«alisher qodirov» tegli maqolalar
«Biz yoqish uchun shirin gaplarni gapirmoqchi emasmiz» — Alisher Qodirov migrantlarni soliqqa tortish taklifiga izoh berdi
Alisher Qodirov migrantlardan soliq undirish borasidagi taklifi yuzasidan izohlarga munosabat bildirdi. U mamlakat haligacha mehnat resurslarini xorijga eksport qilishga majbur ekanligini ta’kidlab, mehnat migrantlarini bunga tayyorlash kerakligini aytdi. «O‘zbekiston fuqarosi nafaqat o‘zining qorni, balki O‘zbekiston, deb yashashi kerak», — deya ta’kidladi prezidentlikka nomzod.
«Odamlar meni tushunmayotgan paytda g‘alabadan umidvor bo‘lishim mumkinmi?» — Alisher Qodirov
«Milliy tiklanish» partiyasi nomzodi toshkentlik saylovchilar uchrashuvda g‘alabadan umidvor emasligini, biroq, odamlar albatta o‘zgarishini ta’kidladi. «Odamlar meni tushunmayotgan paytda g‘alabadan umidvor bo‘lishim mumkinmi? Afsus bilan aytish kerak, agar odamlar meni tushunmayotgan bo‘lsa menga ovoz bermaydi», — dedi Alisher Qodirov. U saylov kampaniyasi boshida prezident saylovlarida g‘alaba qozonish niyatida ekanligini ma’lum qilgandi.
«Prezident bo‘lsam, migrantlar soliqqa hech qachon tortilmaydi» — Shavkat Mirziyoyev
O‘zLiDeP nomzodi va amaldagi prezident Shavkat Mirziyoyev «Milliy tiklanish» partiyasi nomzodi Alisher Qodirovning migrantlarni soliqqa tortish haqidagi taklifini tanqid qilib, «bu soliqqa tortiladigan daromad emasligini» aytdi. «Ishontirib aytmoqchimanki, agar men shu yurtda rahbar bo‘lib ishlasam, ular hech qachon soliqqa tortilmaydi… Ham o‘zini, ham oilasini boqayotgan yurtdoshlarimizga, faqat rahmat aytish kerak», — dedi u.
«Qodirov ochko yo‘qotish uchun atay shunaqa gapirtirilganmi?» Twitter va Telegram foydalanuvchilari migrantlardan ham soliq undirish taklifi haqida
«Milliy tiklanish» partiyasidan prezidentlikka nomzod Alisher Qodirov saylovchilar bilan muloqotda migrantlardan ham soliq undirish taklifini bildirdi. «Gazeta.uz» Twitter va Telegram foydalanuvchilarining hamda migrantlarning ushbu holat yuzasidan bildirgan ayrim fikr-mulohazalarini taqdim etadi.
«Migrantlar ham mamlakat taraqqiyoti uchun soliq to‘lasin» — Alisher Qodirov
«Milliy tiklanish» partiyasidan prezidentlikka nomzod Alisher Qodirov saylovchilar bilan muloqotda migrantlardan ham soliq undirish taklifini bildirdi. «Kelinglar endi yana ham vatanparvarroq bo‘laylik, migrantlar ham o‘zining solig‘ini mamlakat taraqqiyoti uchun to‘lasin», — dedi u.
«Mahallaga juda ko‘p vazifalarni yuklab yuboryapmiz» — Alisher Qodirov
«Milliy tiklanish» partiyasidan prezidentlikka nomzod Alisher Qodirov so‘nggi paytlarda mahallalarga juda ko‘p vazifalar yuklab yuborilayotganini tanqid qildi. Uning ta’kidlashicha, mahalla aslida «odamlarni birlashtiradigan, maslahat, muloqot qiladigan maskan bo‘lishi kerak».
Raqib sifatida bitta Shavkat Mirziyoyevni ko‘raman — Alisher Qodirov
“Milliy tiklanish” demokratik partiyasidan prezidentlikka nomzod Alisher Qodirov saylovda o‘ziga bitta Shavkat Mirziyoyevni raqib sifatida ko‘rishini ma’lum qildi.
«Inson o‘zgarsa, jamiyat o‘zgaradi» — «Milliy tiklanish» nomzodi Alisher Qodirovning saylovoldi dasturi
«Milliy tiklanish» demokratik partiyasi nomzodi Alisher Qodirov o‘z saylovoldi dasturini e’lon qildi. Prezidentlikka nomzod bog‘chalarning davlat tomonidan moliyalashtirilishi, oliy ta’lim davlat tasarrufidan chiqarilishi, monopoliyalarni tugatish, islom moliyalashtirish tizimini joriy qilish va Aliment fondini tashkil qilish singari takliflarni ilgari surdi. Nomzodning to‘liq dasturi.
«Prezidentlikka Alisher Qodir…» — Alisher Qodirov saylov kampaniyasini boshladi
Dushanba kuni prezidentlikka nomzodlarning saylovoldi kampaniyasi boshlandi. «Milliy tiklanish» partiyasi tashviqot ishlariga start berib, banner va viderolikni e’lon qildi. Alisher Qodirovning familiyasi to‘liq ko‘rinmaganligi sababli, bannerda jumlani quyidagicha o‘qish mumkin: «Alisher Qodir».
Alisher Qodirov «Adolat» nomzodi bilan debatga tayyor — «Milliy tiklanish»
«Milliy tiklanish» partiyasi vakolatli vakili partiya debatlar va saylovoldi dasturini ekspertizadan o‘tkazishga tayyor ekanini ma’lum qildi. «Alisher Qodirov o‘zining joyini bo‘shatib berishga emas, kurashishga tayyor. Biz hech qachon orqaga chekinmaymiz», — dedi Bahodir Mamatxonov.
«Maqolamizda yozgan faktlardan ortga qaytmaymiz». «Adolat» nomzodi «Milliy tiklanish» bilan nizo haqida
«Adolat» partiyasidan prezidentlikka nomzod Milliy tiklanish partiyasi bilan mojarolarga izoh berdi. Bahrom Abduxalimov partiya «maqolasida yozgan faktlardan orqaga qaytmasligini» aytib, Alisher Qodirovni ko‘chirmakashlikda ayblayotganini yana bir bor tasdiqladi. Qolaversa, u partiya bu to‘g‘risidagi xabarni tarqatish uchun blogerlarga pul to‘laganini inkor etdi. «Debatni Alisher Qodirov bilan ham kutish mumkin», — dedi Bahrom Abduxalimov.
«Adolat» partiyasi Alisher Qodirovni ko‘chirmakashlikda aybladi. Milliy tiklanish javob qaytardi
«Adolat» partiyasi prezidentlikka nomzod Alisher Qodirovni saylovoldi g‘oyalarni ko‘chirganlikda aybladi. Milliy tiklanish partiyasi yetakchisi sudlarni birlashtirish, jazoni ijro etish muassasalarini Adliya vazirligiga o‘tkazish hamda Tergov qo‘mitasini tuzish g‘oyalarini o‘g‘irlagani iddao qilinmoqda. Milliy tiklanish esa bunga munosabat bildirib, «Adolat» partiyasining siyosiy saviyasiga shubha bilan qaradi.
Alisher Qodirovning prezidentlikka nomzodini qo‘llab-quvvatlash uchun imzolar majburiy yig‘ilayotgani aytilmoqda
Ijtimoiy tarmoqlarda maktab targ‘ibochilari uyma-uy yurib, «Milliy tiklanish» partiyasining prezidentlikka nomzodi Alisher Qodirovni qo‘llab-quvvatlash uchun majburiy ravishda imzolar yig‘ayotgani aytilmoqda. Holatga Alisher Qodirov munosabat bildirib, imzo yig‘ishda majburlash bo‘lmasligi kerakligini ta’kidladi va partiya faollarining bosimiga uchraganlardan deputatning Telegram-botiga xabar berishni so‘radi.
«Jinoyat kodeksiga „Kelajakka xiyonat“ bobini qo‘shish kerak» — Alisher Qodirov
«Milliy tiklanish» partiyasi rahbari Alisher Qodirov Oqqo‘rg‘onda bolalar bog‘chasi tarbiyalanuvchilarining zaharlanishi holati yuzasidan munosabat bildirdi. Deputat Jinoyat kodeksiga bolalar bog‘chasi, maktab va oliygohlarda «vazifasiga xiyonat qilayotganlar, bolalarning xaqqi va vaqtini o‘g‘rilayotganlarga» nisbatan choralar belgilanishini taklif qildi.
«Saylovda g‘olib bo‘lishni niyat qilyapmiz» — Alisher Qodirov
«Milliy tiklanish» partiyasi rahbari Alisher Qodirov prezidentlik saylovlarida g‘alaba qozonishni niyat qilayotganini bildirdi. Uning ta’kidlashicha, ushbu saylov avvalgilaridan farq qiladi. Shuningdek, u agar prezident etib saylansa, dastlab ta’lim va tarbiya sohalarida islohotlarni amalga oshirishini aytib o‘tdi.
«Milliy tiklanish» Alisher Qodirov nomzodini prezidentlik saylovlarida ilgari suradi
2021 yilgi prezidentlik saylovlariga «Milliy tiklanish» demokratik partiyasidan Alisher Qodirov nomzodi e’lon qilindi.
«Emlashni majburiy tarzda amalga oshirish mumkin emas» — Nurdinjon Ismoilov
Quyi palata Spikeri Nurdinjon Ismoilov qonun hujjatlariga muvofiq, majburiy emlash mumkin emasligini ma’lum qildi. Buning uchun huquqiy hujjatlarga o‘zgartish yoki qo‘shimchalar kiritish talab etiladi. Biroq, deputatlar Respublika maxsus komissiyasiga ixtiyoriy emlanganlarni rag‘batlantirish va imtiyozlar berish yoki harakatlarini cheklash borasida tavsiyalar bergani aytilmoqda. Qolaversa, xodimlari emlangan kafe va restoranlarga cheklangan vaqtda ham ishlashga ruxsat berish taklifi bildirilgan.
Hukumat emlanmaganlarning erkini cheklashi kerak — Alisher Qodirov
«Milliy tiklanish» partiyasi rahbari Alisher Qodirov ta’kidlashicha, tashkilotlarda majburiy emlash tizimini yo‘lga qo‘yish mumkin. Bundan tashqari, u vaksina olmagan fuqarolarning erkini cheklash kerakligini aytdi. «Bizning ishonchimiz bilan vakolatli bo‘lgan hukumat, epidemiologik xavfsizlikni ta’minlash maqsadida, emlanmaganlarning erkini cheklashi kerak», — deydi Alisher Qodirov. Avvalroq, deputat Rasul Kusherbayev ham «ommaviy emlashni ixtiyoriylikdan majburiylikka o‘tkazish kerakligi»ni ta’kidlagan edi.
«Hokimiyat vakilining qonuniy faoliyatiga qarshilik ko‘rsatish soni oshgan». Deputatlar yangi qonun loyihasi haqida
Hokimiyat vakiliga qarshilik ko‘rsatganlik uchun jinoiy javobgarlik kuchaytirilishi kutilmoqda. Qonunchilik palatasi deputati Alisher Qodirov bunga huquqni muhofaza qiluvchilarning qonuniy faoliyatiga qarshilik ko‘rsatish soni oshib borayotganligini sabab qilib ko‘rsatdi. Deputat Doniyor G‘aniyev bunday holatlar ichki ishlar organlari xodimlarining sog‘lig‘iga zarar bo‘layotganligini ta’kidladi.
«Men bu odamlarga yordam bermoqchiman». Alisher Qodirov LGBT vakillarini mamlakatdan chiqarib yuborish taklifi to‘g‘risida
Qonunchilik palatasi vitse-spikeri Alisher Qodirov LGBT hamjamiyati a’zolarini fuqarolikdan mahrum qilish zarurligi to‘g‘risidagi takliflariga izoh berdi. Uning fikriga ko‘ra, «bunday odamlar 100 yildan keyin ham o‘zbek jamiyatida yashay olmaydi, shuning uchun ularga yordam kerak». Siyosatchining so‘zlariga ko‘ra, uning bayonotlaridan so‘ng, yuzga yaqin LGBT vakillari unga minnatdorchilik bilan murojaat qilishgan.
Eng ko‘p o‘qilgan xabarlar | So‘nggi yangiliklar
- Olmaliqda yashash xonadoniga kirib qolgan echkiemar tabiatga qo‘yib yuborildi (+video)
- Davlat OTMlariga o‘qishga kirish uchun minimal o‘tish ballari o‘zgardi
- Toshkentda 4 ta avtobusning harakat yo‘nalishi o‘zgardi
- Samarqandda 15 yoshli qiz ona bo‘lgani yuzasidan jinoyat ishi qo‘zg‘atildi
- Qozog‘istonga kirish qoidalari o‘zgardi: TIV mamlakatga bormoqchi bo‘lgan fuqarolarga murojaat qildi
Qo‘shimcha imkoniyatlarga ega bulish uchun saytda ro‘yxatdan o‘ting