«shavkat mirziyoyev» tegli maqolalar
«Sportchilarni tayyorlash 30 yil oldingi dasturlar asosida amalga oshirilmoqda» — prezident
O‘zbekistonda biror sport turi bo‘yicha mahalliy olimlar tomonidan na metodika, na dastur ishlab chiqilgan. Sport diyetologiyasi, farmakologiyasi, psixologiyasi, kardiomashg‘ulotlar bo‘yicha mutaxassislar tayyorlanmaydi, deya tanqid qildi Shavkat Mirziyoyev sohani rivojlantirishga bag‘ishlangan yig‘ilishda. «Bugungi kunda sportchilarni tayyorlash 30 yil oldingi dasturlar asosida amalga oshirilmoqda», — dedi u.
O‘zbekistonda sportchilarni tayyorlash va seleksiya qilish bo‘yicha yangi tizim joriy qilinadi
O‘zbekistonda sportchilarni tayyorlash va seleksiya qilish bo‘yicha mutlaqo yangi tizim joriy qilinadi. Shavkat Mirziyoyev yoshlarni bolalikdanoq sportga jalb qilish borasidagi yondashuvlar o‘zgartirilishini ma’lum qildi. Buxoro tajribasi asosida — yaxshi natijaga erishgan yosh sportchilarning elektron ro‘yxati shakllantiriladi va ular maxsus guruhlarda bepul o‘qitiladi, sport maktabi trenerlarining ish haqi 35 foizga oshiriladi.
«Birja nimaligini bilmaydigan tuman hokimlari ham bor» — Shavkat Mirziyoyev
Birja savdolarni ko‘paytirish bo‘yicha o‘tkazilgan yig‘ilishda davlat rahbari Jomboy va Uychi tumanlarida birja orqali g‘isht hamda beton qorishmasini sotgan korxonalarni e’tirof etib, hokimlar tomonidan bu tajriba yaxshi yo‘lga qo‘yilmaganini tanqid qildi. «Ochiq aytish kerak, hali aksariyat hokimlar masalaning ichiga kirmagan, birja nimaligini bilmaydigan tuman hokimlari ham bor», — dedi u. Prezident yil oxirigacha o‘z mahsulotlarini birjalarga olib chiqadigan tadbirkorlar sonini 2 baravarga, mahsulotlar turini esa 5 baravarga oshirishni topshirdi.
Foto: Farg‘onadagi «Yangi O‘zbekiston» massivi qanday ko‘rinishda bo‘ladi?
Shavkat Mirziyoyev Farg‘onaga safari chog‘ida «Yangi O‘zbekiston» massivi qurilishini borib ko‘rdi. Bu yerda qariyb 300 ta ko‘p qavatli (7 dan 25 qavatgacha) uylar, hiyobon va ko‘l, maktab va bolalar bog‘chalari, sanoat zonasi va boshqa obyektlar qurilishi rejalashtirilgan. Qurilish vazirining birinchi o‘rinbosari Davronjon Odilov massivni qurilayotganlari orasida «eng yashil va ekologik massiv» deb atadi. Kommunikatsiya esa maxsus tunneldan o‘tkaziladi.
Prezident BAAga tashrifini yakunlab, Toshkentga qaytib keldi
Prezident Shavkat Mirziyoyev Birlashgan Arab Amirliklariga tashrifini yakunlab, Toshkentga qaytib keldi. Tashrif davomida davlat rahbari BAAning yangi saylangan prezidenti Muhammad bin Zoid Ol Nahayon bilan uchrashib, unga prezident Xalifa bin Zoid Ol Nahayonning vafoti munosabati bilan hamdardlik bildirdi.
Shavkat Mirziyoyev Abu-Dabiga jo‘nab ketdi
Prezident Shavkat Mirziyoyev Birlashgan Arab Amirliklariga jo‘nab ketdi. Davlat rahbari 13 may kuni vafot etgan BAA prezidenti Shayx Xalifa bin Zoid Ol Nahayonning ta’ziya marosimida ishtirok etadi. Tashrif davomida mamlakatning yangi prezidenti bilan ikki tomonlama uchrashuv ham o‘tkaziladi.
Shavkat Mirziyoyev Muhammad bin Zoid Ol Nahayonga tabrik yo‘lladi
O‘zbekiston prezidenti Shavkat Mirziyoyev Shayx Muhammad bin Zoid Ol Nahayonni BAA prezidenti etib saylangani bilan tabrikladi.
Ayrim hokimlar yillar davomida yer sotish bilan shug‘ullanib kelgan — prezident
Prezident ayrim hokimlar yillar davomida yer sotish bilan shug‘ullanib kelganini aytdi. Unga ko‘ra, yer munosabatlarida hokimlarning vakolati tugatilganiga qaramay, yer uchastkalarini noqonuniy sotish holatlari hamon uchrab turibdi. Ma’lum bo‘lishicha, Farg‘ona viloyati hokimligi xodimi yer ajratish bo‘yicha qaror qabul qilish uchun hokim Xayrulla Bozorovning imzosini qalbakilashtirgan.
«Bundan ko‘ra uyimni yoqib yuborsa yaxshi edi». Farg‘onalik fermer tuman hokimi ustidan arz qilib, prezidentga murojaat yo‘lladi
Prezidentning Farg‘onaga tashrifi arafasida fermer Iqboljon Meliboyev Buvayda tumani hokimi ustidan shikoyat qilib, videomurojaat yo‘lladi. Buni yoritgan farg‘onalik jurnalistga bosim o‘tkazilgani va ishdan bo‘shash haqida ariza so‘ralgani aytildi. Farg‘ona viloyati hokimligi vaziyatni o‘rganishni boshladi. Jamoatchilik faollari esa mazkur holatni keskin qoralab, «fermer va jurnalistdan qo‘llarni tortishni» talab qilmoqda.
Prezident suv toshqinlaridan himoyalanishni kuchaytirish bo‘yicha ko‘rsatma berdi
O‘zbekistonda bahor oylarida 15 ga yaqin yirik sel va ko‘chkilar sodir bo‘ldi. Buning oqibatida 9 nafar inson va 450 dan ortiq bosh chorva mollari halok bo‘ldi. 245 ta xonadon va 19 ta ko‘prik zarar ko‘rdi. Prezident tunu kun ishlaydigan shtablar tashkil etish va favqulodda vaziyatlarda aholini himoya qilishni kuchaytirish yuzasidan topshiriq berdi.
Bundan buyon turli vajlar bilan fermerdan g‘allasini olib qo‘yish taqiqlanadi — prezident
Bundan keyin tumanda reja bajarilmayapti, chorva, parranda yoki baliqchilikka ozuqa-yem kerak, degan vajlar bilan fermerlar g‘allasini olib qo‘yish qat’iyan taqiqlanadi. Bundan tashqari, birja orqali sotilgan bug‘doyga hududlararo cheklov qo‘yilmaydi. Prezident bosh prokuror, viloyat, tuman va shahar prokurorlari buni shaxsan nazoratiga olib, fermerni norozi qilgan rahbarlarga qat’iy chora ko‘rishni buyurdi.
1 iyundan g‘allani sotib olish va sotishda bozor narxlariga o‘tiladi
1 iyundan davlat g‘allani bozor narxlarida sotib oladi va sotadi. Shavkat Mirziyoyev eski tizim don yetishtiruvchiga ham, qayta ishlovchi korxonalarga ham manfaat bermayotganini ta’kidladi. 1 tonna bug‘doy narxi o‘tgan yildagi 1,5 mln so‘mdan 3 mln so‘mga oshiriladi.
Prezident: «Narx-navo barqarorligini ta’minlashning yagona to‘g‘ri yo‘li — bozorda taklifni ko‘paytirish»
Shavkat Mirziyoyev jahon bozorida oziq-ovqat narxi kun sayin ortib borayotgani, jumladan, bug‘doy narxi yil boshidan beri 30 foizga qimmatlashganini aytdi. «Narx-navo barqarorligini ta’minlashning yagona to‘g‘ri yo‘li bu — bozorda taklifni ko‘paytirish hisoblanadi», — dedi u. Qolaversa, «O‘zdonmahsulot» tarkibidagi 43 ta don korxonasi xarajatlari yuqoriligi, biroq rentabelligi 2 baravar pastligi tanqid qilindi.
Shavkat Mirziyoyev: «Bugun dunyo tahlikali bo‘lib borayapti»
Xotira va qadrlash kuni munosabati bilan Shavkat Mirziyoyev «Matonat madhiyasi» yodgorlik majmuasiga gulchambar qo‘ydi. U urush faxriylarini bayram bilan tabriklab, dunyoda har daqiqa sinovli bo‘layotganligini ta’kidladi. «Xalqimiz hayotiga shu ta’sirni kamaytirish bo‘yicha choralar ko‘ryapmiz», — dedi prezident.
Shavkat Mirziyoyev 9 may kunini qanday o‘tkazmoqda? — video
Prezident Shavkat Mirziyoyev 9 may Xotira va qadrlash kuni munosabati bilan Ikkinchi jahon urushi qatnashchilari xonadoniga tashrif buyurdi. Shuningdek, davlat rahbari G‘alaba bog‘idagi «Matonat madhiyasi» yodgorlik majmuasiga gulchambar qo‘ydi.
Klasterlar, qayta ishlash, R&D markazlari. Elektrotexnika ishlab chiqarish va uni eksport qilishni qanday oshirish mumkin?
Prezident 2023 yilda elektrotexnika mahsulotlari eksportini 1 mlrd dollarga yetkazish vazifasini qo‘ydi. Hududlarda umumiy qiymati 100 million dollardan kam bo‘lmagan elektrotexnika loyihalarini ishga tushirish, Toshkent shahridagi «Texnopark» kabi klasterlar tashkil etish, misni qayta ishlashni ko‘paytirish, «Elektroapparat», «Texnopark», Artel va Uzkabel kabi qo‘shma korxonalarda tajriba-konstruktorlik va R&D markazlarini tashkil etish va boshqa chora-tadbirlar ko‘rish bo‘yicha topshiriqlar berdi.
Markaziy bank prezident rasmi tushirilgan tangalarni chiqarmaganligini ma’lum qildi
Markaziy bank prezident Shavkat Mirziyoyev shaxsiga bag‘ishlangan qimmatbaho metallardan tayyorlangan tangalar yoki banknotlarni muomalaga chiqarmaganligini ma’lum qildi.
Tez yordam xizmatining uchta «xo‘jayini» bor, yagona boshqaruv tizimi yo‘lga qo‘yilmagan — prezident
Shavkat Mirziyoyev 2021 yilning o‘zida viloyatlardan tez tibbiy yordam brigadasi kechikib kelishi bo‘yicha 50 mingdan ortiq shikoyat kelib tushganini tanqid qildi. «Sababi, sohada yagona boshqaruv tizimi yo‘lga qo‘yilmagan, ya’ni tez tibbiy xizmatning uchta „xo‘jayini“ bor», — dedi prezident. Eng katta muammo — shoshilinch yordam bemorga yaqin shifoxonada emas, bakli faqatgina biriktirilgan shifoxonada ko‘rsatilishida ekanligi aytildi.
«Hayotimni butunlay o‘zgartirib yubordi». Ilmiy ishi suvda oqib ketgan Kamola Abrorxonova Sardoba fojiasi haqida
2020 yil 1 may kuni Kamola Abrorxonovaning ilmiy ishi qo‘lyozmalari Sardoba suv ombori yorilishi oqibatida suvda zararlangandi. 15 may kuni mirzaobodliklar bilan muloqotda prezident Shavkat Mirziyoyev Kamolaga istisno tariqasida falsafa doktori diplomi berilishini ma’lum qilgandi. Kamola «Gazeta.uz»ga suv ombori yorilishi uning hayotini qay darajada o‘zgartirib yuborgani, hozirda kafedra mudiri sifatida 35 nafardan ortiq professor-o‘qituvchilarga rahbarlik qilayotgani, dotsent bo‘lgani va 2 yil davomida boshidan o‘tkazganlarini so‘zlab berdi.
O‘zbekiston turizm magistrali bo‘ylab 31 ta tuman (shahar) hududidan o‘tuvchi yo‘l bo‘yida 1 tadan «karvonsaroy» quriladi
O‘zbekiston turizm magistrali bo‘ylab 31 ta tuman (shahar) hududidan o‘tuvchi yo‘l bo‘yida kompleks turizm xizmatlarini (avtoturargoh, kemping, avtoservis, ovqatlanish, yoqilg‘i quyish) qamrab olgan 1 tadan «karvonsaroy» barpo etiladi. Shuningdek, hududlarda turizm klasterlari tashkil etiladi.
Eng ko‘p o‘qilgan xabarlar | So‘nggi yangiliklar
- UzAuto Motors Gentra, Damas va Labo uchun kontraktatsiyani ochadi
- Sirdaryoda o‘quvchilari sinfda klip tomosha qilgan maktab rahbariyati ishdan olindi
- Haftaning ikkinchi yarmi yomg‘irli o‘tadi
- Gaz va elektr tariflarining oshishi inflyatsiyaga qanday ta’sir qiladi?
- “Eng asosiy vazifamizni bajardik”. Timur Kapadze — O‘zbekistonning U-23 Osiyo kubogidagi o‘yini haqida
Qo‘shimcha imkoniyatlarga ega bulish uchun saytda ro‘yxatdan o‘ting