2022-yilda OTMlarga kirish uchun jami 1 mln 214 ming 232 nafar abituriyent hujjat topshirdi. Ularning 67 foizi avvalgi yillar bitiruvchilari hisoblanadi. Abituriyentlarning yarmidan ko‘pi kunduzgi ta’limni, 8,3 ming nafari esa masofaviy ta’limni tanlagan.
Shu yilning birinchi yarim yilligida prezident hujjatlari ijrosini ta’minlamagani uchun Moliya, Qurilish hamda Energetika vazirliklari, Davlat soliq qo‘mitasi va boshqa idoralardagi 5 nafar davlat xizmatchisi ishdan bo‘shatildi, 6 nafariga hayfsan va 1 nafariga jarima jazosi qo‘llanildi.
Yagona maktab formasining hali beri majburiy bo‘lmasligi, ayrim soliqlarni to‘lashdan ozod qilinganlar, Komil Allamjanv bugundan biznesmen emas, hafta oxiridagi yomg‘irlar, Alisher Usmonovning ikki jiyaniga qarshi sanksiyalar, «Qo‘rqinchli Tehron» asari muhokamasi va boshqalar — «Gazeta.uz» da kun dayjesti.
Juma kunidan boshlab 7 avgustga qadar poytaxtda Food Fest-2022 gastronomik festivali o‘tkazilishi munosabati bilan Buyuk Turon ko‘chasi, Mustaqillik shoh ko‘chasi hamda Hyatt Regency mehmonxonasigacha bo‘lgan yo‘llar avtotransport harakati uchun vaqtincha yopiladi.
O‘zgidromet rahbari 28−29 iyul kunlari O‘zbekiston hududining aksariyat qismida havo harorati pasayib, qisqa muddatli yomg‘ir yog‘ishi mumkinligini ma’lum qildi.
Tanzila Narbayeva prezident topshirig‘iga ko‘ra bu yil 12 ming xotin-qizlar uy-joy bilan ta’minlanishi kerakligi, biroq ularning 500 nafardan sal ortiqrog‘iga uy berilganini aytdi. U joylardagi mas’ul tuzilmalar topshiriqni bajarish o‘rniga tadbirbozlik qilib yurganini tanqid ostiga oldi.
Seysmoprognostik monitoring Respublika markazi epitsentri Qirg‘izistonda joylashgan 4,5 magnitudali zilzila O‘zbekiston hududida ham sezilganini ma’lum qildi. Mamlakat sharqida zilzila kuchi 2−3 ballni tashkil etgan.
Fuqarolarning xususiy bog‘cha va maktablarga to‘laydigan 3 mln so‘mgacha mablag‘lari soliqdan ozod etiladi, mobil aloqa xizmatlari uchun soliq stavkalari 15 foizdan 10 foizga tushiriladi, tadbirkorlar va baliq yetishtiruvchilarga soliq imtiyozlari beriladi — Soliq kodeksiga qo‘shimcha va o‘zgartirishlar kiritildi.
Xalq ta’limi vaziri Baxtiyor Saidov yangi o‘quv yilidan boshlab maktab formasi majburiy bo‘lmasligini ma’lum qildi. Mazkur tartib 2025 yilgacha bosqichma-bosqich amalga oshiriladi. Shuningdek, o‘quvchi-qizlar maktabga ochiq rangdagi milliy ro‘molni boshning orqa tomonidan o‘rab kelishlari man etilmagani ta’kidlandi.
2022 yil birinchi yarmida davlat xizmatlari ko‘rsatilishi sohasida 72,7 mingta qonun buzilish holati aniqlandi. Bunda ayrim davlat idoralari davlat xizmatlarini vaqtida ko‘rsatmay, fuqarolarni sarson qilgan, ularning murojaatlarini e’tiborsiz qoldirgan. 720 nafar davlat xizmatchisi jarimaga tortildi.
Zamonaviy televideniye dunyo yuzini ko‘rgan kunda «Gazeta.uz» mamlakatning ilk «O‘zbekiston» telekanali xodimlari xotiralarini chop etmoqda. Ular ustozlari, sevimli dasturlari va O‘zMTRK tashkil etilgan yillarda u yerda hukm surgan muhit haqida hikoya qiladilar.
DXX Farg‘onada ikkita holatda qariyb 300 ming dollarni Qirg‘izistonga noqonuniy ravishda olib chiqishga bo‘lgan urinishlarga chek qo‘yildi.
Afg‘on hukumatini terror tashkilotlardan aloqalarini uzishga chaqirgan Shavkat Mirziyoyev, inklyuziv hukumatni afg‘on xalqi uchun tinch kelajak ekanini aytgan Vladimir Norov, 4 nafar yaqinini pichoqlagan erkak, o‘z joniga qasd qilgan Rash Milk asoschisi Rahmiddin Mirzayev va boshqalar — «Gazeta.uz» da kun dayjesti.
Mushfiq Kozimiyning «Qo‘rqinchli Tehron» asari nafs, ilmsizlik, o‘z haq-huquqini bilmaslik, fikrsizlik ortidan tanazzulga yuz tutgan jamiyat tarixi va taqdiridan so‘zlaydi. Asar, ayniqsa, jamiyatda ayollarga nisbatan munosabat masalalari qalamga olinganligi nuqtai nazaridan qizg‘in muhokamalarga sabab bo‘lgan.
Sirdaryo viloyati Turizm va sport bosh boshqarmasi tomonidan sport anjomlari 1,2 mlrd so‘mdan ziyod qimmat narxga sotib olingani ma’lum bo‘ldi.
O‘zbekistonda 2024/2025 o‘quv yilidan boshlab maktab bitiruvchilarining yakuniy davlat attestatsiyasi va oliy o‘quv yurtlariga kirish imtihonlarini majburiy fanlar va bakalavriat yo‘nalishlari fanlari bo‘yicha yagona test o‘tkazish orqali birlashtirish taklif etilmoqda.
O‘zbekistonning tashqi siyosat bo‘yicha maxsus vakili Abdulaziz Kamilov Afg‘oniston hukumatini yaqin kelajakda tan olish masalasi hozir kun tartibida yo‘qligini ta’kidladi. Biroq u «Tolibon» harakati va jahon hamjamiyatining umumiy til topishga harakat qilayotgani ijobiy tendensiya ekanligini aytdi.
Andijonlik tadbirkor, Rash Milk kompaniyasi asoschisi Rahmiddin Mirzayev 46 yoshida vafot etdi. Bosh prokuratura ma’lumotlariga ko‘ra, u o‘z uyining bog‘ida osilgan holda topilgan.
Mahallalarda sanoat, hunarmandchilik, kasanachilik va chorvachilik mikromarkazlarini tashkil qilish uchun davlat mulki obyektlari 5 yil muddatga ijaraga beriladi. Bunda tadbirkor obyektni o‘zi rekonstruksiya qiladi yoki bino-inshootlarni quradi.
O‘zgidromet hamda BMTning Oziq-ovqat va qishloq xo‘jaligi tashkiloti iqlim o‘zgarishiga qarshi kurashish sohasida kengaytirilgan shaffoflik tizimini yaratish bo‘yicha yangi loyihani ishga tushirmoqda.
Qo‘shimcha imkoniyatlarga ega bulish uchun saytda ro‘yxatdan o‘ting