Jamiyat
Farg‘onada kelinini o‘ldirgan 65 yoshli qaynota 13 yilga qamaldi
Qo‘shtepa tumanida 65 yoshli qaynota oilaviy janjal tufayli kelinini o‘ldirib qo‘ydi. Sud erkakni 13 yil 2 oyga ozodlikdan mahrum qildi.
O‘zbekistonda baliq ovlashda brakonerlikka qarshi nazorat kuchaytirilishi mumkin
O‘zbekistonda baliq ovlashni tartibga soluvchi qaror loyihasi muhokamaga qo‘yildi. Unda brakonerlikka qarshi kurashish, noqonuniy ov oqibatida yetkazilgan zararni hisoblash, taqiqlangan ov qurollarini yo‘q qilish tartiblari mavjud. 2022-yilda noqonuniy baliq ovlash bo‘yicha 1119 ta huquqbuzarlik aniqlangan.
Open budget uchun ovoz yig‘ishga majburlash majburiy mehnatga jalb qilish sifatida baholanadi
Prezident qarori bilan “Tashabbusli budjet” loyihasi uchun rahbarlarning majburiy ovoz yig‘ish bo‘yicha xodimlarga topshiriq berishlari taqiqlanadi. Bunday holat majburiy mehnatga jalb qilish sifatida baholanadi. Loyiha doirasida ovoz to‘plash va g‘oliblarni aniqlash mexanizmi tanqidiy ko‘rib chiqiladi.
10-aprel kuni O‘zbekistonda sodir bo‘lgan eng muhim xabarlar dayjesti
“Tashabbusli budjet”da g‘olib bo‘lmagan 1309 ta loyiha uchun yana 1,3 trln so‘m pul, martda qariyb 1,5 mlrd dollarga oshgan oltin-valyuta zaxiralari, kunlar +37 darajagacha isishi, pora bilan ushlangan tuman hokimi o‘rinbosari, ishdan ketgan Nurafshon shahri hokimi va boshqalar — “Gazeta.uz”ning kun dayjestida.
Bolalar bog‘chada “Konstitutsiya bizniki” deya qichqirishdi. MTV tarbiyalovchilarni ogohlantirdi
Ijtimoiy tarmoqlarda maktabgacha ta’lim muassasalaridan birida tarbiyalanuvchilar Konstitutsiya targ‘ibotiga jalb qilingani aks etgan videoyozuv tarqaldi. Maktabgacha ta’lim agentligi barcha hudud vakillariga ogohlantirish hamda bunday holatlarning oldini olish bo‘yicha tavsiyalar berilganini ma’lum qildi.
O‘zbekistonda 10-apreldan “Toza havo” oyligiga start berildi
O‘zbekistonda 10-apreldan 10-maygacha “Toza havo” oyligi bo‘lib o‘tadi. Bu davr mobaynida 79 ta YPXda ko‘rik nuqtalari, markaziy ko‘chalarda esa ko‘chma postlar tashkil etilib, avtomobillar chiqarayotgan zararli gazlar miqdori ko‘rikdan o‘tkaziladi.
“Tashabbusli budjet”da g‘olib deb topilmagan 1309 ta loyiha uchun qo‘shimcha 1,3 trln so‘m mablag‘ ajratiladi
Prezident topshirig‘iga ko‘ra, “Tashabbusli budjet” jarayonlarining 2023-yil 1-mavsumida ishtirok etib, har biri 2 mingdan ortiq ovoz to‘plagan, lekin g‘olib deb topilmagan 1309 ta loyihani amalga oshirish uchun qo‘shimcha 1,3 trln so‘m mablag‘ ajratiladi.
“Qo‘ng‘iroqdan qo‘ng‘iroqqacha o‘tirishadi”. Senator — firibgarlik bo‘yicha shartli ozod etilishning bekor qilinishi haqida
O‘zbekistonda xalq yoki davlatning milliardlab pulini o‘g‘irlaganlar firibgarlik aybi bilan 5−6 yilga qamalib, muddatining uchdan birini o‘tayapti va ozodlikka chiqib, “yashirgan pulini” sarflashda davom etmoqda, dedi senator Shuhrat Chulliyev. Yangi tuzatishlarga ko‘ra, ular endi “qo‘ng‘iroqdan qo‘ng‘iroqqacha o‘tiradi”.
O‘zbekistonning 7 ta hududida shamol kuchayib, chang-to‘zon kuzatilishi mumkin
O‘zgidromet 12−14-aprel kunlari mamlakatning qator hududlarida shamol 25−28 m/s gacha kuchayishi va chang-to‘zon kuzatilishi mumkinligidan ogohlantirdi.
Toshkentda “O‘zbekistonliklar butunjahon forumi” o‘tkaziladi
Kuzda Toshkent shahrida “O‘zbekistonliklar butunjahon forumi” o‘tkaziladi va xorijdagi eng faol vatandoshlar taqdirlanadi. Qolaversa, xorijdagi vatandoshlar orasida o‘zbek tilini keng targ‘ib qilish maqsadida maxsus onlayn mashg‘ulotlar tashkil etish ham rejalashtirilmoqda.
Toshkentda tez yordam feldsherini haqoratlagan erkakka ma’muriy bayonnoma rasmiylashtirildi
Toshkent shahar IIBB tez yordam dispetcherini haqoratlab, unga tahdid qilgan shaxsga nisbatan ma’muriy bayonnoma tuzilganini ma’lum qildi. Erkak onasiga ayol shifokor jo‘natilishini talab qilgan, bo‘sh ayol shifokorlar brigadasi bo‘lmagani sababli erkak shifokorlar yuborilgandi.
Asialuxe Travel Chexiyaga unutilmas sayohatlarni taklif etadi
May oyidan boshlab Asialuxe Travel Chexiyaga sayohatni, shuningdek, Fransiya, Germaniya, Avstriya va Italiyaga tashrif buyurish imkonini beruvchi haftalik dasturini e’lon qildi.
Qamchiq dovonida Lacetti xandaqqa tushib ketdi
Qamchiq dovonida xandaqqa tushib ketgan Lacetti avtomobili maxsus qutqaruv xodimlari tomonidan chiqarib olindi. Hodisa oqibatida 2 kishi jarohat oldi.
Surxondaryoda YPX inspektori haydovchidan $800 olganlikda gumonlanmoqda
Uzun tumanida YPX inspektori fuqarodan 800 dollar olayotganda ushlangani aytilmoqda. Xodim haydovchiga mashinasining oynalarini ruxsatnomasiz qoraytirib olgan uchun hujjat rasmiylashtirmaslikni va’da qilgan. Holat bo‘yicha jinoyat ishi qo‘zg‘atildi.
Hafta davomida harorat +37 darajagacha ko‘tariladi
Seshanba kuni Eron hududlaridan juda iliq va quruq havo massasi kirib keladi. Hafta davomida asosan yog‘ingarchiliksiz ob-havo bo‘lishi kutilmoqda va harorat +37 darajagacha ko‘tariladi. Biroq tog‘oldi va tog‘li hududlarda vaqti-vaqti bilan yomg‘ir yog‘adi.
Izboskan tumani hokimi o‘rinbosari 5,3 mln so‘m pora bilan ushlandi
Andijon viloyati Izboskan tumani hokimi o‘rinbosari 8 sotix yerni noqonuniy ravishda olib berishga uringanlikda gumonlanmoqda. U buning evaziga 5,3 mln so‘m olganida qo‘lga tushdi.
Shavkat Umurzoqov Toshkentni suv bosishiga qisman fuqarolarning o‘zi aybdorligini aytdi
Toshkent shahri hokimi v.b. Shavkat Umurzoqov poytaxtni suv bosishiga nimalar sabab bo‘layotgani haqida gapirdi. Uning so‘zlariga ko‘ra, bunda qisman odamlarning o‘zi aybdor. “O‘zimizdan ham ayb qidiraylik, 20−30 foiz drenajlarni fuqarolar uy qurish jarayonida yopib yuborgan”, — deydi hokim.
Mahallalarga deputatlar ko‘rib chiqishi uchun taklif kiritish huquqi beriladi
Mahallalarga tuman va shahar mahalliy kengashlarida ko‘rib chiqish uchun taklif kiritish, kun tartibini ishlab chiqish va muhokama qilishda qatnashish huquqi beriladi. 2327 ta mahalla uchun esa yangi bino qurib beriladi. sentabrda “Mahalla institutining jamiyat hayotida tutgan o‘rni” xalqaro forumi o‘tkaziladi.
Aholi va tadbirkorlarning muammolarini o‘rganish bo‘yicha so‘rovnoma o‘tkaziladi
2023-yilda aholi va tadbirkorlarning mavjud muammolarini “xonadonbay” o‘rganish bo‘yicha so‘rovnomalar o‘tkaziladi. Qolaversa, daftarlarga kiritilgan aholiga ko‘rsatilgan yordam haqidagi ma’lumotlar yagona axborot tizimiga kiritiladi. Har bir mahallaning elektron xaritasi ishlab chiqiladi.
Yaponiya O‘zbekiston ko‘zi ojizlar jamiyatiga Brayl alifbosidagi bosma uskunalarni topshirdi
Yaponiya O‘zbekiston ko‘zi ojizlar jamiyatiga o‘zbek tilidagi kitoblar va o‘quv materiallari ishlab chiqarish va Brayl alifbosiga tarjima qilish uchun dasturiy ta’minot sifatida Brayl yozuvidagi printerlarni taqdim etdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting