Siyosat
«Hokim yordamchilari har qanday byurokratiyadan xoli bo‘lishi lozim» — Shavkat Mirziyoyev
Prezident hokim yordamchilarini hech qaysi hokim yoki rahbar majlislarga chaqirmasligi, turli hisobotlar bilan «ko‘mib tashlamasligi», hokimlar ular uchun faqat sharoit yaratib berishi kerakligini ta’kidladi. «Hokim yordamchilari har qanday byurokratiyadan xoli bo‘lishi lozim», — dedi Shavkat Mirziyoyev.
Ulug‘bek Muhammadiyev prezident maslahatchisiga birinchi o‘rinbosar bo‘ldi
Davlat xizmatlari agentligi direktori Ulug‘bek Muhammadiyev prezidentning fuqarolar huquqlarini himoya qilish va murojaatlar bilan ishlash masalalari bo‘yicha maslahatchisining birinchi o‘rinbosari lavozimiga tayinlandi. U DXAga o‘tishdan oldin ham ushbu lavozimda faoliyat yuritgandi.
Shavkat Mirziyoyev Aleksandr Lukashenkoning so‘zlariga munosabat bildirdi
Prezident Shavkat Mirziyoyev Xavfsizlik kengashi yig‘ilishida Aleksandr Lukashenkoning Qozog‘istondagi voqealar ortidan O‘zbekiston saboq olishi kerakligi haqidagi gaplariga munosabat bildirdi. U mazkur bayonotni «asossiz» deb atadi. «Har qanday tahdidga nisbatan munosib javob qaytarish va zarba berish uchun biz yetarli kuch va salohiyatga egamiz», — dedi davlat rahbari.
Mudofaani boshqarish milliy markazi ochildi
Prezident Shavkat Mirziyoyev Mudofaani boshqarish milliy markazi ochilishida ishtirok etdi. Mazkur markaz mamlakatdagi barcha kuch tuzilmalari faoliyatini muvofiqlashtirishga ixtisoslashgan.
«Qozog‘istonda sodir bo‘lgan voqealar hammamizni jiddiy tashvishga soldi» — Shavkat Mirziyoyev
Shavkat Mirziyoyev Xavfsizlik kengashining kengaytirilgan yig‘ilishida Qozog‘istondagi vaziyatga to‘xtalib o‘tdi. «Biz uchun yaqin qo‘shni va qardosh Qozog‘istonda sodir bo‘lgan voqealar hammamizni jiddiy tashvishga soldi», — dedi u. Prezident qo‘shni mamlakatdagi vaziyat asta-sekin o‘z iziga tushib borayotgani hamda odamlar osoyishta hayotga qaytayotganini ta’kidladi.
O‘zbekiston va Rossiya prezidentlari Markaziy Osiyodagi vaziyatni muhokama qildi
Shavkat Mirziyoyev va Vladimir Putin telefon orqali muloqot davomida O‘zbekiston-Rossiya strategik sheriklik va ittifoqchilik munosabatlaridan tashqari, Qozog‘istonda ro‘y bergan voqealar nuqtai nazaridan Markaziy Osiyodagi vaziyat yuzasidan ham fikr almashdi.
Senat hokimlarning kengash raisi maqomi nima sababdan bekor qilinmaganiga izoh berdi
Senat «Gazeta.uz» ning hokimlarning xalq deputatlari kengashi raisi maqomini bekor qilishga oid hujjat 2,5 yil oldin tayyorlangani, biroq qabul qilinmagani haqidagi maqolasi yuzasidan munosabat bildirdi. Ta’kidlanishicha, «quyi palatada muhokama qilinmagan qonun loyihasi Senatda ham ko‘rib chiqilmagan». «Mahalliy kengashlar mustaqil organ. Senat faqatgina ularning faoliyatini takomillashtirishga ko‘maklashadi, uslubiy yordam ko‘rsatadi», — deyiladi bayonotda.
«Tolibon» samolyotlar qaytarilmasligining oqibatlaridan ogohlantirdi
«Tolibon» O‘zbekiston va Tojikiston rasmiylarini ushbu davlatlarga olib ketilgan afg‘on samolyotlari va vertolyotlarini qaytarishga chaqirdi. Afg‘oniston muvaqqat hukumati mudofaa vaziri v. b. Muhammad Yoqubning aytishicha, agar davlatlar buni qilmasa, «ularni buning oqibatlari kutmoqda».
Endi yer maydonini noqonuniy olib qo‘yishga oid ishlarni Biznes-ombudsman ko‘rib chiqadi
Hozirga qadar jinoyat ishlari bo‘yicha sudlar tomonidan ko‘rib chiqilgan 9 turdagi ma’muriy ish, shu jumladan yer uchastkasini noqonuniy olib qo‘yish, xususiy mulk huquqini buzish, tadbirkorlar faoliyatini tekshirish endilikda Biznes-ombudsman, uning o‘rinbosarlari va vakil devoni bosh inspektorlari tomonidan ko‘rib chiqiladi.
O‘zbekiston mahallalarida 9 mingdan ortiq hokim yordamchilari ish boshladi
10 yanvardan O‘zbekistonning barcha hududlarida 9311 nafar hokim yordamchilari o‘z faoliyatini boshladi. Eng ko‘p hokim yordamchilari Samarqand (1120), Farg‘ona (1055) va Toshkent viloyatlarida (1014) tayinlangan. Hokim yordamchilarining hududlar bo‘yicha taqsimoti.
Toshkent-Chinoz avtomobil yo‘li va poytaxtdagi Temur Malik ko‘chasi ta’mirlanadi
Prezident dushanba kuni Toshkent va Jizzax viloyatlari hamda poytaxtda avtomobil yo‘llarini ta’mirlashga oid loyihalar bilan tanishdi. Unga ko‘ra, «Toshkent-Chinoz» avtomobil yo‘lining 10 km qismini ta’mirlab, 5 dona yerosti o‘tish yo‘lagini bunyod etish, Jizzax shahridagi O‘zbekiston ko‘chasida 210 metrli yo‘l o‘tkazgich barpo etish, qolaversa, Toshkentdagi Temur Malik ko‘chasini 6 tasmali etib qayta qurish rejalashtirilmoqda.
«Hokimlarning kengash raisi maqomini bekor qilish». Hujjat 2,5 yil oldin tayyorlangan, biroq qabul qilinmagan
2019 yilgi Davlat dasturiga ko‘ra, 6 oy ichida hokimlarning xalq deputatlari kengashi raisi maqomini bekor qilishga oid qonun loyihasi ishlab chiqilgan. «Gazeta.uz» ning aniqlashicha, Adliya vazirligi o‘shandayoq loyihani huquqiy ekspertizadan o‘tkazib, ijobiy xulosa bergan. Biroq, hujjatning undan keyingi taqdiri noma’lumligicha qolmoqda. Qonunchilik palatasi ma’lum qilishicha, «hujjat quyi palataga kelib tushmagan, shu sababli muhokama qilinmagan». Senat esa sukut saqlamoqda.
O‘zbekiston va Qozog‘iston prezidentlari yana telefon orqali muloqot qildilar
O‘zbekiston prezidenti Qozog‘iston prezidenti bilan yana telefon orqali muloqot qildi. Ular ikki tomonlama hamkorlik masalalarini muhokama qilib, qo‘shni davlatda tinchlik va barqarorlik tez fursatda qayta tiklanishiga ishonch bildirdilar.
O‘zbekiston prezidenti Qozog‘istonga ta’ziya bildirdi
Prezident Shavkat Mirziyoyev qo‘shni mamlakatdagi fojiali voqealar va ularning natijasida ko‘plab harbiylar va aholi vakillari nobud bo‘lgani hamda ko‘rilgan katta talofatlar munosabati bilan Qozog‘iston xalqi va prezidentiga ta’ziya izhor etdi.
O‘zbekiston va Turkiya prezidentlari Qozog‘istondagi vaziyatni muhokama qildilar
O‘zbekiston va Turkiya prezidentlari telefon orqali muloqotda Qozog‘istondagi vaziyatni tinch yo‘l bilan tartibga solishga chaqirib, zo‘ravonlik va keskinlashuvning oldini olish muhimligini ta’kidladilar.
Qozog‘istondagi ikkihokimlikning intihosi va ODKB debyuti
Tinch namoyishlarning ommaviy tartibsizliklarga aylanishi dialog tuza olmagan jamiyat va hokimiyat o‘rtasida chuqur jarlik mavjudligini anglatadi. Xalqaro munosabatlar sohasi mutaxassisi Yuriy Saruxanyan Qozog‘istondagi siyosiy inqiroz haqida.
Shavkat Mirziyoyev va Emomali Rahmon Qozog‘istondagi vaziyatni muhokama qildi
O‘zbekiston va Tojikiston prezidentlari telefon orqali muloqotda Qozog‘istondagi vaziyatni muhokama qilishdi hamda tomonlarni vazminlikka va vujudga kelgan masalalarni tinch yo‘l bilan hal qilishga chaqirishdi.
O‘zbekistonning Qozog‘istondagi diplomatik vakolatxonalari vatandoshlar bilan doimiy aloqada — TIV
O‘zbekiston TIV Qozog‘istonning Nur-Sultondagi elchixona, Olma-ota va Aqtaudagi Bosh konsulxonalar odatdagi tartibda faoliyat yuritayotgani hamda o‘zbekistonliklar, shu jumladan, talabalar bilan doimiy muloqot o‘rnatilganini ma’lum qildi. Qo‘shni davlatdagi vatandoshlardan joriy etilgan cheklovlarga amal qilish so‘raldi. Nur-Sulton, Olmaota va Aktaudagi diplomatik vakolatxonalarning telefon raqamlari e’lon qilindi.
O‘zbekiston va Qozog‘iston prezidentlari telefon orqali muloqot qildi
Shavkat Mirziyoyev hamkasbi Qasim-Jomart Toqayev bilan telefon orqali muloqot davomida Qozog‘istonning barqarorligi va farovonligini ta’minlash yo‘lidagi sa’y-harakatlarida doimo qo‘llab-quvvatlashini ma’lum qildi.
«Qozog‘iston xalqi yuzaga kelgan muammolarni mustaqil hal qilish uchun yetarli irodaga egaligiga ishonamiz» — O‘zbekiston TIV
O‘zbekiston Qozog‘iston xalqi va rahbariyatining mamlakat barqarorligi hamda ravnaqi yo‘lidagi sa’y-harakatlarini qo‘llab-quvvatlaydi va Qozog‘iston xalqi beqarorlik avj olishining oldini olishga, zo‘ravonlik va insonlar orasida qurbonlar yuzaga kelishiga yo‘l qo‘ymaslikning uddasidan chiqishiga ishonadi, deyiladi TIV bayonotida.
Qo‘shimcha imkoniyatlarga ega bulish uchun saytda ro‘yxatdan o‘ting