Shavkat Mirziyoyev Shvetsiyada Qur’oni karim yoqib yuborilgani haqida gapirib, buni yovuz harakat deb atadi va keskin qoraladi. “Biz radikalizm va ekstremizmning har qanday ko‘rinishlariga, turli millat va xalqlarning diniy qadriyatlariga nisbatan hurmatsizlik ko‘rsatishga mutlaqo qarshimiz”, — dedi u.
O‘zLiDePdan prezidentlikka nomzod Shavkat Mirziyoyev poytaxtga 1200 ta elektrobus olib kelinishi va ularning jamoat transportidagi ulushi 50 foizga yetkazilishini aytdi. “Dizel yoqilg‘isida harakatlanadigan birorta avtobus qolmaydi”, — dedi nomzod.
Mart oyidan buyon kompaniya rahbari vazifasini bajarib kelayotgan Bahodirjon Sidiqov “O‘zbekneftgaz” boshqaruvi raisi etib tayinlandi. Uning o‘rinbosarlari Odil Temirov va Rustam Sherov mas’uliyat sohasi o‘zgartirilgan holda lavozimlariga qayta tayinlandi.
O‘zbekiston prezidenti SHHTning onlayn sammitidagi nutqida konstruktiv va ishonchga asoslangan muloqotni yo‘lga qo‘yishga kuchli ehtiyoj borligini ma’lum qildi. U SHHTning yaxshi qo‘shnichilik, ishonch va transchegaraviy sheriklik kodeksini ishlab chiqish tashabbusini ilgari surdi.
Bahodir Jo‘rayev “Issiqlik elektr stansiyalari” kompaniyasining boshqaruvi raisi etib tayinlandi. Sardor Isaqulov esa uning birinchi o‘rinbosari bo‘ldi.
Fevral oyidagi zilzilalardan katta talafot ko‘rgan Turkiyaning Hatay viloyatida aholiga 57 ta modulli uy topshirildi. Ular O‘zbekiston fuqarolari mablag‘lari hisobidan sotib olingan.
O‘zbekiston prezidenti Shavkat Mirziyoyev 4-iyul kuni SHHTga a’zo davlatlar rahbarlarining videoanjuman shaklidagi majlisida ishtirok etadi. Uchrashuvda iqtisodiy hamkorlik, raqamli transformatsiya, mintaqaviy xavfsizlikni ta’minlash va boshqa ustuvor yo‘nalishlar bo‘yicha qarorlar qabul qilinishi kutilmoqda.
Qozog‘iston O‘zbekiston va Qirg‘iziston bilan Sirdaryo havzasining suv-energetika resurslaridan foydalanish bo‘yicha kelishuvni o‘zgartirmoqchi. Qozog‘iston tomoni O‘zbekistondan kelayotgan ifloslantiruvchi moddalar tufayli daryoning ekologik holati buzilganini bildirdi.
Shavkat Mirziyoyev imzolangan qonun bilan Qozog‘iston bilan chegarani demarkatsiya qilish to‘g‘risidagi shartnoma ratifikatsiya qilindi.
Toshkentda 3−7-iyul kunlari Xalqaro sheriklik tashabbuslari haftaligi bo‘lib o‘tadi. Haftalik doirasidagi 50 dan ziyod konferensiya, davra suhbatlari va amaliy muloqotlarda 60 dan ziyod davlatdan 450 dan ortiq siyosat va jamoat arboblari, yirik biznes vakillari va ekspertlar qatnashadi.
2-iyul kuni soat 18:00 da prezidentlikka nomzodlar vakillarining ikkinchi teledebati bo‘lib o‘tadi. U davlat boshqaruvi tizimi va sud-huquq sohasini rivojlantirishga bag‘ishlanadi.
O‘zbekistonda saylovoldi kampaniyasi nisbatan sust o‘tmoqda, deyiladi YeXHT DIIHB missiyasi oraliq hisobotida. Unda aytilishicha, rasmiylar YeXHTning ilgari bergan ayrim tavsiyalarini inobatga olgan, qolganlarini esa saylovdan keyin ko‘rib chiqishni rejalashtirgan.
O‘zbekiston prezidenti Turkmaniston Xalq maslahati raisi Gurbanguli Berdimuhamedovni 66 yoshi bilan tabrikladi. Mamlakatda uning sharafiga Arqadag‘ shahri ochildi.
Qurbon hayiti munosabati bilan Shavkat Mirziyoyev nomiga xorijiy davlatlar yetakchilari, nufuzli siyosat, jamoat va din arboblari, yetakchi xalqaro va mintaqaviy tashkilotlar rahbarlaridan tabriklar keldi.
Prezident Shavkat Mirziyoyev marhum shayx Muhammad Sodiq Muhammad Yusuf hamda marhum shayx Ziyovuddinxon ibn Eshon Boboxonni “Oliy Darajali Imom Buxoriy” ordeni bilan mukofotlash to‘g‘risidagi farmonlarni imzoladi.
O‘zbekiston prezidenti Shavkat Mirziyoyev mamlakat xalqini Qurbon hayiti bayrami bilan tabrikladi. Shu bilan birga, davlat rahbari dunyoning boshqa hududlaridagi musulmonlarga ham o‘z tabriklarini yo‘llab, ularning mamlakatlari va xalqlariga tinchlik va taraqqiyot tiladi.
Vladimir Putin O‘zbekiston prezidenti Shavkat Mirziyoyev bilan suhbatda unga Rossiyadagi vaziyat haqida gapirib berdi. Rossiya prezidenti Qozog‘iston va Belarus rahbarlari bilan ham qo‘ng‘iroqlashgan. Ukraina prezidenti Vladimir Zelenskiy bo‘layotgan voqealarga munosabat bildirdi.
O‘zbekistonning Rossiyadagi elchixonasi vatandoshlarni Rossiya va Ukrainaning chegaradosh hududlariga sayohat qilmaslik, odamlar gavjum joylarga bormaslik, shuningdek, “Rossiya hududida amaldagi jamoat xavfsizligi qoidalariga qat’iy amal qilish”ga chaqirdi.
O‘zLiDePdan prezidentlikka nomzod Shavkat Mirziyoyev Qashqadaryodagi saylovchilar bilan uchrashuvda xorijda mehnat qilayotgan o‘zbekistonliklarni “qahramon” deb atadi. Saylovoldi dasturidan og‘ir ahvoldagi migrantlarning xarajati qoplab berilishi, huquqiy va Call-markazlar tashkil etilishi va boshqalar o‘rin olgan.
O‘zbekiston va Qozog‘iston o‘rtasidagi uzunligi 2 356 kilometrdan ortiq chegarani demarkatsiya qilish to‘g‘risidagi shartnomani ratifikatsiya qilish haqida qonun senatorlar tomonidan ma’qullandi.
Qo‘shimcha imkoniyatlarga ega bulish uchun saytda ro‘yxatdan o‘ting