«namangan viloyati» tegli maqolalar


29 iyun 2022, 17:55

Namanganlik erkak onlayn qimorda yutqazgani uchun o‘zini osib qo‘ygani aytilmoqda

Norin tumanida yashovchi 33 yoshli fuqaro o‘z uyida osilgan holda topildi. Uning onlayn qimor o‘yinlaridagi yutqazaverishi oilasida kelishmovchiliklarni keltirib chiqargani va shu sababli o‘z joniga qasd qilgan bo‘lishi mumkinligi aytilmoqda.

14 iyun 2022, 19:43

Namangandagi «Yertikon» suv ombori ostidan suv sizib chiqayotganligi aniqlandi

FVV Namangandagi «Yertikon» suv ombori ostidan suv sizib chiqayotganini tasdiqladi. Ta’kidlanishicha, 13 iyundan beri dambaning ikkita joyidan soniyasiga 5−10 litr suv oqib chiqmoqda. Shunga qaramasdan aholi va to‘g‘onga xavf yo‘qligi aytilmoqda. Ombor oldida tun-u kun kuzatuv posti tashkil etildi.

19 may 2022, 12:42

Namanganda aqidaparastlik g‘oyalarini targ‘ib qilgan shaxs 4 yilga qamaldi

Namanganlik 22 yoshli fuqaro Telegram tarmog‘i orqali aqidaparastlik g‘oyalarini targ‘ib qilishda gumonlanadi va huquq-tartibot idoralari uning telefonini tekshirish uchun olib qo‘yadi. Bundan xavfsiragan ayblanuvchi Farg‘ona orqali Qirg‘izistonga qochib ketishga uringanida ushlandi. U voqea qanday bo‘lgani va kimdan maslahat olib turganini so‘zlab berdi. Sud unga 4 yil muddatga ozodlikdan mahrum qilish jazosini tayinladi.

15 may 2022, 10:59

Namanganda tomorqasida ko‘knori yetishtirayotgan fuqaro aniqlandi

Namangan viloyatining Norin tumanida o‘z tomorqasida 57 tup ko‘knori yetishtirayotgan fuqaro aniqlandi.

12 aprel 2022, 16:55

Chust tumani hokimi yordamchisi yer ajratib berish evaziga $15 ming talab qilganligi aytilmoqda

Namangan viloyati Chust tumani hokimining chegara masalalari bo‘yicha yordamchisi va yana bir qancha shaxslar fuqaroga 5,3 gektar yerni ajratib berish evaziga 15 ming dollar talab qilganlikda gumonlanmoqda. Ular ushbu puldan 1500 dollar va 5,6 mln so‘mini olganida qo‘lga tushgan.

7 aprel 2022, 13:58

Shuhrat G‘aniyevning yopiq bayonnomasi klaster va fermerlarda savollarni tug‘dirmoqda

Namangan viloyatining Norin tumanida mahalliy hokimiyat Iftihor Kiyim Sanoat klasterini boshqa bir klaster — Uztex Uchkurgan bilan uch yildan buyon ishlab kelayotgan fermer xo‘jaliklariga biriktirmoqchi bo‘lmoqda. Klasterlarni o‘zgartirish bosh vazir o‘rinbosari Shuhrat G‘aniyev tomonidan imzolangan yig‘ilish yopiq bayonnomasida ko‘zda tutilgan. Uztex 2022 yil uchun fermerlar bilan tuzilgan shartnomalarning bir qismini moliyalashtirgani, biroq viloyat hokimi yon berishni istamaganini ma’lum qildi. Fermerlarning aytishicha, ular joriy klasterdan mamnun. Iftihor Kiyim Sanoat esa «bu yerlarni so‘ramaganliklarini» bildirdi.

19 fevral 2022, 19:02

O‘zbekistonda antiradar aniqlay olmaydigan «aqlli» qurilmalardan foydalanish boshlandi

Namangan viloyatida antiradarlar aniqlay olmaydigan lazer tizimiga ega «aqlli» qurilmalar o‘rnatilmoqda. Turkiya kompaniyasi viloyatda «aqlli radar sistemalarini» ishlab chiqarish uchun 10 mln dollarlik investitsiya kiritdi.

16 fevral 2022, 15:52

Namangan viloyatiga yangi prokuror tayinlandi

Buxoro viloyati prokurorining birinchi o‘rinbosari Bektosh Sayipov Namangan viloyati prokurori etib tayinlandi.

14 fevral 2022, 14:59

Shavkat Rahmonov Namangan viloyati IIBga boshliq etib tayinlandi

Samarqand viloyati IIB boshlig‘i lavozimida xizmat qilgan Shavkat Rahmonov Namangan viloyati IIB boshlig‘i etib tayinlandi. U mazkur lavozimda Adil Ataxodjayevning o‘rnini egalladi.

28 yanvar 2022, 15:06

Namanganda sobiq uchastkavoyga 7 ta modda bo‘yicha ayblov e’lon qilindi

Namanganda sud IIB rahbariyatining noqonuniy xatti-harakatlari haqida ma’lum qilgan sobiq profilaktika inspektori Sardorbek Otaboyevga nisbatan jinoyat ishini ko‘rib chiqishni boshladi. U Jinoyat kodeksining 7 moddasi, jumladan, firibgarlik, mansab vakolatini suiiste’mol qilish va boshqalar bo‘yicha ayblanmoqda. Sudlanuvchi ayblovlarni rad etmoqda.

10 yanvar 2022, 20:58

Namanganda odamlar to‘plangani aks etgan video Yangi yil bayramida olingan — IIB

Namangan viloyati IIB yo‘l bo‘ylab o‘nlab odamlarning yugurib ketayotgani aks etgan video Yangi yil oqshomida tasvirga olingani, yo‘lni hech kim to‘sib qo‘ymagani, namoyishlar bo‘lmaganini ma’lum qildi.

29 dekabr 2021, 12:50

Tumanli ob-havo O‘zbekistondagi ikkita aeroport faoliyatini chekladi

Namangan va Andijon aeroportlari quyuq tuman tushishi tufayli reyslarni qabul qilmayapti, ko‘rish masofasi 50 metrga yaqinni tashkil etmoqda. Reyslar esa eng yaqin zaxira aerodromlarga yo‘naltirilmoqda.

24 dekabr 2021, 18:32

Buyuk Britaniya kompaniyasi Namanganda 90 mln dollarga kanalizatsiya tizimini quradi

Buyuk Britaniyaning Metito Utilities Limited kompaniyasi Namangan shahrida oqova suvlarni tozalash inshootlarini qurish bo‘yicha tenderda g‘olib chiqdi. Loyiha qiymati 90 mln dollarga baholanmoqda. obyektdan erkin foydalanish uchun davlat yiliga 9 mln dollar to‘laydi.

21 dekabr 2021, 15:53

Qibrayda qariyb 14 gektar yerni $3,4 mlnga sotishga uringan shaxslar qo‘lga olindi

Qibray tumanida qishloq xo‘jaligi mahsulotlarini yetishtirishga mo‘ljallangan 13,7 gektar yer maydonini 3,4 mln dollarga sotmoqchi bo‘lgan shaxslar ushlandi. Noqonuniy ravishda yer sotishga urinishlar Sirdaryo, Namangan va Samarqand viloyatlarida ham qayd etildi.

20 dekabr 2021, 22:00

20 dekabr kuni O‘zbekistonda sodir bo‘lgan eng muhim xabarlar dayjesti

Yangi yil munosabati bilan 5 kun dam oladigan o‘zbekistonliklar, ijtimoiy tarmoqlar haqida fikr bildirgan Jahongir Ortiqxo‘jayev va Ruslanbek Davletov, 4 ta avtomobilga ariza qabul qilishni fevralgacha to‘xtatgan UzAuto Motors, ko‘chalarini suv bosgan Namangan, hokimga savol bermaslik haqida ogohlantirilgan jizzaxlik deputatlar, PayPal tizimi joriy etilishiga umid bildirgan Sherzod Shermatov va boshqa xabarlar — «Gazeta.uz» ning 20 dekabrdagi eng muhim xabarlari dayjestida.

20 dekabr 2021, 18:37

Namanganda kuchli yog‘ingarchilik oqibatida ko‘chalarni suv bosdi

Ijtimoiy tarmoqlarda 20 dekabr kuni Namangan ko‘chalari, xususan «Lola» bozori va NamDU oldini suv bosgani aks etgan videolar tarqaldi.

30 noyabr 2021, 17:36

O‘zbekistonda uchta quyosh elektr stansiyasini qurishga 15 ta xalqaro kompaniya qiziqish bildirdi

Energetika vazirligi uchta quyosh fotoelektr stansiyasini qurish bo‘yicha tenderning ilk bosqichida 15 ta xalqaro kompaniyadan ariza kelib tushganini ma’lum qildi. Loyiha Namangan, Buxoro va Xorazm viloyatlarida umumiy quvvati 500 MVtgacha bo‘lgan stansiyalarni qurishni nazarda tutadi.

16 noyabr 2021, 20:56

Ichki ishlar vaziriga murojaat yo‘llagan sobiq profilaktika inspektori qamoqqa olindi

Namangan shahar IIB rahbariyati ustidan shikoyat qilib, ichki ishlar vaziriga videomurojaat yo‘llagan sobiq profilaktika inspektori boshqalar nomida katta miqdorda kredit olib, o‘z ehtiyojlari uchun ishlatib yuborganlikda ayblanmoqda. Holat yuzasidan jinoyat ishi qo‘zg‘atilib, gumonlanuvchi qo‘lga olindi.

16 noyabr 2021, 19:13

Namanganda uchta YTH oqibatida 3 kishi vafot etdi, 4 kishi shifoxonaga yotqizildi

Namangan viloyatida sodir bo‘lgan uchta YTH oqibatida 2 nafar haydovchi va 1 nafar velosipedchi vafot etdi. Yana 4 kishi shifoxonaga yotqizildi. Barcha holatlar yuzasidan jinoyat ishi qo‘zg‘atildi.

1 noyabr 2021, 15:58

Namangandagi ikkita YTHda 3 kishi vafot etdi, yana 8 kishi og‘ir tan jarohati oldi

Namangan viloyatida Damas mashinasi ishtirokidagi yo‘l transport hodisasida 8 kishi og‘ir tan jarohati oldi, ikki yo‘lovchi vafot etdi. Yana bir holatda esa Damas haydovchisi 71 yoshli fuqaroni yo‘ldan o‘tayotganida urib yubordi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting