Жамият
Наманганда МИБ ходимига пичоқ билан ташланган фуқарога жиноят иши қўзғатилди
Тўрақўрғон туманида эркак уйига 27 млн сўмлик банк кредити ва бошқа қарзларини ундириш учун келган МИБ ходимига пичоқ билан ташланди. Ходим ўзини ҳимоя қилиб, ўнг қўл кафт соҳасидан жиддий жароҳат олди. Ҳолат бўйича фуқарога жиноят иши қўзғатилди.
Қорақалпоғистонда мактаб ўқувчиларига берилган егулик ичидан қум чиқди
Хўжайли туманидаги 41-мактабда ўқувчиларга берилган шоколад ичидан қум, кекс ичидан эса қизлар сочига тақадиган восита чиқди. Болаларга берилган «Стел» шоколади ташқи кўринишидан «Степ» шоколадига жуда ўхшаш ва у контрафакт маҳсулот бўлиши мумкин. Қорақалпоғистон ХТВ ҳолат ўрганилаётганини билдирди.
Қашқадарёда айиқ ўлдирилиши ҳолати бўйича жиноят иши қўзғатилди
Қашқадарё вилояти прокуратураси Чироқчи туманида Тянь-Шан қўнғир айиғининг ўлдирилиши ҳолати бўйича жиноят иши қўзғатди. Аввалроқ жонивор ички ишлар бўлими бошлиғининг буйруғи билан «аҳоли хавфсизлиги учун» отилгани хабар қилинганди.
11 апрель куни Ўзбекистонда содир бўлган энг муҳим хабарлар дайжести
Путин билан телефонда гаплашган Шавкат Мирзиёев, Сирдарёда автомобиль заводи қуришни таклиф қилган президент, ёшлар «яхши», «ўрта», «аҳволи оғир» тоифаларига ажратилиши, Тошкентда 8-синф ўқувчиси вафот этгани, импорт товарларга истеъмол кредити берилиши ва бошқалар — «Газета.uz»нинг кун дайжестида.
Тадбиркор Хуршид Тўраев АКТ вазирлиги ва «Алоқабанк» бинолари сотиб олинишига алоқадор бўлиши мумкин
Самарқандлик тадбиркор Хуршид Тўраев Тошкент шаҳри марказидаги Рақамли технологиялар вазирлиги ва «Алоқабанк» биноларини сотиб олган компанияга алоқадор бўлиши мумкин. Бу ерда савдо ва кўнгилочар мажмуа пайдо бўлиши тахмин қилинмоқда.
«Янги Ўзбекистон ёшлари ташаббуслари» жамғармаси тузилади
1 июндан «Ёшлар дафтари»даги талабалар учун давлат ташкилотларида иш ҳақи тўланадиган стажировка тизими жорий қилинади. Вилоятларда «Креатив парк» ташкил этилади. Шу мақсадда «Янги Ўзбекистон ёшлари ташаббуслари» жамғармаси тузилиб, унга 100 млн доллар йўналтирилади.
Хоразмда меҳрибонлик уйи тарбияланувчиларини зўрлаганлар иши Тошкентда кўриб чиқилади
Хоразмда меҳрибонлик уйи тарбияланувчилари билан жинсий алоқада бўлганликда айбланган икки нафар собиқ амалдорнинг иши жиноят ишлари бўйича Тошкент шаҳар судига ўтказилди. Аввалроқ Олий суд ишни қайта кўриш учун апелляция инстанциясига қайтарган эди.
Раққоса Малика Аҳмедованинг уйидан 600 минг долларлик тақинчоқлар ўғирлангани айтилмоқда
Ўзбекистон халқ артисти Малика Аҳмедова яшаш уйидан 600 минг долларга тенг қимматбаҳо тақинчоқлар ўғирлаб кетилганини айтмоқда. Унинг фикрича, ўғрилар топилган, аммо қимматбаҳо бриллиант ва тиллалар қайтирилмаган. 11 апрель куни Мирзо Улуғбек тумани прокурори Алиакбар Пулатов раққоса билан учрашди.
Транспорт вазири — президентнинг қарори, трамвай ва кўчаларни кенгайтириш ҳақида
Тошкентга келтирилган катта ҳажмли янги автобуслар тақдимотида транспорт вазири воз кечилган трамвай ва троллейбуслар ва пойтахт марказига тезда қайтаришнинг иложи йўқ трамвайлар тўғрисида гапирди. Шунингдек у кўчаларни кенгайтириш ҳамда йўл ўтказгичлар қуриш хато эканини айтди.
Ўзбекистонда ёшлар «яхши», «ўрта» ва «аҳволи оғир» тоифаларига ажратилди
Ўзбекистонда 14 ёшдан 30 ёшгача бўлган ёшлар ижтимоий аҳволи, қобилияти ва қизиқишларидан келиб чиқиб, «яхши» (4,4 млн), «ўрта» (4,6 млн) ва «аҳволи оғир» (396 минг) тоифаларига ажратилди.
Президент аёллар ва болаларни зўравонликдан ҳимоя қилиш бўйича қонунни имзолади
Саида Мирзиёеванинг маълум қилишича, Ўзбекистон президенти болалар ва аёлларни ҳимоя қилишни кучайтиришга қаратилган қонунни имзолади, унда оиладаги зўравонлик ҳамда тазйиқлар учун жиноий жавобгарлик белгиланган.
Тошкентдаги мактабларнинг бирида 8-синф ўқувчиси вафот этди
Миробод туманидаги 110-мактабнинг 8-синф ўқувчиси вафот этди. Унинг ўлимига ошқозон ости безига кенг кўламли қон қуйилиши, ўткир юрак қон томир етишмовчилиги сабаб бўлгани айтилмоқда.
Фарғонада имтиҳон натижалари қайта кўриб чиқилиб, 145 нафар фуқаро талаба бўлди
Жисмоний тарбия ва спорт университетининг Фарғона филиалига ўқишга киришда юқори балл тўплаган, аммо сохта натижалар туфайли ўқишга қабул қилинмаган 145 нафар абитуриент иши кўриб чиқилиб, улар талабаликка тавсия этилди. Олийгоҳ қабул комиссияси мансабдорларига нисбатан жиноят иши қўзғатилди.
Сурхондарёда Lacetti ва Nexia тўқнашуви оқибатида икки киши вафот этди
Жарқўрғон туманида Lacetti ва Nexia иштирокидаги ЙТҲда 2 киши вафот этди, 6 нафари эса жароҳатланди.
Наманганда вояга етмаган қизни зўрлагани айтилган эркак қидирилмоқда
ИИВ Наманган шаҳрида вояга етмаган қизни зўрлаганликда гумонланган эркакка нисбатан қидирув эълон қилди. Тармоқларда уни қўлга олиш махсус тадбири акс этган видео тарқалганди. Вазирлик эркакнинг руҳий хасталиги ва «ниҳоятда тажовузкорлиги» сабабли уни учратганлардан эҳтиёт бўлишларини сўради.
Антикоррупция агентлиги 2023 йилгача кимлардан ва қандай совғалар олганини очиқлади
Коррупцияга қарши курашиш агентлигида Совғалар реестрини шакллантириш бошланди. Агентлик шу вақтгача халқаро ташкилотлардан жами 14,5 млн сўмлик 8 та совға қабул қилиб олганини маълум қилди. Уларнинг барчаси ташкилот директорига берилган.
Наманганда йил бошидан бери 152 марта қоида бузган машина аниқланди
Наманган шаҳрида 2023 йил бошидан бери 152 марта қоидабузарлик қайд этилган Hyundai аниқланди. Жарималарнинг умумий суммаси 410 миллион сўмга тенг.
Тошкентда корхона иштирокидаги 3,2 млрд сўмлик давлат хариди натижалари сохталаштирилгани аниқланди
«Тошкент халқа автомобиль йўлларидан фойдаланиш участка бошқармаси» унитар корхонаси буюртмачилигида ўтган 3,2 млрд сўмлик давлат харидида қонунбузилиш ҳолатлари аниқланди. Харид натижалари комиссия иштирокисиз, бошқа шахс томонидан уларнинг электрон рақамли имзолари орқали баҳоланиб, имзоланган.
Фарғонада келинини ўлдирган 65 ёшли қайнота 13 йилга қамалди
Қўштепа туманида 65 ёшли қайнота оилавий жанжал туфайли келинини ўлдириб қўйди. Суд эркакни 13 йил 2 ойга озодликдан маҳрум қилди.
Ўзбекистонда балиқ овлашда браконьерликка қарши назорат кучайтирилиши мумкин
Ўзбекистонда балиқ овлашни тартибга солувчи қарор лойиҳаси муҳокамага қўйилди. Унда браконьерликка қарши курашиш, ноқонуний ов оқибатида етказилган зарарни ҳисоблаш, тақиқланган ов қуролларини йўқ қилиш тартиблари мавжуд. 2022 йилда ноқонуний балиқ овлаш бўйича 1119 та ҳуқуқбузарлик аниқланган.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг