Siyosat
Referendumda qatnashish uchun hozirgacha xorijdan 26 nafar kuzatuvchi akkreditatsiyadan o‘tgan — MSK
Markaziy saylov komissiyasi referendum uchun xorijdan 26 nafar, jumladan, Gruziyadan 3 nafar, Ozarbayjondan 2 nafar, Indoneziya va Niderlandiyadan 1 nafardan kuzatuvchi akkreditatsiyadan o‘tganini ma’lum qildi.
Konstitutsiya bo‘yicha o‘tkaziladigan referendum byulleteni tasdiqlandi
30-aprelda bo‘ladigan referendumda ovoz berish byulletenining shakli va tavsifi tasdiqladi. Unda yangi “Konstitutsiyani qabul qilasizmi?” degan savolga “ha” yoki “yo‘q” javoblari aks etgan. Byulletenlarni ko‘zi ojiz ovoz beruvchilar tomonidan to‘ldirish uchun Brayl alifbosi asosida trafaretlar ham tayyorlanadi.
Qoraqalpog‘iston Vazirlar Kengashi raisiga o‘rinbosar tayinlandi
Shuxrat Dauletiyarov Qoraqalpog‘iston Vazirlar Kengashi raisining o‘rinbosari lavozimiga tayinlandi. U bunga qadar qurilish sohasida bir qator lavozimlarda faoliyat yuritgan.
Senatda ayollar va bolalar huquqi himoyasini kuchaytirishga qaratilgan qonun loyihasi ko‘riladi
Senatning o‘ttiz to‘qqizinchi yalpi majlisi 6-aprel kuni chaqiriladi. Unda davlat chegarasini qo‘riqlash, Ozarbayjon bilan harbiy hamkorlik, Qozog‘iston bilan mahkumlarni topshirish hamda xotin-qizlar va bolalar huquqlari haqidagi qonunlar ko‘rib chiqiladi. Tashqi ishlar vazirligi va ombudsman hisoboti eshitiladi.
Makroiqtisodiy va hududiy tadqiqotlar instituti hamda Biznes va tadbirkorlik oliy maktabi tashkil etiladi
Prezident farmoni bilan Prognozlashtirish va makroiqtisodiy tadqiqotlar instituti negizida Makroiqtisodiy va hududiy tadqiqotlar instituti hamda Vazirlar Mahkamasi huzuridagi Biznes va tadbirkorlik oliy maktabi tashkil etiladi.
Furqat Sidiqov O‘zbekistonning AQShdagi elchisi lavozimida ish boshladi
Furqat Sidiqov O‘zbekistonning AQShdagi elchisi vazifasini bajarishga kirishdi. U bu lavozimda Javlon Vahobovning o‘rnini egalladi.
Xorijdagi referendum o‘tkaziladigan uchastkalar xaritasi tuzildi
Xorijda yashayotgan o‘zbekistonliklar referendum o‘tkaziladigan 55 ta uchastkaning manzilini interaktiv xarita orqali aniqlashi mumkin.
Xorazm viloyatining 3 ta tumaniga yangi hokimlar tasdiqlandi
Prezident tashrifidan so‘ng Xorazm viloyatida kadrlar almashinuvi ro‘y berdi. Urganch tumaniga G‘ayratjon Sultanov, Qo‘shko‘pir tumaniga Boburbek Egamov, Bog‘ot tumaniga Jahongir Nazarov hokim bo‘ldi. Shuningdek, RSHTYOIM filiali va ko‘p tarmoqli tibbiyot markazi rahbarlari o‘zgardi.
Toshkent hokimi targ‘ibot guruhlarini tuzish haqidagi qarorini bekor qildi
Toshkent hokimi v.b. Shavkat Umurzoqov yangi tahrirdagi O‘zbekiston Konstitutsiyasi loyihasi propagandasi bo‘yicha targ‘ibot guruhlarini tuzish to‘g‘risidagi to‘rt kun avval imzolagan qarorini bekor qildi.
“Bu tizimni ideal deb bo‘lmaydi”. Adliya vaziri — elektron ovoz berish haqida
Adliya vaziri Akbar Toshqulov O‘zbekiston firibgarlikka yo‘l qo‘ymaslik uchun elektron ovoz berishga o‘tishni rejalashtiryaptimi, degan savolga onlayn ovoz berish tizimi ideal emas, deb javob berdi. “Ba’zi odamlar elektron tizimda qanday ovozini berganini kimdir bilishini xohlamaydi”, dedi u.
Toshkent shahri hokimi Konstitutsiyadagi o‘zgarishlarni targ‘ib qiluvchi guruhlar tuzilishini ma’qulladi
Toshkent shahri hokimi v.b. Shavkat Umurzoqov yangi Konstitutsiya loyihasi targ‘iboti uchun guruhlar tuzilishini ma’qulladi. Uning tarkibida 1000 dan ortiq kishi, jumladan, oqsoqollar, o‘qituvchi, shifokor, yoshlar yetakchilari, hokim yordamchilari va boshqalar bor. Ularga 11 mingdan ziyod mahalla faollari yordam beradi.
Jo‘rabek Rahimov Xorazm viloyati hokimi etib tasdiqlandi
Shavkat Mirziyoyev ishtirokidagi sessiyada Xorazm viloyati hokimi lavozimiga hokim vazifasini bajarib kelayotgan Jo‘rabek Rahimov nomzodi tasdiqlandi.
Mitinglar to‘g‘risidagi qonun loyihasi prezident Administratsiyasida ko‘rib chiqilmoqda — Adliya vazirligi
“Mitinglar to‘g‘risida“gi qonun loyihasi ishlab chiqilgan hamda hozirda prezident Administratsiyasida ko‘rib chiqilmoqda, deya ma’lum qildi Adliya vazirligi departament boshlig‘i. Mitinglarni tashkil etish tartibi hali ham qonunlarda belgilanmagan, biroq uni buzganlik uchun javobgarlik bor.
O‘zbekistonda ma’muriy islohotlar doirasida davlat muassasalarida ishdan bo‘shatish vaqtincha to‘xtatildi
O‘zbekistonda shtatlarni qisqartirishni ko‘zda tutgan ma’muriy islohotlar doirasida davlat organlarida ishdan bo‘shatish vaqtincha to‘xtatildi.
«Partiyani ro‘yxatdan o‘tkazish uchun 20 ming imzo ko‘p emas» — O‘zbekiston adliya vaziri
O‘zbekiston adliya vaziri Akbar Toshqulovning aytishicha, partiyani ro‘yxatdan o‘tkazish uchun 20 ming imzo unchalik ko‘p emas. «Agar har 5 yoki 10 ming kishi partiya ochaversa, ular soni qancha bo‘ladi?» — dedi u. Siyosatshunos Kamoliddin Rabbimov esa vazirning pozitsiyasini «to‘liq avtoritar» deb atadi.
Shavkat Mirziyoyev Qoraqalpog‘istonga bordi
30 mart kuni O‘zbekiston prezidenti hududlar rivoji va aholi hayoti bilan tanishish maqsadida Qoraqalpog‘istonga bordi. Tashrif davomida yangi korxonalar ishga tushirilishi, yoshlar bilan muloqot qilish ham rejalashtirilgan.
O‘zbekistonda vazirlik va davlat tashkilotlarining ochiqlik indeksi e’lon qilindi
Antikorrupsiya agentligi 2022 yil uchun davlat organlari va tashkilotlarining ochiqlik indeksini e’lon qildi. Unda birinchi uchtalikni Statistika agentligi, Bojxona qo‘mitasi va Toshkent viloyati hokimligi egallagan bo‘lsa, so‘nggi o‘rinlarni «Qishloqqurilish invest», «Yo‘lqurilish» va MTRK band qildi.
“Biz uchun faktlar gapiradi”. DIIHB O‘zbekistonda referendumni kuzatish missiyasini ishga tushirdi
YXHTning Demokratik institutlar va inson huquqlari bo‘yicha byurosi O‘zbekistondagi konstitutsiyaviy referendumni kuzatish uchun missiya ochdi. “Bizning rolimiz aralashish emas, balki jarayonni kuzatish va hisobot berish. Missiya uchun faktlar gapiradi”, — dedi harakat rahbari Albert Yonsson.
O‘zbekiston Xitoyning Shinjon-Uyg‘ur avtonom rayoni bilan hamkorlik o‘rnatmoqda
Shavkat Mirziyoyev Xitoyning Shinjon-Uyg‘ur avtonom rayoni delegatsiyasini qabul qildi. Tashrif doirasida O‘zbekiston energetika vaziri va Huadian Xinjiang kompaniyasi rahbari Navoiy va Farg‘ona viloyatlarida quyosh elektr stansiyalarini qurish bo‘yicha o‘zaro anglashuv memorandumini ham imzoladi.
5+5 yoki 5+7?
Konstitutsiyaning yangilanishi bilan prezidentning amaldagi vakolat muddati o‘zgaradimi? «Gazeta.uz» muxbiri shu haqda adliya vaziri Akbar Toshqulovga murojaat qilib, qonun loyihasidagi oddiy fuqarolar uchun tushunishga qiyin bo‘lgan jumlalarga aniqlik kiritishni so‘radi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting