинг ҳар пайшанба куни амалга оширилади.
Касби туманидаги XIV асрга тегишли «Намозгоҳ» масжиди нураб бораётгани, аммо ҳеч қандай чора кўрилмаётгани танқид қилинганди. Маданий мерос агентлиги ўрганишлардан сўнг ёдгорлик 2023 йилги реставрация режасига киритилганини билдирди.
Тошкент шаҳри ҳокими вазифасини бажарувчи Шавкат Умурзоқовнинг сўзларига кўра, яқинда шаҳардаги ҳар бир маҳаллада яшил ҳудудлар барпо этилади. «Тошкентга „халқ шаҳри“, „халқ ҳордиқ чиқарадиган шаҳар“ номларини олиб бериш сиёсатини юритамиз», — дейди у.
Қўшимча имкониятларга эга булиш учун сайтда рўйхатдан ўтинг