Jamiyat
Toshkentning Sergeli tumanida yirik yong‘in sodir bo‘ldi
Poytaxtning Sergeli tumanida joylashgan polietilen mahsulotlarini ishlab chiqarish korxonasida jumaga o‘tar kechasi yirik yong‘in sodir bo‘ldi.
Shavkat Mirziyoyev Samarqandda Qorasuv mavzesidagi uy-joy qurilishi bilan tanishdi
Shavkat Mirziyoyev Samarqand viloyatiga tashrifi chog‘ida Qorasuv mavzesida uy-joy qurilishi bilan tanishdi. Davlat rahbari quruvchi tashkilotning sifat uchun mas’uliyati va javobgarligini yanada kuchaytiradigan mexanizm ishlab chiqish zarurligini ta’kidladi.
Deputat Yangiyo‘ldagi ishlamayotgan suv tozalash inshoati uchun ikki vazirni tanqid qildi
Deputat Rasul Kusherbayevning xabar berishicha, Toshkent viloyatining Yangiyo‘l tumanidagi suv tozalash inshooti bir necha yildan beri ishlamay turibdi. Uning so‘zlariga ko‘ra, boshida ta’mirlash ishlari Hisob palatasi tomonidan to‘xtatib qo‘yildi, Qurilish vaziri va Uy-joy kommunal xizmatining sobiq rahbarining «xoxishi sababli ishlar cho‘zilib», ob’ekt uchinchi yil o‘zgarishsiz turibdi.
Soliq organlari kuch ishlatar idora emas — Sherzod Kudbiyev
Ijtimoiy tarmoqlarda soliq xodimlari sotuvchilik orqali kun ko‘ruvchi ayollarning buyumlarini olib qo‘yganligi aks etgan video lavhalar tarqaldi. Davlat soliq qo‘mitasi raisi Sherzod Kudbiyev bu holat soliq xizmati uchun uyatli ekanligini aytdi. “Soliq organlari hech qachon kuch ishlatar idora emas… Bunday holat yuz berganligi uchun butun xalqimizdan uzr so‘rayman”, — dedi u. Kudbiyev hodisada o‘zini noo‘rin tutgan xodimlar jazolaninishi ta’kidladi.
Ajrimlarni kamaytirish uchun yoshlarga imomlar ta’lim berishi taklif qilindi
Oilalarda ajrimning oldini olish masalasi bo‘yicha Yunusobod tumani hokimi tomonidan o‘tkazilgan majlisda nikohdan oldin yoshlarni imomlar tomonidan olib boriladigan 3 oylik o‘quv darslarida o‘qitish taklifi berildi. Shuningdek, ahloqiy jihatdan milliy mentalitetga to‘g‘ri kelmaydigan teleserial hamda kinofilmlarni efirga uzatmaslik kerakligi aytildi.
Toshkent metropoliteni vaqt ko‘rsatuvchi tablosidagi «nojo‘ya yozuv» yuzasidan izoh berdi
Toshkent metropoliteni metro stansiyasidagi vaqt ko‘rsatuvchi tablosidagi «nojo‘ya yozuv» elektron soat darchasiga qilingan kiberhujum natijasida paydo bo‘ldi, deya xabar berdi Toshkent metropoliteni.
O‘zbekistonda 300 mingdan ortiq kishi COVID-19 ga qarshi emlandi
O‘zbekistonda koronavirusga qarshi vaksina bilan 300 mingdan ortiq fuqaro emlandi. 14 aprel kuni 43 ming 896 kishi vaksina oldi.
Xalqaro imtihon tizimlarida yuqori ball to‘plagan yoshlarga xarajatlari qoplab beriladi
Hukumat qarori bilan 1 maydan boshlab 5 ta xalqaro imtihon tizimi (IELTS, TOEFL, GMAT, GRE, SAT) bo‘yicha va 2022 yil 1 yanvardan boshlab yana 13 ta imtihon tizimi bo‘yicha imtihonlarda yuqori ball to‘plagan yoshlarga imtihon topshirish xarajatlari to‘liq qoplab beriladi.
Andijonda Polsha universiteti filiali tashkil etildi
Andijonda Varshava menejment universiteti filiali tashkil etildi. Universitetda 6 ta fakultet faoliyat olib boradi. Darslar ingliz, rus va o‘zbek tillarida o‘tiladi. Ijtimoiy himoyaga muhtoj oilalarning qobiliyatli farzandlari orasidan grant asosida qabul qilinishi ham ko‘zda tutilgan.
Jizzaxda 102 yoshli onaxon koronavirusga qarshi emlandi
Jizzax viloyatining Zarbdor tumanida 102 yoshli Suymaxol Zulimova koronavirusga qarshi emlandi.
Farg‘onada 28 nafar bolani Damas’da olib ketayotgan haydovchi jarimaga tortildi
Farg‘ona viloyati tumanlaridan birida 28 nafar bolalar bog‘chasi tarbiyalanuvchisi Damas’da uylariga olib ketilayotgani aniqlandi. Haydovchi tegishli guvohnoma va boshqa ruxsatnomalarga ega bo‘lmagan.
Yuqori malakali mutaxassislarning ish topishi muammo bo‘lmaydi — JIDU rektori
Jahon iqtisodiyoti va diplomatiya universiteti rektori Komiljon Karimov nima uchun JIDUda ko‘p yillar davomida korrupsiya rivojlanmaganligi, o‘quv jarayoni uchun talabalar beradigan «fidbek»ning muhimligi, zamonaviy mehnat bozorida kerakli ko‘nikmalar va bitiruvchilarning universitet hayotidagi o‘rni haqida. «Gazeta.uz» intervyusi.
Maktab va oliygohlarda «Moliyaviy savodxonlik» fani o‘qitiladi
Prezident farmoniga asosan umumta’lim maktablari o‘quvchilari hamda OTM talabalari uchun «Moliyaviy savodxonlik» o‘quv kursini fan sifatida joriy etish ko‘zda tutilmoqda.
Toshkentdagi YTHda mototsikl haydovchisi vafot etdi
Toshkent shahrining Mirzo Ulug‘bek tumanida Nexia va mototsikl to‘qnashuvi oqibatida 30 yoshli erkak halok bo‘ldi.
Byudjet taqsimotida fuqarolarga ko‘proq imkoniyat beriladi
May oyidan 14 ta tuman (shahar)da byudjet xarajatlarining 5 foizi jamoatchilik fikri asosida shakllantirilgan tadbirlarni moliyalashtirishga yo‘naltiriladi. 1 iyuldan jamoatchilik fikri asosida shakllantirilgan tadbirlarni moliyalashtirishga ajratiladigan tuman (shahar)lar byudjetlari qo‘shimcha mablag‘larining eng kam miqdori 10 foizdan 30 foizga oshiriladi.
Sog‘liqni saqlash vazirligi huzurida onkologik kasalliklarga chalinganlarga yordam berish fondi tashkil qilinadi
Sog‘liqni saqlash vazirligi huzurida onkogemotologik va davolash murakkab bo‘lgan kasalliklarga chalingan bemorlarni davolashga ko‘maklashish uchun jamg‘arma tashkil etilmoqda. Fond tibbiy uskuna va dori-darmonlarni, reaktivlarni sotib oladi va operatsiya uchun xorijdan mutaxassislarni taklif qiladi.
Chiroqchida kaltaklangan o‘qituvchi ishi bo‘yicha jinoiy ish qo‘zg‘atildi
Qashqadaryoda uch nafar fuqaro 6 sinf o‘quvchisiga ikki baho qo‘ygan o‘qituvchining yuzini bir necha marotaba urib, kaltaklashgan. Holat yuzasidan jinoyat ishi qo‘zg‘atildi.
20 mlrdni klubga bermasdan, maktab qurgan ancha yaxshi — Muhrim A’zamxo‘jayev
Jurnalist va bloger Muhrim A’zamxo‘jayev “Championat.asia” nashriga bergan intervyusida futbolga berilayotgan mablag‘lar, ularning sarflanishi haqida so‘z yuritdi. Uning aytishicha, bir futbol jamoasiga 20 mlrd so‘m sarflagandan ko‘ra, 4 ta maktab qurish yoki o‘qituvchilarning maoshiga ustama pul qo‘shib berish mumkin.
Toshkent viloyatida qizni o‘g‘irlab, erga tegish uchun majburlagan shaxsga jinoyat ishi qo‘zg‘atildi
Toshkent viloyatida 27 yoshli fuqaro 21 yoshli qizni o‘g‘irlab, nikohdan o‘tish uchun majburlagan. Qiz qarshilik ko‘rsatib qochib ketgan. Holat yuzasidan jinoyat ishi qo‘zg‘atildi.
«Trest-12» tendersiz Qonunchilik palatasi binosini ta’mirlaydi
Qonunchilik palatasi binosining tashqi ko‘rinishi rekonstruksiya qilish va binoni joriy ta’mirlash uchun 16,54 mlrd so‘m ajratish reja qilingan. Pudratchi sifatida «Trest-12» (aksionerlari orasida qurilish vazirining o‘g‘li va rafiqasi borligi haqida yozgan edik) ishtirok etmoqda. Hukumat buyrug‘i bilan loyihani tendersiz amalga oshirish va parallel ravishda loyihalashtirishga ruxsat berilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting