Jahon
Rossiyada prezidentlik saylovlari boshlandi
Rossiyada prezidentlik saylovi uchun ovoz berish boshlandi, u 15−17-mart kunlari bo‘lib o‘tadi. Mamlakatni 2000-yildan buyon boshqarib kelayotgan amaldagi davlat rahbari Vladimir Putin beshinchi marta prezidentlikka nomzodlik qilmoqda.
Daniya ilk bor ayollarni harbiy xizmatga chaqirishga qaror qildi
Daniya hukumati majburiy harbiy xizmat muddatini uzaytirish va ayollar uchun muddatli harbiy xizmatni joriy etish niyatida. Hukumat shu yo‘l bilan “jinslar o‘rtasida to‘liq tenglikka” erishmoqchi.
Dunyoda elektromobillar atrofidagi ajiotaj so‘nib bormoqda — CNBC
Butun dunyo bo‘ylab elektromobillar atrofidagi ajiotaj asta-sekin susaymoqda — eng yirik avtomobil ishlab chiqaruvchilari o‘z ishlab chiqarish rejalarini qisqartirmoqda yoki keyinga qoldirmoqda, deb yozdi CNBC. Ko‘pgina kompaniyalar gibrid modellarni ishlab chiqarishga intilmoqda.
Qirg‘iziston parlamenti “xorijiy agentlar to‘g‘risida"gi qonunni ma’qulladi
Qirg‘iziston parlamenti Rossiyaning xorijiy agentlar haqidagi qonuniga o‘xshash “xorijiy vakillar to‘g‘risida"gi rezonansli qonun loyihasini muhokamasiz ma’qulladi. Loyiha xalqaro tashkilotlar, huquq himoyachilari va jurnalistlar tomonidan tanqid qilindi.
Dunyoda bolalar o‘limi tarixdagi eng past darajaga yetdi — BMT
BMT hisobotida aytilishicha, 2022-yilda dunyoda besh yoshgacha bo‘lgan bolalar o‘limi soni tarixiy eng past darajaga yetgan, biroq o‘sish, ayniqsa, qashshoq mamlakatlarda sekinligicha qolmoqda.
Yevroparlament sun’iy intellekt to‘g‘risidagi dunyodagi birinchi qonunni ma’qulladi
Yevropa parlamenti sun’iy intellektdan foydalanishni tartibga soluvchi qonunni ma’qulladi. Bu dunyodagi bunday miqyosdagi birinchi qoidalar to‘plami hisoblanadi. Hujjat fuqarolarning huquqlariga tahdid soluvchi SI tizimlaridan foydalanishni taqiqlaydi, shuningdek, SI tarkibini aniq belgilashni talab qiladi.
Bayden va Tramp prezidentlikka nomzodini qo‘yish uchun yetarli bo‘lgan ovozlarni to‘pladi
Jo Bayden va Donald Tramp Demokratlar va Respublikachilar partiyasidan prezidentlikka nomzod sifatida rasman ko‘rsatilishi uchun yetarlicha ovoz oldi. Bu AQSh prezidentlik saylovlarida qariyb 70 yil ichidagi birinchi revansh uchrashuvi bo‘ladi.
Hindistonda fuqarolik to‘g‘risidagi qonunga kiritilgan o‘zgartirishlar kuchga kirdi, bu esa ommaviy noroziliklarga sabab bo‘ldi
Hindistonda fuqarolik to‘g‘risidagi qonunga kiritilgan o‘zgartirishlar kuchga kirdi, bu esa, huquq himoyachilari fikriga ko‘ra, musulmonlar huquqlarini cheklaydi. O‘zgartirishlar 2019-yilda qabul qilingandi, biroq mamlakatda boshlangan ommaviy norozilik namoyishlari tufayli keyinga qoldirilgan.
Rossiya hududlariga dron va diversantlar hujumi uyushtirildi. Nimalar ma’lum?
12-martga o‘tar kechasi Rossiyaning kamida to‘qqizta hududiga dron hujumlari uyushtirildi. Nijegorod viloyatidagi “Lukoyl” NQIZda yong‘in sodir bo‘ldi, Belgorodda esa dron shahar ma’muriyati binosiga urildi. Ukraina hududidan kelgan diversantlar Kursk va Belgorod viloyatlariga bostirib kirishga urindi.
Yevroparlament YI sanksiyalarini aylanib o‘tishni jinoyat deb hisoblovchi qonunni ma’qulladi
Yevroparlament Yevropa Ittifoqi sanksiyalarini chetlab o‘tganlik uchun jinoiy jazoni nazarda tutuvchi qonunni ma’qulladi. Sanksiyani buzgan shaxslar besh yilgacha qamoq jazosiga, kompaniyalar esa jarimaga tortiladi.
AQShda o‘zbekistonlik erkak xotinini pichoqladi, politsiya uni otib o‘ldirdi
Nyu-York shahrida o‘zbekistonlik erkak xotinini pichoqladi. U politsiyaning pichoqni tashlash to‘g‘risidagi talabiga bo‘ysunmagach, otib o‘ldirildi. Ayol hozirda shifoxonada va u erining vafotidan xabardor emas.
2024-yil fevrali kuzatuvlar tarixidagi eng issig‘i bo‘ldi
O‘tgan fevral oyi butun dunyo bo‘ylab kuzatuvlar tarixidagi rekord darajada issiq fevral bo‘ldi. Bu, shuningdek, havo harorati bo‘yicha ketma-ket rekord qo‘yilayotgan to‘qqizinchi oy hisoblanadi. Sayyoraning ayrim hududlarida havo harorati o‘rtacha ko‘rsatkichdan 3,3 darajaga yuqori bo‘lgan.
Shvetsiya rasman NATOga qo‘shildi
Rasmiy ravishda NATOga qo‘shilgan Shvetsiya Shimoliy Atlantika alyansining 32-a'zosiga aylandi. Harbiy blokka qo‘shilishdan oldin Stokgolm 200 yildan ortiq vaqt davomida betaraflik siyosatiga amal qilgan.
Isroil va HAMAS o‘rtasidagi muzokaralar boshi berk ko‘chaga kirib qoldi — Reuters
Isroil va HAMAS o‘rtasidagi Ramazon oyi oldidan G‘azoda o‘t ochishni to‘xtatish va garovga olinganlarni almashish bo‘yicha muzokaralar to‘xtab qoldi, anklavdagi gumanitar vaziyat esa yomonlashishda davom etmoqda, deb yozdi Reuters.
Respublikachi Nikki Heyli AQSh prezidentligi uchun kurashdan chiqdi
Donald Trampning partiyadagi yagona raqibi Nikki Heyli prezidentlik poygasini tark etishini ma’lum qildi. Ammo u hozirda Respublikachilar partiyasidan prezidentlikka yagona nomzod bo‘lib qolayotgan Trampni qo‘llab-quvvatlamadi.
Dunyo bo‘ylab martdan maygacha harorat me’yordan yuqori bo‘lishi kutilmoqda — WMO
Butunjahon meteorologiya tashkiloti prognozlariga ko‘ra, El-Nino tabiat hodisasi zaiflashmoqda, ammo global iqlimga ta’sir qilishda davom etadi, bu esa mart va may oylari orasida deyarli barcha quruqlik hududlarida me’yordan yuqori harorat bo‘lishiga olib keladi.
Qirg‘izistonda jamoat joylarida tamaki chekkanlik uchun jarima miqdori oshirildi
Qirg‘iziston hukumati jamoat joylarida tamaki chekkanlik uchun jarima miqdorini uch baravar — 33,5 dollargacha oshirdi. Bolalarga tamaki mahsulotlari sotganlik uchun jarima miqdori ham oshirildi.
Kanada hospisidagi bemor o‘limidan oldin “Dyuna 2” filmini ko‘rishni istadi. Film rejissyori premyeradan 1,5 oy oldin unga film nusxasini jo‘natdi
Kanadadagi hospis asoschisi Facebook`da bemorlardan biri vafotidan oldin “Dyuna 2” filmini ko‘rishni istayotgani haqida yozdi. Film rejissyori Deni Vilnyov premyeradan 1,5 oy oldin unga assistenti orqali film nusxasi va kompyuterini yubordi. Bemor filmni tomosha qilganidan bir necha kun o‘tgach vafot etdi.
Gaagadagi Xalqaro sud ikki rossiyalik qo‘mondonni hibsga olishga order berdi
Gaagadagi Xalqaro jinoiy sudi Rossiyaning uzoq masofaga uchuvchi aviatsiyasi va Qora dengiz floti qo‘mondonlarini harbiy jinoyatlarni sodir etganlikda gumon qilib, hibsga olishga order berdi. Sud ular o‘tgan qishda Ukraina energetika infratuzilmasiga qilingan raketa hujumlari uchun javobgar, deb hisoblaydi.
Fransiya o‘z Konstitutsiyasiga abort huquqini kiritgan dunyodagi birinchi davlat bo‘ldi
Fransiya o‘z Konstitutsiyasida abort qilish huquqini mustahkamlab qo‘ygan dunyodagi birinchi davlat bo‘ldi. Asosiy qonunga kiritilgan o‘zgartirish ko‘pchilik deputatlar tomonidan qo‘llab-quvvatlandi. Prezident Emmanuel Makron qarorni milliy g‘urur va butun dunyoga signal deb atadi.
Eng ko‘p o‘qilgan xabarlar | So‘nggi yangiliklar
- AQSh Kongressi nihoyat Ukraina, Isroil va Tayvan uchun yordam paketlarini tasdiqladi. Asosiy ma’lumotlar
- AQSh universitetlarida Falastin tarafdorlarining norozilik namoyishlari o‘tkazilmoqda. Asosiy ma’lumotlar
- Yevropa parlamenti havo sifatini yaxshilash uchun yangi standartlarni qabul qildi
- Germaniyada Markaziy Osiyodan bo‘lgan 7 kishi terrorchilikda ayblanmoqda
Qo‘shimcha imkoniyatlarga ega bulish uchun saytda ro‘yxatdan o‘ting