O‘zbekistonga 26−28-avgust kunlari nam va salqin havo massalari kirib kelishi hisobiga joylarda shamol kuchayib, chang-to‘zon bo‘lishi, 27−29-avgust kunlari tog‘li hududlarda sel-suv toshqini yuzaga kelishi mumkin. Kunduzi harorat +23 darajagacha pasayadi.
Juma kuni Ural hududlaridan kirib keladigan salqin havo hisobiga dam olish kunlari harorat pasayadi. Yakshanba kuni kunduzgi harorat +30…+32, janubda +35 darajadan oshmaydi. Harorat tushishi kelgusi haftaning o‘rtasigacha davom etadi.
O‘zbekistonda dam olish kunlari kuzatilgan salqin ob-havo juma kungacha davom etadi. Harorat +30…+35 daraja atrofida bo‘ladi. Hafta o‘rtasiga borib kunlar biroz isishi mumkin. Ayrim joylarda qisqa yomg‘irlar bo‘lishi kutilmoqda.
Shanba kuni O‘zbekistonga Janubiy Ural hududlaridan nisbatan nam va salqin havo massalari kirib keladi. Kunduzi harorat barcha joylarda +35 darajagacha, janubda +38 darajagacha pasayadi.
6−8-avgust kunlari kutilayotgan kuchli yomg‘irlar yog‘ishi sababli O‘zbekistonning 8 ta viloyatida sel-suv toshqini xavfi yuzaga kelishi mumkin.
Iyul oyida O‘zbekistonda harorat ko‘p yillik o‘rtacha qiymatlarga nisbatan +40 daraja va undan yuqori kunlar ko‘p bo‘ldi: Toshkentda 8 kun (me’yor 2 kun), Termizda 24 kun (me’yor 16 kun), Nukusda 8 kun (me’yor 4 kun). Eng issiq iyul oyi reytingida esa 2019 va 2021-yillarning iyul oylaridan so‘ng uchinchi bo‘ldi.
O‘zbekistonda avgust oyining dastlabki besh kunida harorat +40 daraja atrofida bo‘ladi, so‘ngra +33…+38 darajagacha pasayadi. Oyning ikkinchi yarmida harorat qisqa muddatga yanada pasayishi mumkin. Faqat tog‘li hududlarda yomg‘ir kutilmoqda. Umuman olganda, oy davomida o‘rtacha issiq kuzatiladi.
Bu hafta O‘zbekistonda o‘rtacha issiq ob-havo saqlanib turadi. Kunduz kunlari harorat +35…+40, janubda va cho‘l hududlarda +42 darajagacha isiydi. Ayrim joylarda chang-to‘zon kuzatilishi mumkin.
Hafta davomida O‘zbekiston bo‘yicha kuzatilgan juda issiq ob-havodan so‘ng, payshanba kuni nisbatan salqin havo kirib kela boshladi. Dam olish kunlarida Samarqand, Jizzax, Toshkent viloyatlari va Farg‘ona vodiysining ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin.
27−30-iyul kunlari kutilayotgan kuchli yomg‘irlar yog‘ishi sababli O‘zbekistonning 7 ta viloyatida sel-suv toshqini xavfi yuzaga kelishi mumkin.
Boshlangan haftada O‘zbekiston bo‘yicha issiq ob-havo bo‘lishi kutilmoqda. Harorat +39…+42 darajaga, janubda va cho‘l hududlarda, shuningdek, shimolda +43…+44 darajaga yetadi. 27-iyuldan Qozog‘istondan nisbatan salqin havo kirib kelishi hisobiga harorat biroz pasayadi.
24−27-iyul kunlari O‘zbekiston hududiga issiq havo kirib keladi. Hududlarda harorat +41…+44 darajagacha isiydi. Ba’zi joylarda shamol kuchayib, chang-to‘zonlar kuzatilishi mumkin.
Toshkent kanallari va uning atrofidagi suv omborlaridan olingan namunalar eng ko‘p ifloslangan suv Salar kanali, eng tozasi esa Anhor kanali va Chorvoqda ekanini ko‘rsatdi. Bular 12-iyuldagi bir kunlik ma’lumotlar, umuman olganda, O‘zgidromet muntazam ravishda tahlillar o‘tkazib turadi.
Erondan issiq tropik havoning kirib kelishi hisobiga 11-iyuldan O‘zbekiston bo‘ylab termik depressiya kuzatildi. Biroq bu davr uzoq davom etmadi. Dam olish kunlarida harorat pasayadi. Kelgusi haftada harorat yana qisqa muddatga ko‘tarilishi mumkin.
O‘zbekistonga bu hafta Erondan issiq havo kirib kelishi hisobiga issiq kuchayadi. Kunduzi harorat +43…+45 darajagacha ko‘tariladi. Joylarda shamol kuchayib, chang-to‘zon kuzatilishi mumkin. 14-iyulda esa +33…+38 darajagacha pasayadi.
O‘zbekistonda iyun oyi O‘rta Osiyo iqlimi uchun juda issiq o‘tdi. Toshkentda bu oy kuzatuvlar tarixidagi eng issiq iyun oyi bo‘lib, 2021-yilgi ko‘rsatkichdan o‘tib ketdi. Sinoptiklar shimoli-g‘arbiy hududlarga Rossiyadan salqin havo kirib kelishi tufayli ob-havo nisbatan salqin bo‘lganini ham qayd etdi.
5−7-iyul kunlari kutilayotgan yomg‘irlar yog‘ishi sababli Toshkent, Namangan, Farg‘ona va Andijon viloyatlarida sel-suv toshqini hodisalari yuzaga kelishi mumkin.
So‘nggi 8 yil ichida O‘zbekistonda barcha iyul oylari iqlim me’yoridan issiqroq bo‘ldi. Joriy yilda mamlakatning aksariyat hududlarida oylik harorat o‘rtacha ko‘p yillik qiymatlarga yaqin bo‘lishi kutilmoqda.
Salqin yakshanbadan so‘ng hafta davomida harorat +39…+41 darajaga ko‘tariladi. Havo asosan kam bulutli bo‘ladi, yog‘ingarchilik kutilmaydi. Ba’zi joylarda shamol kuchayishi, chang-to‘zon kuzatilishi mumkin.
Seshanba kunidan boshlab O‘zbekistonga Kavkazdan nisbatan sovuqroq havo kirib kelishi hisobiga issiq pasaya boshlaydi. Ish haftasi oxirigacha havo harorati +33…+38 daraja atrofida bo‘ladi.
Qo‘shimcha imkoniyatlarga ega bulish uchun saytda ro‘yxatdan o‘ting