«afg‘oniston» tegli maqolalar
«Amerika Afg‘onistonda qoldirib ketgan harbiy texnika — butun dunyo uchun katta muammo» — Dmitriy Shugayev
Rossiya Harbiy-texnik hamkorlik federal xizmati direktori AQSh Afg‘onistonda qoldirib ketgan harbiy texnika butun dunyo uchun katta muammo tug‘dirishi mumkinligini ta’kidladi. Dmitriy Shugayevning so‘zlariga ko‘ra, ushbu qurol-yarog‘lar ekstremistlarning qo‘liga tushib qolishi yoki qora bozorga ham chiqib ketishi mumkin.
Viza muddati tugagan Afg‘oniston fuqarolari O‘zbekistondan chiqarib yuborilmaydi
IIVning ma’lum qilishicha, viza muddati tugagan Afg‘oniston fuqarolari o‘z yurtigi qaytarib yuborilmaydi, chunki jismoniy shaxslar uchun chegaralar hozircha yopiq. Bundan tashqari, vazirlik respublikada bo‘lib turish qoidalarini buzmayotgan xorijliklarning vizalari qoidaga ko‘ra uzaytirilishini qo‘shimcha qildi.
Abdulaziz Kamilov Eron prezidenti bilan Afg‘onistondagi vaziyatni muhokama qildi
O‘zbekiston TIV rahbari Abdulaziz Kamilov Tehron sammiti doirasida Eron prezidenti Ibrohim Raisi bilan Afg‘onistondagi vaziyat bo‘yicha muzokaralar o‘tkazdi. Kamilov Eronning Afg‘onistondagi vaziyatni o‘rganish bo‘yicha tashabbusini olqishlashini ma’lum qildi. Raisi sammit doirasida afg‘on masalasi bo‘yicha umumiy yechim va qarashlar topilishiga umid qilishi haqida ta’kidladi.
Yaponiya Afg‘oniston va qo‘shni mamlakatlar, shu jumladan O‘zbekistonga ham grant ajratadi
Yaponiya gumanitar ehtiyojlarning o‘sib borayotganligi sababli Afg‘oniston va qo‘shni mamlakatlarga 65 mln dollar miqdorida favqulotda grant ajratadi. Shundan 200 ming dollari O‘zbekistonga beriladi.
Kobulda ayollar o‘z huquqlarini talab qilib, namoyish o‘tkazdi
Afg‘oniston poytaxtida ayollar o‘z huquqlarini talab qilib, «BMT sukunati — uyat», «Ayollar — odam», «Biz ochmiz» kabi shiorlar bilan namoyish o‘tkazdi. Ular BMTni «Tolibon»ga ayollar huquqlarini tan olishi uchun bosim o‘tkazishga chaqirdi.
Kobulda aholini bug‘doy evaziga ish bilan ta’minlash dasturi ishga tushirildi — OAV
«Tolibon» hukumati Kobul tepaliklarida ariqlar qazishga aholini jalb qilib, ish haqi sifatida bug‘doy tarqatishini ma’lum qildi. Dastur doirasida 40 mingdan ortiq odam ish bilan ta’minlanadi va kelgusi ikki oy ichida mazkur tashabbus boshqa viloyatlarda ham joriy qilinishi rejalashtirilgan.
«Tolibon» O‘zbekistonga elektr bo‘yicha barcha qarzlarni to‘lab berishga va’da berdi
«Tolibon» Afg‘onistonning O‘zbekistondan elektr energiyasi importi bo‘yicha barcha qarzlarini to‘liq to‘lab berish majburiyatini o‘z zimmasiga oldi. Investitsiyalar va tashqi savdo vaziri Sardor Umurzoqov O‘zbekiston Kobulga elektr energiyasi yetkazib berishni «bir soatga ham» to‘xtatmaganini qayd etgan.
«Tolibon mafkurasini O‘zbekistonga olib kirish umuman imkonsiz» — Abdulaziz Kamilov
Tashqi ishlar vaziri Abdulaziz Kamilov O‘zbekiston hukumati mamlakatga toliblar mafkurasining kirib kelishidan xavfsiramasligini ta’kidladi. «Toliblar qandaydir mafkurani eksport qilishni boshlashiga juda ko‘p vaqt talab etiladi», dedi u. Vazir harakat va uning rahbarlarining dunyoqarashi o‘zgarib borishi mumkinligini ham qayd etdi.
“Pandemiya davrida ko‘p davlatlar „egoist“ bo‘lib ketdi” — Shavkat Mirziyoyev
Shavkat Mirziyoyev Toshkent shahri saylovchilari bilan uchrashuvda pandemiya davrida eng kuchli davlatlar ham qiyin vaziyatga tushib qolganini aytdi. Uning aytishicha, “ko‘p davlatlar „egoist“ bo‘lib ketdi”. “Qo‘shnilarimiz bilan munosabatlarni kuzatib turibsiz. Afg‘on muammosi bizni jiddiy o‘ylantiradi”, — deydi prezident.
Uch kunda Termizga Afg‘oniston uchun 100 tonna gumanitar yuk olib kelindi
BMT Qochqinlar masalalari bo‘yicha boshqarmasi tomonidan uch kunda Termiz xalqaro aeroportiga Afg‘oniston uchun 100 tonna gumanitar yuk olib kelindi. Yuklar Afg‘onistonning Mozori-Sharif shahriga «Termiz — Hayraton» chegara punkti orqali yetkaziladi. Unga qadar esa Termez Cargo Centre logistika markazida saqlanadi.
O‘zbekiston Afg‘onistondagi masjid portlatilishini qoralaydi — TIV
15 oktabr kuni Afg‘onistonning Qandahor viloyatidagi shialar masjidi portlatildi. Natijada 60 dan ortiq kishi halok bo‘ldi, 68 kishi jarohatlandi. O‘zbekiston ushbu terrorchilik harakatini keskin qoraladi. «Bunday g‘ayriinsoniy hujumlar vaziyatning yanada keskinlashuviga olib keladi va Afg‘onistonda uzoq muddatli tinchlik o‘rnatilishiga to‘sqinlik qiladi», — deyiladi vazirlik bayonotida.
Jahon yangiliklari dayjesti
«Tolibon»ning Afg‘onistonda o‘rmonlarni kesish va yog‘och kontrabandasini taqiqlagani, Italiyada ishchilarga majburiy COVID-sertifikatlari joriy etilgani, LinkedIn ijtimoiy tarmog‘ining Xitoydagi faoliyatini to‘xtatishi va boshqa yangiliklar — «Gazeta.uz»ning jahon yangiliklari dayjestida.
Termizga Afg‘oniston uchun gumanitar yukning birinchi partiyasi yetib keldi
Termizdagi logistika markazi Afg‘oniston uchun mo‘ljallangan gumanitar yordamning birinchi partiyasini qabul qildi. BMT Qochqinlar masalalari bo‘yicha boshqarmasi tomonidan yuborilgan yuklar Mozori-Sharifga yuk mashinalarida yetkaziladi. Birinchi yukning hajmi 32 tonnani tashkil etgan.
O‘zbekistonda AQSh harbiy bazalarini joylashtirish muhokama qilinmayapti — Abdulaziz Kamilov
TIV rahbari Abdulaziz Kamilovning ta’kidlashicha, O‘zbekiston hududida AQShning terrorizmga qarshi kurashish bo‘yicha qurolli kuchlarini joylashtirish imkoniyati muhokama qilinmayapti va bu masala kun tartibida ham turgani yo‘q.
Afg‘onistondan Amerikagacha: Xorijdagi o‘zbekistonliklar qaysi davlatlarda ovoz bera olishi ma’lum bo‘ldi
Afg‘onistondan Amerikagacha — MSK qaysi xorijiy mamlakatlarda o‘zbekistonliklar uchun saylov uchastkalari tashkil etilishini ma’lum qildi. Ta’kidlanishicha, xorijdagi saylovchilar diplomatik vakolatxonlarda tuzilgan uchastkalarda ro‘yxatga olinadi hamda saylov o‘tkazilish joyi va vaqti haqida xabardor qilinadi.
AQSh O‘zbekiston bilan terrorizmga qarshi kurashish kuchlarini joylashtirishni muhokama qilmoqchi — OAV
Politico nashrining yozishicha, AQSh Mudofaa vazirligi vakillari oktabrda O‘zbekistondagi tashrif davomida AQShning terrorizmga qarshi kurashish kuchlarini joylashtirishni muhokama qilmoqchi. Shuningdek, Afg‘onistondan AQSh harbiylari chiqib ketgach, Amerika tashqi siyosatida O‘zbekistonning o‘rni mustahkamlashgani aytilmoqda. Bunda mamlakatning Vashingtondagi elchixonasining tizimli faoliyati e’tirof etilgan.
Jahon yangiliklari dayjesti
Kuvaytda ayollarga armiyada xizmat qilishga ruxsat berilgani, Kanadaning 40 ming afg‘on qochqinini qabul qilishi, Fransiyada radioaktiv chiqindilarning Rossiyaga olib chiqilishiga qarshi namoyishlar va boshqa yangiliklar — «Gazeta.uz»ning jahon yangiliklari dayjestida.
BMT O‘zbekiston orqali afg‘on xalqiga gumanitar yordam yuboradi
BMTning Qochqinlar masalalari bo‘yicha boshqarmasi O‘zbekistonga afg‘on xalqi uchun gumanitar yordam ortilgan uchta samolyot yuborishni rejalashtirmoqda. Gumanitar yuk Termizdan Hayraton chegara punkti orqali Mozori-Sharifga yetkaziladi. Bunday samolyotlarning birinchisi oktabr o‘rtasida O‘zbekistonga yetib keladi. Shuningdek, agentlik Afg‘oniston bilan chegaradosh hududlarda logistik markazlarni tashkil etishni ko‘zlagan.
“„Tolibon“ rahbariyati ham temir yo‘l loyihasi amalga oshishiga astoydil roziligini bildiryapti” — prezident
Shavkat Mirziyoyev O‘zbekiston Afg‘oniston hukumati bilan “Termiz — Mozori Sharif — Kobul — Peshovar” temir yo‘li qurilishi bo‘yicha muzokaralarni davom ettirayotganini ma’lum qildi. Uning so‘zlariga ko‘ra, “„Tolibon“ rahbariyati ham bu loyiha amalga oshishiga astoydil roziligini bildiryapti”. “Lekin ular bir muammoga duch kelishyapti — aksariyat davlatlar ularni tan olmay turib, bunday katta ishlarni amalga oshira olmaydi, hech kim moliyalashtirmaydi”, — deya qo‘shimcha qiladi prezident
«Yagona maqsadimiz — O‘zbekistonga Afg‘onistondan o‘q otilmasin» — prezident
Shavkat Mirziyoyev har kuni unga Afg‘oniston bilan chegaradagi vaziyat haqida ma’lumot berishlarini ma’lum qildi. Uning so‘zlariga ko‘ra, O‘zbekiston jafokash afg‘on xalqiga qo‘lidan kelgancha yordam berishga tayyor. «Bizning yagona maqsadimiz — O‘zbekistonga Afg‘onistondan o‘q otilmasin», — deya ta’kidladi prezident.
Eng ko‘p o‘qilgan xabarlar | So‘nggi yangiliklar
- Samarqandda 15 yoshli qiz ona bo‘lgani yuzasidan jinoyat ishi qo‘zg‘atildi
- Surxondaryoda 1 tonnadan ortiq iste’molga yaroqsiz go‘sht yo‘q qilindi
- O‘zbekcha YouTube — 2024-yil aprelida: “Aktivist” tugadi, “subyektiv” ketdi, “Lolazor” qaytdi va kimdir “Soqqa” qilishni boshladi
- O‘zbekiston viloyatlarida kuchli yomg‘ir yog‘ib, toshqinlar yuz berdi — video
- O‘zbekiston elchixonasi Dehli aeroportida 5 kg oltin bilan qo‘lga olingan o‘zbekistonliklar tergovini nazoratga oldi
Qo‘shimcha imkoniyatlarga ega bulish uchun saytda ro‘yxatdan o‘ting