Жамият
Янгийўлда тадбиркордан пора талаб қилган кадастр туман бўлими бошлиғига жиноят иши қўзғатилди
Янгийўл тумани кадастр агентлиги бошлиғи в.б. тадбиркорнинг ишини битириб бериш эвазига 10 тонна цемент талаб қилган. Уни 10 млнга баҳолаб, шундан 500 долларини олган вақтида ушланди.
2021/2022 ўқув йилида Президент мактабларига 1632 нафар ўқувчи қабул қилинади
2021/2022 ўқув йилида Президент мактабларига 1632 нафар ўқувчи қабул қилиш режалаштирилмоқда. Ҳозирча қабуллар Тошкент, Наманган, Нукус ва Хива шаҳарларида мавжуд Президент мактабларига бўлиб ўтади. Давлат раҳбари 29 декабрдаги парламентга мурожаатномасида шу йили 10 та президент мактаби бунёд этилишини айтган эди.
«Ўзбекистон ва Қирғизистон ўртасида энди тўсиқлар йўқ» — Руслан Казакбаев
Қирғизистон ташқи ишлар вазири Руслан Казакбаев АКИpress’га берган интервьюсида Ўзбекистон билан савдо-иқтисодий соҳадаги муносабатлар, сув масаласи ва давлат чегарасини делимитация қилиш тўғрисида cўз юритди.
13 март — шанба куни умумхалқ ҳашари бўлиб ўтади
Шанба куни умумахалқ хайрия ҳашари ўтказилади. Ушбу хайрия ҳашарини ўтказиш бўйича бош вазирнинг биринчи ўринбосари Очилбай Раматов раҳбарлигида ишчи гуруҳ таркиби таcдиқланди. Иш берувчилар томонидан Ҳашарга ходимларини мажбурий жалб қилиш тақиқланади, акс ҳолатда мутасаддилар жазоланади.
Шартномаларга риоя қилиниши керак: Адлия вазирлиги шартномавий-ҳуқуқий муносабатларни яхшилашни таклиф қилмоқда
1 майдан бошлаб банкларга етказиб берилаётган маҳсулот ёки хизматлар учун тўловларни учинчи шахслар ҳисобидан қабул қилиш таклиф қилинмоқда. Шунингдек 50 фоиз ва ундан ортиқ давлат улушига эга компаниялар билан тузилган шартномаларда 15 фоиз миқдорида аванс тўлаш талабини бекор қилишга рухсат бериш кўзда тутилган. Жисмоний шахсларга чет эл валютасида кредит бериш ва тўлаш ҳуқуқи берилиши мумкин.
Эҳтиёжманд оилаларнинг ёшлари «Ватанпарвар» автомактабларида бепул ўқишлари мумкин бўлади
1 апрелдан бошлаб «темир», «ёшлар» ва «аёллар» дафтарларига киритилган эҳтиёжманд оилалар ёшлари «Ватанпарвар» автомактабларида бепул ўқишлари мумкин бўлади.
Тест синови топшириладиган фанлар мажмуаси тасдиқланди
Таълим муассасаларига қабул қилиш бўйича давлат комиссияси 2021/2022 ўқув йили учун бакалавриат таълими учун тест фанлари блокларини аниқлади. Мумкин бўлган максимал балл — 280,5 этиб белгиланди.
«Билса ҳазил, билмаса чин принципида ишланган» — Иномжон Тоғаев электр ва газ таъминотидаги қўшиб ёзишлар ҳақида
Иномжон Тоғаев Amerika Ovozi`га берган интервьюсида газ ва электр таъминотидаги нореал қарздорлик, уни аҳолига тўлатиш ҳолатлари ҳақида гапирди. Унинг айтишича, «билса ҳазил, билмаса чин принципида ишланган». Шунингдек, Тоғаев АСКУЭ тизими ҳақида гапира туриб, «бу онлайн сўзи номига бор», деди.
1 сентябрдан янги транспорт воситалари техник кўрикдан ўтказилмайди
Ҳукуматнинг тегишли қарори билан 1 сентябрдан янги транспорт воситалари техник кўрикдан ўтказилмаслиги белгиланмоқда. Ишлаб чиқарилганига 6 йилдан ошган автомобиллар 1 йилда 1 марта техник кўрикдан ўтказилади. Шу билан бирга, сентябрдан хорижий давлатларга чиқадиган транспортлардан ташқари барча транспортларга техник кўрикдан ўтгани тўғрисидаги талонларни бериш амалиёти ҳам бекор қилинади.
«Бизда „мен раҳбарман, менинг айтганим бўлади“ деган қоида сақланиб қолган» — Иномжон Тоғаев
Истеъмолчилар ҳуқуқларини ҳимоя қилиш жамиятлари федерацияси ижрочи директори ННТлар аслида ҳокимиятларнинг ўнг қўли эканини айтди. «Муаммони кўтариб чиқаётган одамлар унинг ечимини ҳам ўзи билади», — деди у. Бироқ, Тоғаевнинг фикрича, «бизда „мен раҳбарман, менинг айтганим бўлади“ деган қоида сақланиб қолган». У Америка овозига берган интевьюсида лоббизм масаласига ҳам тўхталиб ўтган.
Ўзбекистонда COVID-19 га қарши вакцина олган фуқароларга сертификат берилади
Коронавирусга қарши эмланган фуқароларга вакцина олганлиги тўғрисида сертификатларни жорий этиш режалаштирилмоқда. Эмланадиган фуқароларни электрон рўйхатга олиш учун emlash.uz сайти яратилди.
«Бирор раҳбарнинг ўғли бизнес қилиши мумкин эмас, деган қоиданинг ўзи йўқ» — Иномжон Тоғаев
Истеъмолчилар ҳуқуқларини ҳимоя қилиш жамиятлари федерацияси ижрочи директори Иномжон Тоғаев амалдорлар ва унинг яқин қариндошлари ўртасидаги манфаатлар тўқнашуви ҳақида ўз муносабатини билдирди. «Бирор раҳбарнинг ўғли бизнес қилиши мумкин эмас, деган қоиданинг ўзи йўқ», — деди Иномжон Тоғаев. У «танганинг иккинчи томони бор"лигига эътибор қаратди.
Россия Ўзбекистонга кўчма диагностика клиникасини топширди
Кўчма диагностика ва даволаш клиникаси Россия ҳукумати томонидан Ўзбекистон Соғлиқни сақлаш вазирлигига топширилди. У бирламчи тиббий ёрдамни кўрсатиш, шунингдек хавфли инфекциялар, шу жумладан ОИВ ва COVID-19ни аниқлаш учун мўлжалланган.
Ҳафта охирида ҳаво совиб, қор ёғиши мумкин
Дам олиш кунлари Ўзбекистонга совуқ ва нам ҳаво массалари кириб келади. 13−14 мартда республикада ёмғир ёғиб, 14 мартга ўтар кечаси қорга айланади. Ҳаво ҳарорати кечалари 10−15° совуқгача тушади.
«Nest One» турар жой комплексида ёнғин cодир бўлди
10 март куни эрталаб Tashkent City ҳудудида қурилаётган «Nest One» комплексида ёнғин содир бўлди. 2 кв.м майдонда пенопласт ёнди.
20 ёшли қизга мажбуран уйланмоқчи бўлган шахсга нисбатан жиноят иши қўзғатилди
Сурхондарё вилоятида эркак 20 ёшли қизни унга турмушга чиқишга мажбурламоқчи бўлди. Мазкур шахс танишлари билан биргаликда қизни мажбуран машинага ўтқазган ва қиз розилигини берганидагина қўйиб юборган.
Жиззахда дарахтларнинг кесилганини яшириш учун пора талаб қилган атроф-муҳитни муҳофаза қилиш ходими ушланди
Жиззах вилоятида дарахтларнинг кесилганини яшириш учун фуқародан 2 млн сўм миқдорда пора талаб қилишда айбланаётган атроф-муҳитни муҳофаза қилиш ходими ушланди.
Жиззахда ЙТҲ оқибатида «Cobalt» ёниб кетди. 3 киши вафот этди
Жиззахда «Cobalt» автомашинаси «ГАЗ-31» билан тўқнашувчи оқибатида ёниб кетди. «Cobalt» ҳайдовчиси ва йуловчиси куйиш жароҳатидан халоқ бўлди. «ГАЗ-31» ҳайдовчиси ҳам кўрсатилган ёрдамга қарамасдан вафот этган, йуловчиси турли тан жароҳатлари билан шифохонага ётқизилган.
Ўзбекистонда универсал прогрессив патронаж модели жорий этилмоқда
ЮНИСЕФ ССВга патронажнинг универсал-прогрессив модели бўйича 50 минг нусхада қўлланма ва китобчаларни топширди. Нашрлар бирламчи тиббий-санитария ёрдами даражасида ҳомиладор аёллар, яқинда фарзанд кўрган аёллар ва 5 ёшгача бўлган болаларга хизматларни яхшилашга қаратилган.
«Сиз чиқиб кетаверинг бу ердан, ишламайсиз бошқа» — Қудратилла Рафиқов Фермерлар кенгаши раиси ўринбосари ҳақида
Ўзбекистон касаба уюшмалари федерацияси раҳбари Фермерлар кенгаши раиси ўринбосари президентни алдаётганини айтди. «Сиз чиқиб кетаверинг бу ердан, ишламайсиз бошқа», — деди Қудратилла Рафиқов Фермерлар кенгаши раиси ўринбосари Абдушокир Раҳимовга қарата.
Энг кўп ўқилган хабарлар | Сўнгги янгиликлар
- Тошкентда Gentra ТАПОиЧ кўпригидан пастга қулаб тушди
- Ходимларини ҳақорат қилган Фарғона вилояти кадастр бошлиғи ҳайфсан олди
- Сенат Солиқ кодексининг 227−1-моддаси бўйича жаримани 98 фоизга камайтириш тўғрисидаги қонунни маъқуллади
- «Бохо завхоз» лақаби билан танилган Баҳодир Султонов 10 йилга, Ниёз Ибодов эса 4 йилга қамалди
Қўшимча имкониятларга эга булиш учун сайтда рўйхатдан ўтинг