Siyosat
O‘zbekiston chegarada tinchlikni saqlash bo‘yicha «Tolibon» vakillari bilan yaqin aloqada bo‘lib turibdi — TIV
TIV Afg‘onistondagi vaziyat bo‘yicha bayonotida, O‘zbekiston «qo‘shni davlatning ichki ishlariga aralashmaslik tamoyillariga sodiqligini» qat’iy bildirdi. Shuningdek, O‘zbekiston tomoni chegara himoyasini ta’minlash va chegara hududida tinchlikni saqlash masalalari bo‘yicha «Tolibon» harakati vakillari bilan yaqin aloqada bo‘lib turganini ma’lum qilindi. Mamlakatning Kobul va Mozori Sharifdagi diplomatik vakolatxonalari odatdagi tartibda ishlamoqda.
«Joylarda faqat mening tashrifim oldidan haqiqiy holatni bo‘yab ko‘rsatishdek xo‘jako‘rsin ishlar davom etmoqda» — prezident
Shavkat Mirziyoyevning ta’kidlashicha, hududlarga tashrif chog‘ida «marshrut»ni o‘zgartirish joylardagi rahbarlarni bo‘shashmasdan, doimo ishchan holatda turishga o‘rgatadi. Davlat rahbarining qayd etishicha, uning ogohlantirishiga qaramasdan, joylarda faqat prezidentning tashrifi oldidan ko‘cha va maydonlarni tozalash ishlari davom etmoqda.
«Korrupsionerlar besh oyda 450 mlrd so‘m zarar yetkazgan» — Shavkat Mirziyoyev
Prezident Shavkat Mirziyoyev o‘tgan 2020 yilda turli darajadagi mansabdorlar tomonidan 500 mlrd so‘m miqdorida zarar yetkazilganini ma’lum qildi. Uning so‘zlariga ko‘ra, 2021 yilning besh oyida esa 1696 nafar mansabdorga nisbatan jinoiy ish ochilib, yetkazilgan zarar 450 mlrd so‘mni tashkil etmoqda.
«Toshkent va yirik shaharlarda yangi qurilishlar shahar tashqarisida amalga oshiriladi» — prezident
Prezident Shavkat Mirziyoyev endilikda poytaxt va yirik shaharlardagi yangi qurilishlar shahar tashqarisida amalga oshirilishi haqida ma’lum qildi. Shuningdek, davlat rahbari daraxtlar kesilishi masalasiga to‘xtalib, «yashil hududlarni kamaytirish holatlari tufayli turarjoy mavzelarida odamlar sayr qiladigan joylar qolmayotganini» ta’kidladi.
Bosh prokuratura Afg‘oniston harbiylari haqidagi xabarni tasdiqlanmagan deb atadi
Bosh prokuratura o‘zining Telegram kanalidan Afg‘onistonning harbiy samolyot va vertolyotlari O‘zbekiston chegarasini kesib o‘tganligi to‘g‘risidagi xabarni oxirigacha tasdiqlanmaganligi sababli o‘chirib tashladi.
Prezident Turkiyaga suv toshqinlari munosabati bilan hamdardlik bildirdi
Prezident Shavkat Mirziyoyev Turkiya prezidenti Rejep Tayyip Erdog‘anga ushbu mamlakatda ro‘y bergan halokatli suv toshqinlar oqibatida ko‘plab insonlar qurbon bo‘lgani munosabati bilan hamdardlik bildirdi.
Prezident Usmonxon Alimov oilasiga hamdardlik bildirdi
Shavkat Mirziyoyev 71 yoshida olamdan o‘tgan muftiy Usmonxon Alimovning xonadoniga tashrif buyurib, uning yaqinlariga ta’ziya izxor etdi. «Hammamiz uchun katta yo‘qotish bo‘ldi. Ulug‘ inson edilar», — dedi prezident.
Ertaga “Yangi O‘zbekiston” gazetasida Shavkat Mirziyoyevning intervyusi chop etiladi
Prezident Shavkat Mirziyoyevning mahalliy ommaviy axborot vositalariga bergan birinchi intervyusi 17 avgust kuni “Yangi O‘zbekiston” gazetasida e’lon qilinadi.
Prezident Usmonxon Alimov vafoti munosabati bilan hamdardlik bildirdi
O‘zbekiston prezidenti muftiy Usmonxon Alimov vafoti munosabati bilan ta’ziya izxor etdi. «Kamtarin va samimiy inson Usmonxon Alimovning yorqin xotirasi qalblarimizda hamisha saqlanib qoladi», — deyiladi xabarda.
Shavkat Mirziyoyev va Vladimir Putin Afg‘onistondagi vaziyatni muhokama qildilar
O‘zbekiston va Rossiya prezidentlari telefon orqali muloqotda Afg‘onistondagi vaziyatning rivojlanish tafsilotlarini muhokama qildilar.
O‘zbekistonning Kobuldagi elchixonasi va Mozori Sharifdagi konsulligi faoliyatini davom ettirmoqda — TIV
O‘zbekistonning Kobuldagi elchixonasi va Mozori Sharifdagi konsulligi faoliyatini davom ettirmoqda hamda xodimlar hali evakuatsiya qilingani yo‘q. “Termiz-Hayraton” ko‘prigi atrofidagi vaziyat esa butunlay barqarorlashgan.
Termiz-Hayraton ko‘prigi hududida vaziyat yumshadi — TIV
O‘zbekiston Tashqi ishlar vazirligi Termiz-Hayraton ko‘prigi hududida vaziyat yumshaganini ma’lum qildi. Ko‘prikning Afg‘oniston qismida to‘plangan Afg‘oniston fuqarolarining asosiy qismi ko‘prikni va unga tutash hududni mustaqil ravishda tark etgan.
O‘zbekiston 84 nafar afg‘on harbiy xizmatchisi, jumladan yaradorlarni qabul qildi — TIV
O‘zbekiston davlat chegarasini kesib o‘tgan 84 nafar Afg‘oniston harbiy xizmatchisiga tibbiy yordam va vaqtinchalik boshpana taqdim etdi. TIV afg‘on fuqarolarini vataniga qaytarish hamda Termiz-Hayraton ko‘prigi hududidagi vaziyatni yumshatish uchun afg‘on tomoni bilan muzokaralar olib bormoqda.
MSK 5 ta partiyaga saylovda ishtirok etishga ruxsat berdi
Shanba kuni Markaziy saylov komissiyasi beshta siyosiy partiya — Ekologik partiya, XDP, O‘zLiDeP, “Milliy tiklanish” va “Adolat” partiyalariga oktyabrdagi prezident saylovida qatnashishga ijozat berdi. Ular 9 sentyabrga qadar o‘z nomzodini ro‘yxatdan o‘tkazishi mumkin.
«Musobaqalarda tanish-bilishchilikka chek qo‘yish uchun onlayn platforma yaratiladi» — Aziz Abduhakimov
Prezident olimpiadachilar bilan juma kungi uchrashuvda sport musobaqalaridagi tanish-bilishchilik holatlariga chek qo‘yish kerakligini ta’kidladi. Bosh vazir o‘rinbosari, turizm va sport vaziri Aziz Abduhakimov tanish-bilishchilikni yo‘qotish uchun onlayn platforma ishlab chiqilishini ma’lum qildi. «Ertaga kimdir o‘zidan-o‘zi, hech qayerda yutmasdan xalqaro turnirlarda yoki respublika musobaqalarida ishtirok eta olmaydi», — dedi u.
Prezident «Yangi O‘zbekiston» bog‘i qurilishini ko‘zdan kechirdi
Shavkat Mirziyoyev sentyabrda ochilishi rejalashtirilayotgan «Yangi O‘zbekiston» bog‘i qurilishini ko‘zda kechirib, «Istiqlol» majmuasi bilan tanishdi.
13 avgust kuni O‘zbekistonda sodir bo‘lgan eng muhim xabarlar dayjesti
Prezidentning olimpiada ishtirokchilari bilan uchrashuvi, Oqqo‘rg‘onda bolalar bog‘chasi tarbiyalanuvchilari zaharlanishi, O‘zbekistonga yuborilayotgan 276 mingdan ortiq AstraZeneca vaksinasi — “Gazeta.uz"ning 13 avgustdagi eng muhim xabarlari dayjestida.
«Parij Olimpiadasiga tayyorgarlikni shu bugundan boshlashimiz kerak» — prezident
Shavkat Mirziyoyev navbatdagi olimpiadada jamoaviy sport turlari bo‘yicha ham yo‘llanmalarni qo‘lga kiritish asosiy maqsad bo‘lishi zarurligini ta’kidladi. «Agar kimdir, bundan keyin ham oldingi Olimpiya o‘yinlarida bo‘lgani kabi, faqat yakkakurash sport turlari hisobidan yutuqlarga erishamiz, deb o‘ylasa, adashadi», — dedi prezident.
«Jinoyat kodeksiga „Kelajakka xiyonat“ bobini qo‘shish kerak» — Alisher Qodirov
«Milliy tiklanish» partiyasi rahbari Alisher Qodirov Oqqo‘rg‘onda bolalar bog‘chasi tarbiyalanuvchilarining zaharlanishi holati yuzasidan munosabat bildirdi. Deputat Jinoyat kodeksiga bolalar bog‘chasi, maktab va oliygohlarda «vazifasiga xiyonat qilayotganlar, bolalarning xaqqi va vaqtini o‘g‘rilayotganlarga» nisbatan choralar belgilanishini taklif qildi.
Navoiyda gaz quyish shoxobchasidagi portlashda to‘rt kishi jarohatlandi
Navoiydagi gaz quyish shoxobchasida yuk avtomobiliga o‘rnatilgan gaz balloni portladi. Natijada to‘rt kishi jarohatlandi.
Eng ko‘p o‘qilgan xabarlar | So‘nggi yangiliklar
- “Bog‘lar, xuddi demokratiya kabi, rivojlantirilishi va himoya qilinishi kerak” — AQSh elchisi
- “Qambarota GES-1 O‘zbekiston uchun strategik ahamiyatga ega” — Abdulla Aripov
- O‘zbekiston TIV Braziliya va Xitoydagi suv toshqinlari yuzasidan hamdardlik yo‘lladi
- O‘zbekiston Jibuti bilan diplomatik munosabatlar o‘rnatdi
Qo‘shimcha imkoniyatlarga ega bulish uchun saytda ro‘yxatdan o‘ting