Jamiyat
O‘zbekistonlik ziyoratchilar Umradan qaytishda qiyinchilikka uchragani yuzasidan ish ochilishi mumkin
Turizm qo‘mitasi Umra xizmatlarini litsenziyasiz ko‘rsatgan kompaniyalarning ma’lumotlari huquqni muhofaza qiluvchi organlarga taqdim etilayotganini bildirdi. Shuningdek, xizmatlarni sifatsiz ko‘rsatilganidan jabr ko‘rgan ziyoratchilarga moddiy va ma’naviy zarar sud qarori bilan undirib berilishini eslatib o‘tdi.
Navoiydagi maktabda o‘qituvchi 2 o‘quvchini kaltakladi
Navoiy shahridagi 18-sonli maktabda rus tili o‘qituvchisi (erkak) 2 nafar o‘quvchini kaltakladi. Hozirda holat bolalar ombudsmani kuzatuvida va tergovga qadar tekshiruv olib borilmoqda.
Namanganda qalbaki dori vositalarini tayyorlash va sotish bilan shug‘ullangan tibbiyot xodimi ushlandi
Namanganda “Zodak”, “Anaferon”, “Xilak Forte” va “Vitamin V6” nomli qalbaki dori vositalarini tayyorlash hamda sotish bilan shug‘ullangan tibbiyot xodimi qo‘lga olindi. Yashirin sex sharoitida tayyorlangan dori vositalari asosan Andijon, Farg‘ona va Toshkent shaharlaridagi dorixonalarda sotuvga chiqarilgan.
Prezident dorilarni elektron retsept asosida berish va 300 ta klinik protokolni yangilash bo‘yicha topshiriq berdi
Prezident mutasaddilarga 300 ta klinik protokol va standartlarni xalqaro mezonlarga moslashtirish bo‘yicha topshiriq berdi. Shuningdek, “Elektron poliklinika”, “Elektron shifoxona” va “Elektron tibbiy karta” tizimini ishga tushirish, dorilarni elektron retsept asosida berishni yo‘lga qo‘yish vazifasini topshirdi.
Xorazmda 81 tup daraxt kesgan fermer xo‘jaligi rahbariga jinoyat ishi qo‘zg‘atildi
Gurlan tumanida fermer xo‘jaligi rahbari 81 tup biologik sog‘lom turong‘il daraxtini noqonuniy kesgani aniqlandi. Buning oqibatida tabiatga 618,1 mln so‘mlik zarar etkazilgan. Xo‘jalik rahbariga jinoyat ishi ochildi.
“Biz „Dok-1 Maks“ ishi bo‘yicha hamkorlikka tayyormiz”. Bolalar ombudsmani — jabrlangan va vafot etgan bolalarning ota-onalariga kompensatsiya to‘lash haqida
Bolalar ombudsmani Surayyo Rahmonova “Dok-1 Maks” siropi ishida ota-onalar bilan hamkorlik qilishga tayyorligini bildirdi. Undan foydalanish oqibatida O‘zbekistonda kamida 69 bola halok bo‘lgandi.
Jahongir Ortiqxo‘jayev ba’zi jurnalistlarni “UJJ” deb atab, “sal pastroqqa tushishni” so‘radi
Sobiq hokim Jahongir Ortiqxo‘jayev jurnalist va blogerlarni tanqid qilib, ayrimlarini UJJ — “uyushgan jinoiy jurnalistlar” deb atadi. U ulardan “sal pastroqqa tushishni” va o‘zlarini “butun jamoatchilik” deb hisoblamaslikni so‘radi. Uning so‘zlariga ko‘ra, ular xorijiy OAV bilan raqobatga dosh bera olmaydi.
5-fevral kuni e’lon qilingan eng muhim yangiliklar dayjesti
KPI bo‘yicha ishlaydigan vazirlar, ozodlikka chiqqan Otabek Sattoriy, o‘zbekistonlik migrantlarni ishga chaqirayotgan Isroil, dorilar sotuvi bilan bog‘liq “o‘yinlar” haqida gapirgan prezident va boshqalar — “Gazeta.uz"ning kunlik dayjestida.
“Jinsiy tarbiyadan olabo‘ji yasamaslik kerak” — bolalar ombudsmani
O‘zbekistonda jinsiy tarbiya “bolaning tarbiyasi va axloqiy fazilatlariga qandaydir tarzda tahdid soladi”, degan fikr keng tarqalgan, dedi bolalar ombudsmani Surayyo Rahmonova Alter Ego loyihasiga bergan intervyusida. “Undan olabo‘ji yasamaslik kerak. Ma’rifat tahdid solishi mumkin emas”, — dedi u.
Prezident Parijdagi Olimpiya o‘yinlarida yakka kurashdan boshqa sport turlaridan ham medallar kutmoqda
Shavkat Mirziyoyev Parijda bo‘ladigan Olimpiya va Paralimpiya o‘yinlariga qattiq tayyorgarlik ko‘rishni tayinladi. “Bu yilgi yutuqlarni Tokiodagi kabi faqat yakka kurash sport turlari hisobidan qo‘lga kiritamiz, degan fikr mutlaqo noto‘g‘ri. Natija tarixda eng yaxshisi bo‘lishi uchun hozirdan chora ko‘rish kerak”, dedi u.
Bloger Otabek Sattoriy qamoqdan ozod etildi
2021-yilning mayida 6,5 yilga qamalgan surxondaryolik bloger Otabek Sattoriy sud ajrimi bilan qamoqdan ozod etildi. Unga belgilangan jazo axloq tuzatish ishi jazosiga almashtirilib, ish haqining 20 foizini davlat daromadi foydasiga undirilishi belgilandi.
Yerosti metro bekatlaridagi eski eskalatorlarni almashtirish ishlari boshlandi
10-fevraldan 20-martgacha Toshkent metrosining “Xalqlar do‘stligi” bekatidagi “Tashkent city” majmuasiga olib chiquvchi vestibyul yopiq bo‘ladi. Bu vaqtda muddatini o‘tab bo‘lgan eskalator yangisiga almashtiriladi.
Texnikumlarda ham “kredit tizimi” bo‘ladi. U oliygohlarda tan olinadi
Yangi o‘quv yilidan kollej-texnikumning 1−2 kursida ta’lim tizimi va uni baholash oliygohlar bilan tenglashadi. Texnikumlarda ham oliygohlarda tan olinadigan “kredit tizimi” yaratiladi. 2 yil yetarli “kredit” to‘plaganlar “2+2” yoki “2+3” dasturi asosida OTMning 2 yoki 3-kurslarida ta’limni davom ettiradi.
Prezident: budjetdan mablag‘ ajratilsa-da, onkologik bemorlar dorilarni 10 barobar qimmat sotib olishga majbur
Prezident onkologik bemorlarga dorilar vaqtida yetib bormasligiga sabab bo‘layotgan “o‘yinlar”ni tanqid qildi. “Endokrinologiya, kardiologiya, shoshilinch xizmatda ham bunday faktlar yetarli”, — dedi u. Davlat rahbari, shuningdek, dorilarning yashirin aylanmasiga yetarli chora ko‘rilmayotgani haqida ham gapirdi.
O‘zbekistonning 6 ta viloyatida bir hafta davomida qor ko‘chishi xavfi e’lon qilindi
6−12-fevral kunlari kutilayotgan yog‘ingarchilik hamda haroratning o‘zgarishi sababli 6 ta viloyatning tog‘li hududlarida qor ko‘chishi xavfi e’lon qilindi. 7−8-fevral kunlari esa Qamchiq dovonida qor yog‘ishi, vaqti-vaqti bilan kuchli yog‘ingarchilik va tuman kuzatilishi, ko‘rinuvchanlik 50 metrgacha pasayishi mumkin.
Har bir ona va bola o‘limi “favqulodda holat” deb baholanadi — Shavkat Mirziyoyev
Prezident onalar va go‘daklar o‘limiga to‘xtalib, “Har bir ona va bola o‘limi „favqulodda holat“ deb baholanadi va so‘rov shunga yarasha bo‘ladi”, — dedi. Mirziyoyevning o‘tgan yilgi saylovoldi dasturida 2030-yilgacha bunday o‘limlarni kamida 2 barobarga qisqartirish reja qilingandi.
“DXSH asosida bog‘cha ochganlarning 1,5 mingdan ziyodi noqonuniy harakatlar sodir etgan” — Maktabgacha ta’lim agentligi
O‘zbekistonda 1,5 mingdan ziyod nodavlat maktabgacha ta’lim tashkilotida davlat budjetini o‘zlashtirish holatlari aniqlandi. Ayrim tadbirkorlar bunda maxsus dasturiy yoki apparat vositalaridan foydalangan. Ushbu holatlar bo‘yicha ma’lumotlar huquqni muhofaza qiluvchi organlarga taqdim etildi.
Onkologiya bo‘yicha har bir erta aniqlangan holat uchun tibbiyot brigadalariga mukofot joriy qilinadi
O‘zbekistonda onkologiya bo‘yicha har bir erta aniqlangan holat uchun tibbiyot brigadalariga mukofot berish joriy qilinadi. Bu tajriba 1-maydan Qashqadaryoda boshlanadi va kelgusi yildan boshqa hududlarda yo‘lga qo‘yiladi.
Bilimni baholash agentligi abituriyentlarni imtihon qilish bilan cheklanmoqda — prezident
Shavkat Mirziyoyev DTM Bilim va malakalarni baholash agentligi sifatida qayta tashkil etilsa-da, haligacha abituriyentlarni imtihon qilish bilan cheklanayotganini aytdi. Endilikda professional va oliy ta’limda kasbiy ko‘nikmalarni belgilash va ularni baholashning yangi tizimi joriy qilinadi.
O‘zbekistonda voyaga yetmaganlar 2023-yilda 3,5 mingta jinoyat sodir etdi
2023-yilda O‘zbekistonda voyaga yetmaganlar tomonidan 3500 ta jinoyatchilik qayd etildi. Ularning 2280 tasi maktab o‘quvchilari hisobiga to‘g‘ri keldi. Prezident maktablarda bolalarni vatanparvarlik ruhida tarbiyalash orqali ularning “jinoyatga qarshi immunitetini” shakllantirish tizimini yaratish muhimligini aytdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting