Siyosat
«Eng katta qo‘rqqanim Sirdaryo IES yonib ketmasin dedim». Shavkat Mirziyoyev — energotizimdagi muammo haqida
Prezident seshanba kuni kuzatilgan energotizimdagi nosozlik haqida fikr bildirar ekan, aynan nimadan ko‘proq qo‘rqqanini ma’lum qildi. «Eng katta qo‘rqqanim Sirdaryo IES yonib ketmasin dedim. 1982 yo 1983 yil Sirdaryoda oltita stansiya ham yonib ketgan», — dedi Shavkat Mirziyoyev. Qolaversa, u tizimdagi rahbarlarga har daqiqada aholini vaziyatdan xabardor qilish bo‘yicha topshiriq berganini ta’kidladi.
Maktab ta’limini isloh qilish kengashi tashkil etiladi, unga prezident rahbarlik qiladi
Prezident tuman, viloyat va respublika darajasida Maktab ta’limini isloh qilish kengashlari tuzilishini ma’lum qildi. «Respublika kengashiga shaxsan o‘zim rahbarlik qilaman. Tuman va viloyat kengashlariga esa hokimlar bosh bo‘ladi», — dedi Shavkat Mirziyoyev. Qolaversa, bugundan «hokimlarning maktabga e’tibor qilish besh yilligi» boshlangani e’lon qilindi.
Kelgusi 5 yilga mo‘ljallangan Taraqqiyot strategiyasi tasdiqlandi
Prezident farmoni bilan 2022−2026 yillarga mo‘ljallangan Yangi O‘zbekistonning taraqqiyot strategiyasi tasdiqlandi. Unga ko‘ra, 2026 yilgacha ehtiyojmand aholi ijtimoiy nafaqa va moddiy yordam bilan to‘liq qamrab olinadi. Qolaversa, 2023 yildan QQS 12 foizgacha tushiriladi.
«Biz ko‘p vaqt yo‘qotganmiz». Shavkat Mirziyoyev maktab ta’limidagi muammolar haqida
Prezident juma kungi videoselektorda maktab ta’limi tizimidagi kamchilik va muammolarni tanqid qildi. Uning so‘zlariga ko‘ra, 1,5 mingdan ortiq maktab mukammal ta’mirga muhtoj, hanuzgacha paxsadan qurilgan 179 ta maktab mavjud. «Maktab ta’limida poydevorni bugundan mustahkam qo‘yishimiz kerak. Chunki biz ko‘p vaqt yo‘qotganmiz», — dedi Shavkat Mirziyoyev.
Umarbek Xalilov Davlat ekologiya qo‘mitasi raisiga birinchi o‘rinbosar bo‘ldi
Nurota tumani hokimi Umarbek Xalilov Ekologiya va atrof-muhitni muhofaza qilish davlat qo‘mitasi raisining birinchi o‘rinbosari lavozimiga tayinlandi.
Koronavirusdan emas, YTHlardan juda ko‘p odamlar o‘lib ketayapti — prezident
Shavkat Mirziyoyev koronavirusga qaraganda yo‘llardagi avariyalar oqibati odamlar ko‘proq vafot etayotganini ta’kidladi. «Nimaga kuyib-pishmaymiz? Nimaga o‘lim ko‘payyapti?», — deb so‘radi u. Prezident haydovchilarni o‘qitish tizimini tubdan takomillashtirish bo‘yicha topshiriq berdi. «Darsga bormasdan guvohnomani olyapti. Nima, O‘zbekistonda qonun yo‘qmi?», — dedi u.
«Xalqimiz vaziyatni to‘g‘ri qabul qilib, sarosimaga tushmadi». Shavkat Mirziyoyev — energotizimdagi nosozliklar haqida
Prezident seshanba kuni energotizimda yuzaga kelgan nosozliklarga munosabat bildirib, uzoq hududlardagi texnogen ofatlar O‘zbekistonga ham o‘z ta’sirini o‘tkazmay qolmasligini ta’kidladi. «Xalqimiz vaziyatni to‘g‘ri qabul qilib, sarosimaga tushmadi. Avvalo sabr-toqatli xalqimizga, shuningdek, barcha soha va idoralar xodimlari, OAV va ijtimoiy tarmoq vakillariga o‘z minnatdorchiligimni bildiraman», — dedi Shavkat Mirziyoyev.
Shavkat Mirziyoyev Markaziy Osiyo va Xitoy davlat rahbarlari uchrashuvida qatnashdi
O‘zbekiston prezidenti Markaziy Osiyo va Xitoy davlat rahbarlari ishtirokidagi videoanjumanda ishtirok etdi. Shavkat Mirziyoyev tadbirda yangi iqtisodiy muloqot strategiyasini ishlab chiqishni, «Xitoy — Qirg‘iziston — O‘zbekiston» temir yo‘lini qurishni joriy yildanoq boshlash g‘oyasini ilgari surdi. Davlat rahbari 2023 yilni «Markaziy Osiyo va Xitoy xalqlari madaniyati va san’ati yili» deb e’lon qilishni taklif qildi.
Helvetas Swiss Intercooperation filiali O‘zbekistonda ro‘yxatdan o‘tdi
Shveysariyaning Helvetas Swiss Intercooperation mustaqil tashkiloti Adliya vazirligidan ro‘yxatdan o‘tib, O‘zbekistonda o‘zining filialini ochdi. Tashkilot allaqachon, 4,8 mln franklik loyihani amalga oshirishni boshlab yuborgan.
Shavkat Mirziyoyev «Markaziy Osiyo davlatlari — Xitoy» onlayn sammitida qatnashadi
25 yanvar kuni «Markaziy Osiyo davlatlari — Xitoy» onlayn sammiti bo‘lib o‘tadi, unda O‘zbekiston prezidenti Shavkat Mirziyoyev ham ishtirok etadi.
Babur Shayakubov Xavfsizlik kengashi kotibining o‘rinbosari lavozimidan ozod etildi
Prezident huzuridagi Xavfsizlik kengashi kotibining o‘rinbosari Babur Shayakubov Qurolli Kuchlar Akademiyasi boshlig‘i etib tayinlandi. U ushbu lavozimda Shavkatbek Mamajonovning o‘rnini egalladi.
Qozog‘istonda 18 nafar o‘zbekistonlik hujjatsiz yurgani aniqlandi
O‘zbekiston Tashqi mehnat migratsiyasi agentligi Qozog‘istonda ishlash uchun ruxsatnomasi mavjud bo‘lmagan 18 nafar o‘zbekistonlikka huquqiy tushuncha berdi. Ular orasida ilk bor qo‘shni davlatga borganlar ogohlantirilgan, ko‘pdan beri ishlayotganlari esa jarimaga tortilgan.
«Nimaga bu pullar davlatga emas, kimlarningdir cho‘ntagiga tushmoqda?» Prezident — yer sotish holatlari haqida
Shavkat Mirziyoyev yerlarni auksionda sotish yo‘li bilan 400 mlrd so‘mlik tushumni ta’minlash rejasi mutlaqo qoniqarsiz ekanligini tanqid qildi. Prezident Toshkent viloyatida 14 gektar yer 3,5 mln dollarga sotilganini ma’lum qildi. «Nimaga bu pullar davlatga emas, kimlarningdir cho‘ntagiga tushmoqda?» — dedi u.
Sirdaryo va Xorazm viloyatlari hokimlariga hayfsan berildi
Prezident raisligida o‘tayotgan videoselektorda Sirdaryo viloyati hokimi G‘ofurjon Mirzayev va Xorazm viloyati hokimi Farhod Ermanovga xususiylashtirish ishlarini sust tashkil etgani uchun hayfsan berildi. Qolaversa, Davlat aktivlarini boshqarish agentligining Sirdaryo, Xorazm va Buxoro viloyatlari boshqarma boshliqlari ishdan olindi.
O‘zbekiston va Qozog‘iston prezidentlari telefon orqali muloqot qildi
Shavkat Mirziyoyev va Qasim-Jomart Toqayev telefon orqali muloqot chog‘ida amaliy hamkorlikni kengaytirish qolaversa, mintaqaviy xavfsizlikni ta’minlash masalalari yuzasidan ham fikr almashdi.
Pentagon: O‘zbekiston va Tojikiston aviatexnikalarni Afg‘onistonga qaytarmaydi
Pentagon rasmiy vakili Jon Kirbining ta’kidlashicha, O‘zbekiston va Tojikistondagi Afg‘onistonning harbiy samolyotlarini joylashtirish masalasi hamon ko‘rib chiqilmoqda. Biroq, u «samolyot va vertolyotlar „Tolibon“ foydalanishi uchun Afg‘onistonga qaytarilmasligiga» ishonch bildirmoqda.
Poytaxtlik deputat unga qarshi «siyosiy buyurtma» bo‘lganini ma’lum qildi
Toshkentning Uchtepa tumani kengashi deputati Nuriddin Zaynitdinov «siyosiy buyurtma, provakatsiyalar va bosim» tufayli deputatlik faoliyatini yakunlashi mumkinligini ma’lum qildi. «Gazeta.uz» bilan suhbatda u bular ortida «tuman va shahar hokimliklari bilan bog‘liq uch-to‘rtta deputat» turgan bo‘lishi mumkinligini aytdi. Senat mazkur vaziyatni o‘rganmoqda.
Nazarboyev: «Elitada hech qanday qarama-qarshilik yo‘q»
Qozog‘istonning birinchi prezidenti Nursulton Nazarboyev mamlakatdagi fojiali voqealardan so‘ng birinchi marta bayonot bilan chiqdi. U 2019 yildan beri nafaqada ekani va hech qayerga ketmaganini ta’kidladi. Qasim-Jomart Tokayev «barcha hokimiyatga ega», «elitada hech qanday ziddiyat yoki qarama-qarshilik yo‘q», — dedi u.
TIV Qozog‘istonda O‘zbekiston fuqarosi qo‘lga olinganini rad etdi
TIV rasmiy vakili «Jibek joli» o‘tish punktida Qozog‘istondagi tartibsizliklarda ishtirok etganlikda gumon qilinib, qo‘lga olingan shaxs O‘zbekiston fuqarosi ekanligini rad etdi.
Andijon viloyatiga yangi prokuror tayinlandi
Bosh prokurorning buyrug‘iga asosan Namangan viloyati prokurorining birinchi o‘rinbosari Sirojiddin Eshquvvatov Andijon viloyati prokurori lavozimiga tayinlandi.
Eng ko‘p o‘qilgan xabarlar | So‘nggi yangiliklar
- Shavkat Mirziyoyev 9-may kuni Moskvadagi paradda ishtirok etadi
- Shavkat Mirziyoyev 5 ta davlat elchilaridan ishonch yorliqlarini qabul qildi (foto)
- Moldovaning O‘zbekistondagi yangi elchisidan ishonch yorliqlari qabul qilindi
- O‘zbekiston, Qirg‘iziston va Tojikiston maxsus xizmatlari rahbarlari terrorizm va narkotik moddalar savdosiga qarshi kurashni muhokama qildi
Qo‘shimcha imkoniyatlarga ega bulish uchun saytda ro‘yxatdan o‘ting