Яккасарой туманида 121 йиллик олтин тангани 100 минг долларга сотмоқчи бўлганлар ушланди.
4 июнь куни Coca-Cola Uzbekistan компанияси ҳамда Экология, атроф-муҳитни муҳофаза қилиш ва иқлим ўзгариши вазирлиги ҳамкорлигида плоггинг эко-пойгаси ташкил этилди, шунингдек #PET2NATUREUZ эко-челленжи иштирокчилари тақдирланди.
Адвокат Сергей Майоров Даулетмурат Тажимуратов бўйича апелляция суди қарорини «адолатсиз» ва «ноқонуний» деб атади. Унинг сўзларига кўра, ҳукм ўзгартирилишига ўзи ҳам, мижози ҳам ишонмаган. Суд бошқа барча айбланувчилар учун жазони енгиллаштирди.
Тошкент шаҳрининг Учтепа, Бектемир, Мирзо Улуғбек, Яккасарой ҳамда Яшнобод туманларининг айрим жойларида 6 июнь 18:00 гача электр энергияси ўчирилди.
Ўзбекистонда май ойида 20,6 млрд сўмлик электр энергиясидан ноқонуний фойдаланиш бўйича 135 та ҳолат аниқланди. Таққослаш учун, апрель ойида 5,5 млрд сўмлик 225 та ҳолат аниқланган.
Golden House бош директори Алексей Болдин эко-девелопмент нима эканлигини, компания лойиҳаларининг ривожланиш векторини экологик тозаликка ўзгартириш тўғрисидаги қарорга нима сабаб бўлганлиги ва эко-квартал оддий турар-жой мажмуасидан нимаси билан фарқ қилиши ҳақида сўзлаб берди.
Dell вакиллари Vostro бизнес-ноутбуклари серияси ва унинг корпоратив сегмент учун тақдим эта оладиган асосий афзалликлари ҳақида гапириб берди.
Бўка туманида фуқаро ИИБ ходимларининг ноқонуний сўроқ қилиши ва жароҳат етказиши оқибатида вафот этди. Воқеага сабабчи 2 ходим ҳибсга олинди, туман ИИБ раҳбарияти эса ишдан бўшатилди. Ишга алоқадор тезкор ходимлар ҳолатни рад этмоқда, прокуратура қўшимча экспертиза тайинлади.
Темир йўл изларини модернизация қилиниши сабаб Тошкент−Бухоро−Тошкент йўналишидаги йўловчи поездлар ҳаракати жадвалига ўзгартиришлар киритилади ва йўловчи поездлар Навоий бекатига қадар ҳаракатланади.
Апелляция суди Қорақалпоғистон воқеалари юзасидан жиноят иши бўйича 8 нафар айбланувчининг жазосини озодликни чеклаш билан алмаштирди, 6 нафар судланувчининг муддати қисқартирилди, Даулетмурат Тажимуратовнинг муддати ўзгаришсиз қолди. Суд прокуратуранинг 4 кишига нисбатан протестини рад этди.
Мирзо Улуғбек туманида MY5 телеканали журналистига қўполлик қилган шахс 5 суткага қамалди. Тармоқларда тарқалган видеода журналист аҳоли сўрови билан кўп қаватли уйдаги ноқонуний бузилиш ҳолатини ўрганаётганда фуқаро унга қаршилик кўрсатгани ва ҳақоратлаганини кўриш мумкин.
Тошкентдаги аквапарклардан бирининг кийим алмаштириш хонасидан камералар аниқланди. ИИББ мурожаатни ўрганиб, камералар ташриф буюрувчиларнинг буюмлари сақланадиган қисмда жойлашгани ва ўғриликнинг олдини олиш мақсадида ўрнатилганини маълум қилди. Ходимлар билан профилактик суҳбат ўтказилган.
Дунёнинг турли шаҳарларида россиялик мухолифатчи Алексей Навальнийнинг туғилган куни муносабати билан уни қўллаб-қувватлаш акциялари бўлиб ўтди. Россияда 100 дан ортиқ одам пикетларда қатнашгани учун ҳибсга олинди.
Пойтахтда Yutong электробуси, Malibu 2 ва Lacetti иштирокида йўл транспорт ҳодисаси содир бўлди. Ҳайдовчилардан бири шифохонага ётқизилди.
Хивадаги XIX асрга оид Тошҳовли саройини консервация қилиш лойиҳаси якунланди. Об-ҳаво ва нотўғри олиб борилган реставрация ишлари туфайли унинг безакли кошинлари ва ғиштлари парчаланганди. Лойиҳа учун маблағ АҚШ томонидан ажратилди.
Nasafnews.uz интернет нашри расман фаолиятини тугатаётганини эълон қилди. Унинг ортидан эса блогерлар Умид Каримов (Nasafnews.uz раҳбари), Отабек Артиков ва Мақсуд Музаффаров ҳам ортиқ фаолият юритмаслигини маълум қилди. «Газета.uz» улар билан боғланиб, бундай қарорга келиш сабабларини сўради.
Янгийўл шаҳрида 16 ёшли мактаб ўқувчиси Жўн каналига чўкиб кетди. Унинг жасади орадан бир кун ўтиб топилди.
Ўзбекистонда иш ҳафтаси давомида ҳароратнинг аста-секин кўтарилиши давом этади. Кундузи ҳаво +40 даражагача, жанубда ва чўл ҳудудларда +42 даражагача исийди. Бу июнь ойининг биринчи ўн кунлиги учун меъёрдан 4−6 даража юқори ҳисобланади.
«Ўзбекипаксаноат» уюшмасининг ҳудудларда ипак қурти уруғини тайёрловчи 7 та янги уруғчилик корхонаси ташкил этилди. Шунингдек, янги тутзорлар барпо қилиш учун 105 минг гектар ер доимий фойдаланиш ҳуқуқи асосида ажратилиши белгиланди.
25 май куни Қўштепа туманида мактаб битирувчиси Катта Фарғона каналида чўкиб кетганди. Унинг жасади орадан 9 кун ўтиб каналнинг Олтиариқ туманидан оқиб ўтувчи қисмидан топилди.
Қўшимча имкониятларга эга булиш учун сайтда рўйхатдан ўтинг