Ҳаёт ҳақида
ҳикоя қилувчи қўллар
Ҳаёт ҳақида
ҳикоя қилувчи қўллар
Инсоннинг бутун ҳаёти қўл билан боғлиқ: туғилиши билан уни қўлга олиб, бешикка белайдилар, вафот этгач, қабристонга қадар қўлда кўтариб бориб, гўрковнинг қўли билан қазилган қабрга туширадилар. Мазали таом еганлар - ошпазга «қўлингиз ширин экан» деб, дарддан халос бўлганлар - шифокорга «қўлингиз енгил экан» деб, хизматдан кўнгли тўлганлар - устага «қўлингиз гул экан» деб раҳмат айтади.

Қўллар инсоннинг мавқеи ва машаққатларидан ҳикоя қилади. Кафтлардаги чизиғу ёриқлар, доғу чандиқлар кишиларнинг турмуши, касб-коридан дарак беради. «Газета.uz» фотомухбири Мадина Аъзам мана шундай қўлларнинг «гапирувчи суратлари»ни бир лойиҳада жамлашга қарор қилди.

Ғоя 2023 йил бошидаги аномал совуқ кунларда туғилган. Фотосуратчи қор кураётган ободонлаштириш хизмати ходимларини кузатаркан, уларнинг аксари бир ҳаракатни такрорлаётгани - «куҳ-куҳ»лаб қўлларини иситаётганига эътибор қаратган.
«Шунда уларнинг қўлларини суратга тушириш фикри пайдо бўлди. Қор кураётганларнинг олдига яқинлашиб, суратга олиш учун рухсат сўрадим. 49 ёшли бир аёл самимият ила розилик билдирди: унинг бармоқлари совқотиб қизарган, ёриқлар ҳам тушиб улгурганди… Шу сабаб бўлдию, йўлимда учраган ҳар кимнинг қўлига диққат билан қараб, маъно излайдиган бўлдим», - дейди Мадина Аъзам.
Фотосуратчи салкам уч ой давомида турли ёшдаги турфа касб эгалари - шинамгина офисда ўтириб ишлайдиган ходимлардан тортиб то ҳожатхона тозаловчиларга ҳамманинг қўлларини бирма-бир суратга туширди. Суратлар асосан Тошкент шаҳрида олинган.
Қўл кимники эканини кўриш ва изоҳларни ўқиш учун суратлар устига босинг
реклама
реклама
реклама
реклама
Суратлар муаллифи: Мадина Аъзам / «Газета.uz».
Матн ва барча график материалларга бўлган ҳуқуқлар «Газета.uz» нашрига тегишли. «Газета.uz» интернет-нашрида эълон қилинган материаллардан фойдаланиш шартлари билан қуйидаги ҳаволада танишишингиз мумкин.

Қизиқарли нарсаларни биласизми? У ҳақида бошқаларга айтиб бермоқчимисиз? Ўз ҳикоянгизни sp@gazeta.uz электрон манзилига юборинг.

Изоҳ

Жунатиш Чиқиб кетиш Бекор қилиш Муаллиф: 6000 та белги қолди.
"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг