2022 йилда бир неча эркак томонидан зўрланган 15 ёшли қиз воқеасида 3 нафар шахс айбланмоқда, яна 8 киши гумонланувчи сифатида жалб этилди. Ҳолатга алоқадор шахслар батафсил сўроқ қилинмоқда, дея хабар берди Бош прокуратура.
Чироқчи туманидаги қишлоқлардан бирига келиб қолган қўнғир айиқ ҳаракатсизлантирилиб, табиатга қайтарилиши режалаштирилганди. Бироқ туман ИИБ бошлиғи буйруғи билан жонивор «аҳоли хавфсизлиги учун» отиб ўлдирилди. Воқеага сабабчи масъулларга интизомий жазо чоралари кўрилиши белгиланди.
Ўзбекистоннинг йўл ҳаракати қоидаларига ўзгартиришлар киритилди, унга кўра, мамлакатнинг барча шаҳарларида ҳаракат тезлиги соатига 60 км/соатдан ошмаслиги керак. Илгари бу кўрсаткич 70 км/соат эди.
6 апрель куни Қамчиқ довонида юк машинаси ва 3 та енгил автомобиль тўқнашиб, 6 киши жароҳатланганди. ФВВ ҳайдовчилардан бири вафот этганини маълум қилди.
Хоразмдаги меҳрибонлик уйи қизларини 10 ой давомида зўрлаганликда айбланиб, 1,5 йил муддатга озодлиги чекланган икки шахснинг иши қайта кўрилади. Олий суд Хоразм прокуратураси протестини қаноатлантирди ва ишни апелляция инстанциясида янгитдан кўришга юборди.
Қамчиқ довонида юк машинаси ва учта енгил автомобиль тўқнашди. Оқибатда юк машинаси ёниб кетди, дастлабки маълумотларга кўра, 6 киши жароҳатланди.
Сенаторлар хотин-қизлар ва болаларни зўравонликдан ҳимоя қилувчи қонунни маъқуллади. Энди жинсий зўравонликда айбланганлар муддатидан илгари озодликка чиқмайди ва уларнинг рўйхати тузилади. Зўравонликка учраганларнинг ёш чегараси бекор қилинади. Жиноятчининг муайян жойларга бориши таъқиқланади.
Янгиариқ туманида 2006 йилда туғилган қиз 2022 йилда бир неча эркак томонидан зўрланган бўлиши мумкин. Болалар омбудсмани ҳолатни ўрганди. Ҳозирча иш бўйича гумонланган 3 киши ҳибсга олинган.
Сенат маъмурий ва фуқаролик ишларида ҳам давлат ҳисобидан юридик ёрдам кўрсатилишини кўзда тутувчи қонунни маъқуллади. Бунгача давлат ҳисобидан юридик ёрдам фақат жиноят ишларини юритишда кўрсатилиб келинарди.
Сардоба сув омборида фуқаролар 3 кун давомида 530 бош балиқни ноқонуний овлагани аниқланди. Бунинг оқибатида ҳайвонот дунёсига 280 млн сўм зарар етган.
22 апрель — Ер кунида Тошкент вилоятида махсус пойга ўтказилади. Ташкилотчилар ўзбекистонликларни шахсий автомобиллардан кўра кўпроқ жамоат транспортидан фойдаланиш ва пиёда юришга чорламоқда.
ССВ вайнер Фарҳод Манноповнинг ўлими юзасидан Star Med Center клиникасида ўтказилган текширув натижаларини эълон қилди. Хусусан, беморга тиббий хизмат кўрсатишда қатор лицензия талаб ва шартлари бузилгани, уни операция қилган шифокорда малакавий тоифа бўлмагани аниқланди.
ДХХ пойтахтда 40 килограммга яқин гиёҳванд моддани Ўзбекистон орқали бошқа давлатга олиб ўтмоқчи бўлган икки ўзбекистонлик ва бир нафардан Тожикистон ва Қозоғистон фуқароларини ушлади. Тергов ҳаракатлари кетмоқда.
Навбаҳор туманидаги 9-мактаб директори ўқитувчиларни Open budget`га 100 тадан овоз йиғишга мажбурлагани айтилган овозли хабар тарқалди. Унга нисбатан интизомий жазо чораси қўлланиб, хатти-ҳаракатларида маъмурий ҳуқуқбузарлик аломатлари бор-йўқлиги ўрганилмоқда.
Хорижда турли соҳаларда муваффақиятга эришган ҳамда ёшлар учун ўрнак бўлувчи ватандошларни бирлаштиришга қаратилган Uzbekistan’s Club онлайн платформаси ишга туширилди.
Қўқон педагогика институтининг қизлар ётоқхонасига ўрнатилган яширин камера ортидан проректор ва уч масъул ходим ишдан бўшатилди, дея маълум қилди Олий таълим вазирлиги. Аввалроқ ОТМ ректори хонага талабаларнинг психологик муамолари билан ишлаш мақсадида камера ўрнатилганини қайд этганди.
Конституция бўйича референдум бюллетени, Қашқадарёдаги қишлоқда юрган айиқ, 2025 йилгача божхона божидан озод этилган ёғоч ва ойна импорти, майдан даромади етарли бўлмаган аҳолига ҳам ипотека кредитлари берилиши, асраб олган 13 ёшли қизини зўрлаган эркак ва бошқалар — «Газета.uz»нинг кун дайжестида.
Тошкент вилоятининг Зангиота туманида 36 гектарлик майдонда «Менинг биринчи уйим» дастури амалга оширилади. Дастур доирасида 2,5 мингта оила учун 58 та кўп қаватли уй қурилади. Ушбу уйлардаги 2 ва 3 хонали хонадонлар учун ойлик тўлов миқдори амалдаги субсидияли ипотека тўловларидан арзон бўлади.
Anorbank «ишчанлик обрўсига путур етказувчи маълумотлар тарқатилгани учун» Sof.uz нашри устидан судга даъво киритган эди. 2022 йилнинг ноябридан бери кўрилаётган иқтисодий низо якунига етди. Суд sof.uz нашрига Anorbank фойдасига 3,7 млрд сўм миқдорида зарар тўлашга қарор чиқарди.
Чироқчи туманидаги қишлоқлардан бирига айиқ келиб қолди, тармоқларда унинг юргани акс этган видеолар тарқалди. Маҳаллий аҳоли уни машинада уриб юбормоқчи ҳам бўлди. Табиат ресурслари вазирлиги ва Тошкент ҳайвонот боғи ходимлари пойтахтдан воқеа жойига жўнаб кетди.
Қўшимча имкониятларга эга булиш учун сайтда рўйхатдан ўтинг