Jamiyat
Avtosanoat monopoliyasi haqidagi graffiti to‘liqligicha bo‘yab tashlandi (yangilandi)
Inkuzart ko‘cha rassomi O‘zbekiston avtomobil bozoridagi monopoliya hamda mashina olish uchun uzun navbatlarni aks ettirgan yangi graffiti chizdi. Surat to‘liqligicha bo‘yab tashlandi.
Haftaning ikkinchi yarmida havo harorati pasayishi kutilmoqda
8 sentyabrda O‘zbekiston shimoliga antitsiklon kirib kelib, Volga bo‘yi hududlaridan salqin havoni olib keladi. 9−10 sentyabrda salqin havo massasi O‘zbekistonning barcha hududlarini qamrab oladi. Havo harorati +23…+28 darajagacha pasayishi kutilmoqda.
Boyovut tumani hokimi o‘rinbosari Saodat Mirzayeva vafot etdi
Boyovut tumani hokimligi tuman hokimining o‘rinbosari Saodat Mirzayeva 51 yoshida vafot etdi. U mazkur lavozimda 2020 yil 26 iyundan beri ishlab kelayotgan edi.
Shavkat Mirziyoyev 9 sentyabr kuni O‘zLiDeP qurultoyida ishtirok etadi
Prezident Shavkat Mirziyoyev 9 sentyabr kuni O‘zbekiston liberal-demokratik partiyasi qurultoyida ishtirok etadi. Shuningdek, davlat rahbari Paralimpiya o‘yinlari sovrindorlari bilan uchrashishi ham mo‘ljallanmoqda.
Toshkent shahridagi istirohat bog‘lari 24 soat ishlay oladi
Hukumat qarori bilan poytaxtdagi istirohat bog‘lariga tunu kun faoliyat yuritishiga ruxsat berildi. 2023 yilgacha poytaxtning ko‘kalamzorlashtirilishi darajasini 30 foizga yetkazish belgilanmoqda. 2022 yildan sinov tariqasida obodonlashtirish va ko‘kalamzorlashtirish vazifalari autsorsing asosida tadbirkorlarga beriladi.
Reuters: O‘zbekistondagi lagerda yashayotgan afg‘on uchuvchilari vatanga qaytishdan qo‘rqishmoqda
O‘zbekistondagi lagerda bo‘lib turgan afg‘on uchuvchilari va boshqalar vatanga qaytishdan xavfsiramoqda, deb yozmoqda Reuters. «Bizni qaytarishsa, 100 foiz aminmanki, bizni o‘ldirishadi», — deya ma’lum qildi uchuvchilardan biri. Reuters lager tasvirlarini ham e’lon qilib, afg‘onlar O‘zbekistonga uchib kelgan samolyot va vertolyotlar modellari haqida xabar berdi.
1-kurs talabalariga 6−13 sentyabr kunlari dastlabki tanishtiruv haftaligi o‘tkaziladi
1-kursga qabul qilingan talabalar uchun 6 sentyabrdan dastlabki tanishtiruv haftaligi, 13 sentyabrdan e’tiboran o‘quv rejaga muvofiq dars mashg‘ulotlari boshlanadi.
«ArMI-2021»: VII Xalqaro armiya o‘yinlarida O‘zbekiston 2-o‘rinni egalladi
Xalqaro armiya o‘yinlarida O‘zbekiston Mudofaa vazirligi jamoasi 4 ta oltin, 9 ta kumush va 4 ta bronza medallarini qo‘lga kiritib, umumjamoa hisobida Xitoyni ortda qoldirib, 2-o‘rinni egalladi. Musoboqalar davomida O‘zbekiston harbiylari 10 ta rekord natijani qayd etdilar.
«Toshkent» xalqaro aeroportida yangi uchib ketish zali ishga tushirildi (foto)
Islom Karimov nomidagi «Toshkent» xalqaro aeroportida xalqaro yo‘nalishlar yo‘lovchilari uchun qo‘shimcha maydonga ega bo‘lgan yangi uchib ketish zali ochildi. Mazkur zalda zamonaviy uskunalar, «yashil» va «qizil» yo‘laklar o‘rnatilgan. Shuningdek, 6 ta pasport va chegara nazorati punkti, ochiq Wi-Fi tarmog‘i, Duty Free do‘konlari, kafe, ona va bola xonasi mavjud.
Toshkentda Islom taraqqiyot banki boshqaruv kengashining anjumani bo‘lib o‘tdi
“Agrobank” Xalqaro Islom savdo-moliya korporatsiyasi tomonidan eng ko‘p kichik va o‘rta biznes loyihalarini moliyalashtirgan banki sifatida e’tirof etildi.
Maktablarda yangi o‘quv yili to‘liq an’anaviy shaklda boshlanadi
O‘zbekiston maktablarida yangi o‘quv yili to‘liq an’anaviy shaklda boshlanadi. Vaqtincha yopilgan maktablar uchun teledarslar yo‘lga qo‘yiladi. O‘quvchining o‘zi yoki oila a’zolari koronavirusga chalingan bo‘lsa yoki maktab o‘qituvchilari orasida infeksiya aniqlangan bo‘lsagina, masofaviy (onlayn) tarzda o‘quv jarayonlari olib boriladi.
Maktab qizlariga ro‘mol va do‘ppida bo‘lishiga ruxsat berildi
O‘zbekiston maktablarida qizlarga istisno tariqasida oq va ochiq ranglardagi milliy ro‘molda va do‘ppida bo‘lishga ruxsat berildi. XTV rahbari bu ko‘pchilik ota-onalarning murojaatlari asosida qabul qilinganini va asosiy maqsad — barcha bolalarga ta’lim berish ekanligini ta’kidladi. «Biz dunyoviy bilimlarni barchaga berishimiz shart. Shu narsaga sharoit yaratib berishimiz kerak», — dedi u.
3 sentyabr kuni O‘zbekistonda 648 kishida koronavirus aniqlandi
Kecha kun davomida respublikada 648 kishida koronavirus qayd etildi. 7 nafar COVID-19 bemori vafot etdi. Shuningdek, payshanba kuni 71 kishida pnevmoniya aniqlanib, 4 nafar bemor vafot etdi.
O‘zbekiston vakili birinchi marta Yevropa xalqaro ayollar yetakchiligi mukofoti bilan taqdirlandi
JIDU prorektori Gulnoza Ismoilova European International Womenʻs Leadership Awards sovrindori bo‘ldi. Mazkur mukofot bilan O‘zbekiston vakili ilk bora taqdirlandi.
Nima tayyorlaymiz: bolalar uchun maktabga yegulik
Sendvich, lavash xamirida pishiriqlar, grenka va qatlamachalar — Zira.uz bolalar uchun maktabga mazali va to‘yimli yegulik retseptlari ro‘yxatini taqdim etadi.
OTMga kirish imtihonlari natijalari e’lon qilindi
Davlat test markazi OTMga kirish imtihonlari natijalarini (mandatni) e’lon qildi. Qayd etilishicha, javobni hududlar kesimida belgilangan vaqtda tekshirib ko‘rish talab etiladi. Onlayn tarzda 5 xil usulda test natijalarini bilish mumkin.
Namanganda yo‘lni kesib o‘tayotgan ayolni Nexia urib yubordi
Pop tumanida Nexia yo‘lni kesib o‘tayotgan ayolni urib yubordi. Piyoda olgan tan jarohatlari bilan voqea joyida vafot etgan. Holat yuzasidan jinoyat ishi qo‘zg‘atildi.
Talabalar O‘zbekistonning xorijdagi elchixonalarida amaliyot o‘taydi
Xalqaro munosabatlar yo‘nalishlarida tahsil olayotgan talabalar O‘zbekistonning xorijdagi elchixonalarida amaliyot o‘taydi. Hukumat qarori bilan amaliyot muddati, saralab olish bosqichlari va tartibi belgilab berildi.
O‘zbekistonda bo‘lish muddati tugagan chet elliklarni mamlakatni tark etishi kerak
O‘zbekistonda bo‘lish muddati tugagan chet elliklar 10 sentyabrgacha muddatni uzaytirishi yoki mamlakatni tark etishi lozim. Hukumat o‘tgan yilning sentyabrida joriy etilgan vaqtinchalik tartibni bekor qildi.
«DTM faoliyatini butunlay qaytadan ko‘rib chiqish kerak». Maqsuda Vorisova — «mandat» kechikayotgani haqida
Prezidentlikka nomzod Maqsuda Vorisova OTMga kirish imtihonlari natijalarini (mandat) e’lon qilish kechikayotganligi uchun Davlat test markazini tanqid qildi. U DTM faoliyatini butunlay qaytadan ko‘rib chiqish kerakligini ta’kidladi. Markaz ketma-ket uchinchi yil mandat e’lon qilish muddatini buzmoqda.
Eng ko‘p o‘qilgan xabarlar | So‘nggi yangiliklar
- Maktab ta’limi vazirligi “So‘nggi qo‘ng‘iroq”ni o‘tkazish bo‘yicha an’anaviy tavsiyalarni berdi
- 14-mayda diniy tadbir tufayli vaqtinchalik avtobus yo‘nalishlari tashkil etiladi
- Qirg‘izistondagi zilzila kuchi Namanganda ham sezildi
- Surxondaryoda Tracker yuk mashinasiga urilishi oqibatida 5 kishi halok bo‘ldi
Qo‘shimcha imkoniyatlarga ega bulish uchun saytda ro‘yxatdan o‘ting