31 март, жума куни 2010 йилгача бўлган даврда олинган ҳайдовчилик гувоҳномаларини янгисига алмаштиришнинг охирги куни. 2023 йил 1 апрелдан ушбу давргача олинган эски намунадаги «права»лар ўтмайди ва у билан транспорт бошқарган ҳайдовчилар 300 минг сўм жаримага тортилиши мумкин.
Шавкат Мирзиёев Қорақалпоғистонга ташрифи чоғида янги корхоналарнинг ишга туширилишида иштирок этди, республикани ривожлантириш бўйича янги ташаббусларни эълон қилди, миллатлараро тотувликка бағишланган тадбирда иштирок этди, маҳаллада бўлиб, ифторлик қилди ва сумалак пишириш жараёнида қатнашди.
Тошкентда 248 нафар фуқарога автомашина олиб беришни ваъда қилиб, 12 млрд сўм олган Uz Avto Premium ва Аvto Alo Group МТ компаниялари раҳбарларига нисбатан суд ҳукми ўқилди. Суд жараёни салкам бир йил давом этди.
Прогнозлаштириш ва макроиқтисодий тадқиқотлар институтининг март ойидаги ўрганишларига кўра, Тошкент шаҳрида хонадонлар учун ижара нархлари пасайишда давом этмоқда. Ўртача нархлар февралдагига нисбатан 2% га пасайган ва 2 хонали уй нархи 411 долларни ташкил этган.
Ўзбекистонда ишга тушган илк автоматлаштирилган ҳожатхона, Қорақалпоғистонга борган Шавкат Мирзиёев, Фарғонада қўлбола усулда ясалган аттракциондан тушиб кетган 17 ёш қиз, Нукус воқеалари бўйича апелляция берган судланувчилар, парранда фабрикаси портлаши ва бошқалар — «Газета.uz»нинг кун дайжестида.
Қўллар инсоннинг мавқеи ва машаққатларидан ҳикоя қилади. Кафтлардаги чизиғу ёриқлар, доғу чандиқлар кишиларнинг турмуши, касб-коридан дарак беради. «Газета.uz» фотомухбири Мадина Аъзам мана шундай қўлларнинг «гапирувчи суратлари»ни бир саҳифага жамлади.
Мирзачўл туман ХТБ мансабдор шахслари ортиқча синфлар шакллантириш, таътил, иш ҳақи ва устама пулларни ортиқча тўлаш, қўшиб ёзиш, камомад каби жиноятларни содир этганликда гумонланмоқда. Улар давлатга қарийб 1,6 млрд сўм зарар етказган. ДХХ уларга нисбатан жиноят иши қўзғатилганини маълум қилди.
Ўзбекистонда апрель ойи қуруқ ва илиқ ҳаво билан бошланади. Ойнинг иккинчи ва учинчи ўн кунликларида ҳарорат кечалари +7…+17 даража, кундузи +20…+32 даража атрофида бўлади. Бироқ бу ойда кучли ёмғирлар ва момақалдироқ ҳам кузатилиши мумкин.
AgroInsurance 2023 II халқаро конференциясида халқаро экспертлар томонидан глобал бозор шароитида Ўзбекистонда агросуғурта ривожланишининг истиқболлари муҳокама қилинди.
Шайхонтохур туманидаги пластмасса махсулотларини сақлаш омборида ёнғин содир бўлди. Уни ўчиришга 7 та ёнғин-қутқарув экипажи жалб этилди. ФВВ воқеа оқибатида тан жароҳати олган ва ҳалок бўлганлар тўғрисида маълумот келиб тушмаганини билдирди.
Болалар гематологияси, онкологияси ва клиник иммунологияси марказида даволанаётган болаларга мўлжалланган «Меҳрли мактаб» давлат таълим муассасаси филиаллари република бўйлаб ташкил этилади.
Шавкат Мирзиёев Қорақалпоғистонда аҳоли фаровонлигини ошириш бўйича 3 та ташаббусни илгари сурди. Унга кўра, 452 та маҳалланинг ҳар бирига 500 млн сўмдан қўшимча маблағ ажратилади, 38 минг одамнинг кадастри тўлиқ қилиб берилади. Шунингдек, йил охиригача 4 мингта уй-жой қурилади.
Риштон туманидаги «Ар-Рошидоний» боғидаги 17 ёшли қиз тушиб кетган аттракцион қўлбола усулда ясалгани, техник паспорти йўқлиги маълум бўлди. Қолаверса, статик ва динамик синовлардан ўтказилмаган. Жабрланувчи эса воқеа вақтида ҳимоя занжирини ўз қўли билан бўшатиб юборгани айтилмоқда.
Нукус воқеалари бўйича судланган 22 нафар судланувчидан 16 нафари суд қарори устидан апелляция шикояти билан мурожаат қилди. Улар орасида февраль ойи бошида тергов изоляторида вафот этган Қорақалпоғистон Ички ишлар вазирлиги Жиноят қидирув бошқармаси собиқ бошлиғи Полат Шамшетов ҳам бор.
Каттақўрғон туманида парранда фабрикасида портлаш содир бўлди. Унинг оқибатида икки киши жароҳат олди.
Саноат хавфсизлиги қўмитаси назоратидаги корхона ва ташкилотларда 2022 йилда 81 та бахтсиз ҳодиса юз берди. Шулардан 28 тасида ўлим ҳолати қайд этилди. Ҳодисалар 60 фоиздан ортиқ ҳолатда ташкилий сабаб билан боғлиқ, дея изоҳ берилди.
Тўрткўл туманида Cobalt ва MAN русумли автотранспортлар ўртасида йўл транспорт ҳодисаси юзага келди. Оқибатда бир фуқаро вафот этди. Ҳолат сабаб суриштирув ишлари бошланган.
Ургут тумани ҳудудидан ўтувчи ўзбек-тожик давлат чегарасидан 1997 йилда туғилган маҳаллий фуқаро Тожикистондан 19 кг 799 гр опий моддасини контрабанда йўли билан олиб ўтаётганида ушланди. Унга нисбатан жиноят иши очилди.
Риштон туманида 17 ёшли қиз истироҳат боғидаги аттракциондан эҳтиётсизлик сабаб тушиб кетиб, тан жароҳати олди. «У Бағдод туманидаги шифохонада даволанмоқда, аҳволи яхшиланяпти», дейилади вилоят ИИБ хабарида. Ҳолат бўйича судга оид тиббий экспертиза тайинланди, терговга қадар текширув кетмоқда.
Тошкентнинг Миробод туманида Ўзбекистонда биринчи автоматлаштирилган санитар-гигиеник шохобча ишга туширилди. Унга киришдан аввал нақд пул ёки QR код орқали тўлов қилинади. Фойдаланиш жараёнида барча қурилмалар инсон омилисиз бошқарилади. Шохобча 24/7 режимида фаолият юритади.
Қўшимча имкониятларга эга булиш учун сайтда рўйхатдан ўтинг