O‘zbekistonning barcha hududlarida harorat ko‘tarilishi davom etadi. Havo kunduzi +33 darajagacha, cho‘l hududlarda va janubda +37 darajagacha isiydi.
Dushanba, seshanba kunlari O‘zbekistonning katta qismida quruq, lekin salqin ob-havo bo‘lishi kutilmoqda. Kunduzgi harorat +12…+15 daraja bo‘ladi. 19-apreldan harorat asta-sekin ko‘tariladi va +20…+25 darajaga yetadi.
O‘zbekistonga 6 ta havoni monitoring qilish avtomatik stansiyasi keltirildi. Endi havoning holati to‘g‘risidagi ma’lumotlar real vaqt rejimida monitoring.meteo.uz platformasida taqdim etib boriladi.
O‘zbekiston hududiga sovuq havo massalari kirib kelishi sababli 16−17-aprel kunlari respublika shimolida havo harorati kechasi 0 darajagacha tushadi. Kunduzi butun respublika bo‘ylab yomg‘ir va do‘l yog‘adi, momaqaldiroq bo‘lishi mumkin, havo harorati +15 darajadan oshmaydi.
O‘zgidromet 12−14-aprel kunlari mamlakatning qator hududlarida shamol 25−28 m/s gacha kuchayishi va chang-to‘zon kuzatilishi mumkinligidan ogohlantirdi.
Seshanba kuni Eron hududlaridan juda iliq va quruq havo massasi kirib keladi. Hafta davomida asosan yog‘ingarchiliksiz ob-havo bo‘lishi kutilmoqda va harorat +37 darajagacha ko‘tariladi. Biroq tog‘oldi va tog‘li hududlarda vaqti-vaqti bilan yomg‘ir yog‘adi.
O‘zgidromet 8−11-aprel kunlari O‘zbekistonning 9 ta viloyatida hamda tog‘oldi va tog‘li hududlarda sel-suv toshqin hodisalari yuzaga kelishi ehtimoli haqida ogohlantirdi. Joylarda shamol kuchayib, ayrim hududlarda do‘l yog‘ishi ham mumkin.
Toshkent viloyatidagi Chimyon tog‘larida 8−11-aprel kunlari qor ko‘chish xavfi e’lon qilindi.
Shanba va yakshanba kunlari O‘zbekistonning qator hududlarida qisqa muddatli yomg‘ir yog‘ib, momaqaldiroq kuzatiladi. Baland tog‘larda yomg‘ir qorga aylanishi mumkin. Harorat kechalari +7…+12 daraja, kunduzi +22…+27 darajani tashkil etadi.
O‘zgidromet 2-aprel kuni Toshkentda deyarli uch soat davom etgan yomg‘ir miqdori turli hududlarda 10 millimetrdan 33 millimetrgacha bo‘lganini ma’lum qildi. Do‘lning diametri 11 millimetrga yetdi. Kunlik yog‘ingarchilikning mutlaq rekordi (65 mm) 1990-yil 8-aprelda qayd etilgan. Aprel oyining normasi 63 mm.
Hafta davomida O‘zbekistonning katta qismida yomg‘ir yog‘ishi prognoz qilinmoqda. Ayrim joylarda shamol kuchayib, chang-to‘zonlar, do‘l yog‘ishi kuzatiladi. Harorat +15…+23 daraja atrofida bo‘ladi.
Shanba O‘zbekistonning aksariyat hududlarida yog‘ingarchiliksiz o‘tadi. Yakshanba kuni esa Kaspiy dengizidan nam havo massalari kirib kelishi hisobiga tog‘oldi va tog‘li hududlarda kuchli momaqaldiroqli yomg‘ir kuzatiladi. Ayrim joylarda do‘l yog‘ishi ham mumkin.
O‘zgidromet 2−4-aprel kunlari O‘zbekistonning 9 ta viloyatida hamda tog‘oldi va tog‘li hududlarda sel-suv toshqin hodisalari yuzaga kelishi ehtimoli haqida ogohlantirdi. Joylarda shamol kuchayib, shimolda va cho‘l hududlarda chang to‘zon kuzatilishi ham mumkin.
O‘zbekistonda aprel oyi quruq va iliq havo bilan boshlanadi. Oyning ikkinchi va uchinchi o‘n kunliklarida harorat kechalari +7…+17 daraja, kunduzi +20…+32 daraja atrofida bo‘ladi. Biroq bu oyda kuchli yomg‘irlar va momaqaldiroq ham kuzatilishi mumkin.
29−31 mart kunlari kutilayotgan kuchli yomg‘irlar yog‘ishi sababli O‘zbekistonning 9 ta viloyatida sel-suv toshqini hodisalari yuzaga kelishi mumkin.
Hafta davomida harorat +20…+27 daraja atrofida bo‘ladi. Seshanba-payshanba kunlari esa ayrim hududlarda yomg‘ir yog‘ib, momaqaldiroq kuzatiladi. Shimolda va cho‘l hududlarda shamol tezligi kuchayib, chang-to‘zon bo‘lishi mumkin.
Dam olish kunlari O‘zbekistonda quruq va iliq ob-havo kutilmoqda. Kunduzi harorat +25, janub va cho‘l hududlarda +29 darajagacha ko‘tariladi.
Shanba kuni Kaspiy dengizidan bulutli massivlar kirib kela boshlaydi. Respublikaning aksariyat hududlarida havo harorati nisbatan pasayadi, biroz yomg‘ir yog‘adi, momaqaldiroq ham bo‘lishi mumkin. Biroq 21 mart kuni harorat +25 darajaga ko‘tariladi.
18−21 mart kunlari kutilayotgan kuchli yomg‘irlar yog‘ishi sababli O‘zbekistonning 9 ta viloyatida sel-suv toshqini hodisalari yuzaga kelishi mumkin.
16−23 mart kunlari Toshkent va Namangan viloyatlarining tog‘li hududlarida qor ko‘chish xavfi e’lon qilindi.
Qo‘shimcha imkoniyatlarga ega bulish uchun saytda ro‘yxatdan o‘ting