Jamiyat
Sud Sof.uz nashridan Anorbank foydasiga 3,7 mlrd so‘m undirish to‘g‘risida qaror chiqardi
Anorbank “ishchanlik obro‘siga putur yetkazuvchi ma’lumotlar tarqatilgani uchun” Sof.uz nashri ustidan sudga da’vo kiritgan edi. 2022-yilning noyabridan beri ko‘rilayotgan iqtisodiy nizo yakuniga yetdi. Sud sof.uz nashriga Anorbank foydasiga 3,7 mlrd so‘m miqdorida zarar to‘lashga qaror chiqardi.
Qashqadaryodagi qishloqda yurgan ayiqni harakatsiz holga keltirib, tabiatga qaytarish rejalashtirilmoqda
Chiroqchi tumanidagi qishloqlardan biriga ayiq kelib qoldi, tarmoqlarda uning yurgani aks etgan videolar tarqaldi. Mahalliy aholi uni mashinada urib yubormoqchi ham bo‘ldi. Tabiat resurslari vazirligi va Toshkent hayvonot bog‘i xodimlari poytaxtdan voqea joyiga jo‘nab ketdi.
Qashqadaryoda erkak asrab olgan 13 yoshli qizini zo‘rlagani aytilmoqda
Chiroqchi tumanida 52 yoshli erkak mehribonlik uyidan asrab olgan 13 yoshli qizni zo‘rlab, homilador qilib qo‘ygani aytilmoqda. Oliy sud holat bo‘yicha jinoyat ishi 7-aprel kuni yopiq sud majlisida ko‘rilishini ma’lum qildi.
Toshkent aeroportida mehmonxona ochiladi. Foto
Toshkent aeroportida sharqona ko‘rinishdagi mehmonxona ochiladi. Unga tashrif buyuruvchilar uchun ma’lumot tablosi, hammom va dush xonasi taqdim etiladi, qabulxona kechayu kunduz ishlaydi va har bir yo‘lovchiga samolyotga chiqish uchun individual taklifnoma taqdim etiladi.
9 ta viloyatda qurilishga mas’ul “zamhokimlar” va MBning hududiy rahbarlari hayfsan oldi
Prezident “Yangi O‘zbekiston” massivlari bo‘yicha uylarni topshirish ishlari cho‘zilib ketgani uchun 9 ta viloyatda hokimlarning qurilishga mas’ul o‘rinbosarlari va Markaziy bankning viloyat bo‘linmalari rahbarlariga hayfsan e’lon qildi.
“Dmitriy Rilov O‘zbekiston chegarasini kesib o‘tmagan” — Bosh prokuratura
O‘zbekiston Bosh prokuraturasi Sankt-Peterburgdagi kafeda “harbiy ofitser” Maksim Fomin (Vladlen Tatarskiy) halok bo‘lgan portlashga aloqadorlikda gumonlangan Darya Trepovaning turmush o‘rtog‘i Dmitriy Rilov O‘zbekiston chegarasini kesib o‘tmagani va shunga ko‘ra mamlakatda bo‘lishi mumkin emasligini ma’lum qildi.
Ispaniyalik opera xonandasi Plasido Domingo Toshkentda konsert beradi
26-aprel kuni Toshkentda afsonaviy Plasido Domingoning Alessandro Safina va boshqalar ishtirokidagi fusunkor opera kechasi bo‘lib o‘tadi.
Muddati o‘tgan, kontrafakt va yaroqsiz tovarlar haqida xabar berganlar rag‘batlantiriladi
Prezident qaroriga ko‘ra, saqlash muddati o‘tib ketgan, kontrafakt va iste’molga yaroqsiz tovarlar haqida xabar berganlar rag‘batlantiriladi. Shuningdek, o‘zganing tovar, xizmat ko‘rsatish belgisidan yoki firma nomidan qonunga xilof ravishda foydalanganlik uchun javobgarlik kuchaytiriladi.
BAA vaziri al-Gargaviyga “Do‘stlik” ordeni topshirildi
O‘zbekiston prezidenti BAA hukumat ishlari bo‘yicha vaziri Muhammad al-Gargaviy bilan texnologiyalar, sun’iy intellekt, raqamlashtirish, shahar infratuzilmasini modernizatsiya qilish, kadrlar tayyorlash bo‘yicha loyihalarni muhokama qildi. Vazirga “Do‘stlik” ordeni topshirildi.
O‘zbekistonda qizlar ko‘proq shifokor, yigitlar esa IT mutaxassisi bo‘lmoqchi — tadqiqot
Makroiqtisodiy va hududiy tadqiqotlar instituti o‘rganishlariga ko‘ra, 86 foiz ota-onalar farzandlarining kasb bo‘yicha tanlovini ma’qullamoqda. Qizlar ko‘proq shifokor va o‘qituvchi kasbini tanlagan bo‘lsa, yigitlar IT mutaxassisligi, shifokor va iqtisodchi kasblarini afzal ko‘rgan.
Jurnalist Sohibjon Alijonov 55 yoshida vafot etdi
Taniqli jurnalist, MTRKda mas’ul lavozimlarda faoliyat olib borgan Sohibjon Alijonov 55 yoshida vafot etdi. Uning o‘limiga yurak xuruji sabab bo‘lgani aytilmoqda.
Jaxongir Xidayxodjayev Migratsiya agentligi boshlig‘i bo‘ldi
Jaxongir Xidayxodjayev Tashqi mehnat migratsiyasi agentligi boshlig‘i etib tayinlandi. Agentlikning sobiq rahbari jinoyat ishi doirasida hibsga olingandi.
Toshkentda ichki ishlar xodimini o‘ldirgan 3 shaxs uzoq muddatga qamaldi
Toshkentda IIV Jinoyat qidiruv bosh boshqarmasining katta tezkor xodimi o‘ldirildi. Uning jasadi yoqilib, kanalga tashlab yuborilgan. Uch nafar ayblanuvchi uzoq muddatli qamoq jazosiga hukm qilindi.
Qo‘qon pedagogika instituti yotoqxonasida qizlarning xonasidan yashirin kamera topildi
Qo‘qon pedagogika instituti talabalari yotoqxonadagi xonaga yashirin kamera o‘rnatilganini bildirdi. Qizlarning so‘zlariga ko‘ra, shikoyatga javoban prorektor ularga IIBga murojaat qilgani uchun tanbeh bergan, rektor esa “institut mulkiga” zarar yetkazganini tanqid qilgan. Vazirlik holatni nazoratga oldi.
4-aprel kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyevga Turkiyaning elektromobilidan yuborgan Erdog‘an, O‘zbekistonning AQShdagi yangi elchisi, xorijdagi referendum o‘tkaziladigan uchastkalar xaritasi, yer usti metro bekatlarini nomlash ovozga qo‘yilgani, Adliya vazirligining hibsga olingan sobiq xodimi va boshqalar — “Gazeta.uz”ning kun dayjestida.
“Ayol buyum emas”. O‘zbekistonda zo‘ravonlikka qarshi ijtimoiy loyiha boshlandi
Xorazmda mansabdorlar mehribonlik uyi qizlarini muntazam zo‘rlab kelgani ortidan bir guruh yoshlar “Ayol buyum emas” shiori ostidagi ijtimoiy loyihaga qo‘l urishdi. Ular “Gazeta.uz” bilan suhbatlashar ekan, ular “davlat o‘z vazifasini eplolmasa, faol insonlar o‘zi harakatga tushishi zarur”ligini ta’kidlashdi.
Adliya vazirligining sobiq xodimi hibsga olingani aytilmoqda
Tarmoqlarda Adliya vazirligining bo‘lim bosh maslahatchisi hibsga olingani aytilgan xabar tarqaldi. Vazirlik xodimga nisbatan tergov harakatlari olib borilayotganini bildirib, u hamkasblari sha’nini kamsituvchi ma’lumotlarni tarqatib kelganini ma’lum qildi.
O‘yinlar uchun yaratilgan ROG Strix SCAR 18 geymingni maksimal darajasini ta’minlab bera oladi
2023 yil modeli ROG Strix SCAR 18 zamonaviy texnik xarakteristika va dizaynga ega o‘yin noutbuklarining yorqin vakilidir.
O‘zbekistonda sil, gepatit B va qandli diabet bilan kasallanish kamaygan − PMTI
O‘zbekistonda 2017-yildan 2021−2022-yilgacha bo‘lgan davrda sil, gepatit B va 2-toifa qandli diabet bilan kasallanishi kamaygan. Shuningdek, aholi o‘rtasida o‘z joniga qasd qilish tufayli hayotdan ko‘z yumish ko‘rsatkichi (har 100 000 kishiga) 2017-yildagi 7,5 nafardan 2021-yilda 6,4 nafargacha kamaygan.
Toshkent viloyatida xorijdan fil tishi va bug‘u shohlarini olib kirmoqchi bo‘lganlar aniqlandi
“G‘ishtko‘prik” chegara bojxona posti orqali harakatlangan avtomashinadan Afrika filining tishi hamda 180 dona bug‘u shohlari topildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting