Toshkentdagi sobiq MXX binosini buzish boshlandi — foto
Toshkent markazida sobiq Milliy xavfsizlik xizmati (avvalgi DXQ) binosini buzish boshlandi. Bino 2021-yilda Metropol Group tomonidan sotib olingan. 2023-yilda uning o‘rnida 22 qavatli premium toifadagi Radisson mehmonxonasi qurilishi ma’lum bo‘lgan. Fotoreportaj.
Toshkent viloyatidagi YTH oqibatida 2 kishi vafot etdi, 20 kishi jarohat oldi
Toshkent viloyatidan o‘tuvchi Nurafshon-Ohangaron yo‘lida Damas va Istana avtobusi to‘qnashdi. Oqibatda 23 va 34 yoshli fuqarolar vafot etdi, yana 20 kishi jarohat oldi.
2023−2024 o‘quv yili uchun OTMlarga qabul kvotasi tasdiqlandi
Davlat oliy ta’lim muassasalarining bakalavriat va magistratura bo‘yicha davlat buyurtmasi va to‘lov-kontrakt asosida o‘qishga qabul qilish kvotalari tasdiqlandi.
Yil oxirigacha O‘zbekistonga 10 mln xorijiy sayyoh kelishi kutilmoqda — Ozodbek Nazarbekov
O‘zbekiston madaniyat va turizm vaziri Ozodbek Nazarbekov yil oxirigacha mamlakatga 10 mln xorijiy sayyohning kelishi, 20 mln mahalliy aholi sayohatlari tashkil etilishini ma’lum qildi. Uning so‘zlariga ko‘ra, 2 mlrd dollar miqdorida turizm xizmatlari eksporti amalga oshiriladi.
“Issiqlik elektr stansiyalari”ga yangi rahbar tayinlandi
Bahodir Jo‘rayev “Issiqlik elektr stansiyalari” kompaniyasining boshqaruvi raisi etib tayinlandi. Sardor Isaqulov esa uning birinchi o‘rinbosari bo‘ldi.
OTMlarga o‘qishni ko‘chirish bo‘yicha o‘tish ballari tasdiqlandi
Oliy ta’lim, fan va innovatsiyalar vazirligi 2023/2024-o‘quv yilida davlat oliy ta’lim muassasalariga o‘qishni ko‘chirish uchun o‘tish ballari tasdiqlandi.
So‘nggi 6 yillik baholar OTMlarga 2023-yilgi qabulda inobatga olinmaydi — Bilimni baholash agentligi
2023−2024 o‘quv yilidan bitiruvchilarning so‘nggi 6 yillik baholari o‘rtacha ko‘rsatkichi OTMga kirish imtihonlarida inobatga olinishi kerak edi. Bilimni baholash agentligi ushbu tartib 2 yilga kechiktirilganini ma’lum qildi.
O‘zbekistonda abituriyentlarga imtihondan so‘ng universitet va o‘qish shaklini tanlashga ruxsat beriladi
2024/2025 o‘quv yilidan OTMga kirish imtihonlari “avval test, so‘ng tanlov” tamoyili asosida tashkil etiladi. Bunda abituriyentlarga to‘plagan balidan kelib chiqib, ta’lim muassasasi, ta’lim yo‘nalishi va shaklini tanlash imkoniyati yaratiladi. Shuningdek, akademik litseylarga qabulda yozma imtihon bekor qilinadi.
TMZ bankrotlik xavfi ostida qoldi. Kipr ofshor kompaniyalari davlatni yo‘qotishlar va kreditlar bilan qoldirib, loyihani tark etdi
Kiprlik ta’sischilar, jumladan, Alisher Usmonovga aloqador “Metalloinvest” kompaniyasiga tegishli korxona “harakatsizligi” tufayli Toshkent metallurgiya kombinati bankrot bo‘lish xavfi ostida qoldi. Sud ularni loyihadan chetlashtirildi, biroq korxona 916,9 mlrd so‘m zarar va 179,7 mln yevro kredit bilan qoldi.
Iyunda 6,1 mlrd so‘mlik elektrdan noqonuniy foydalanilgani aniqlandi
O‘zbekistonda iyun oyida 265 ta holatda 6,1 mlrd so‘mlik elektr energiyasidan noqonuniy foydalanish holatlari aniqlandi. Taqqoslash uchun, may oyida 20,6 mlrd so‘mlik 135 ta holat aniqlangan.
Samarqandda biolaboratoriya hududidan erkak jasadi topildi
Ishtixon tumanidagi biolaboratoriya hududidan erkak jasadi topildi. Bosh prokuraturaning ma’lum qilishicha, marhum mast holatda boshqa bir erkak bilan janjallashgani oqibatida vafot etgan.
Banklarda dollarning sotuv kursi 11 570−11 595 so‘m etib belgilandi
Tijorat banklari 4-iyul kuni aholidan 1 AQSh dollarini 11 475−11 530 so‘mdan sotib olmoqda, sotuv kursi esa 11 570−11 595 so‘m.
Zilziladan jabr ko‘rgan Hatay aholisiga O‘zbekiston fuqarolari mablag‘lari hisobidan modulli uylar topshirildi
Fevral oyidagi zilzilalardan katta talafot ko‘rgan Turkiyaning Hatay viloyatida aholiga 57 ta modulli uy topshirildi. Ular O‘zbekiston fuqarolari mablag‘lari hisobidan sotib olingan.
O‘zbekistonning 4 ta viloyatida sel-suv toshqini xavfi e’lon qilindi
5−7-iyul kunlari kutilayotgan yomg‘irlar yog‘ishi sababli Toshkent, Namangan, Farg‘ona va Andijon viloyatlarida sel-suv toshqini hodisalari yuzaga kelishi mumkin.
“Raqobat to‘g‘risida”gi qonun yangi tahrirda qabul qilindi
“Raqobat to‘g‘risida”gi qonunning yangi tahriri bilan raqobat to‘g‘risidagi qonunchilik hujjatlarini buzganlik uchun ma’muriy javobgarlik choralari kuchaytirildi. Qonunga bir qator yangi, jumladan, monopoliyaga qarshi komplayens tushunchasi kiritildi.
3-iyul kuni O‘zbekistonda sodir bo‘lgan eng muhim voqealar dayjesti
Xususiylashmaydigan “Sijjak” va “Chotqol” dam olish maskanlari, velosipedchilar ishtirokida yana ikkita YTH, Toshkentda mashina olib qochgan shaxsni to‘xtatish uchun o‘qotar qurol ishlatilgani, hokimlarni qo‘shib yozganlik uchun tanqid qilgan Shuhrat G‘aniyev, salqin hafta va boshqalar — “Gazeta.uz”ning kun dayjestida.
Toshkentda velosipedchilar ishtirokida yana ikkita YTH sodir bo‘ldi
Dam olish kunlari Toshkentda velosipedchilar ishtirokida yana ikkita YTH sodir bo‘ldi. Bu haqda jabrlanuvchilar “Gazeta.uz”ga ma’lum qilishdi. Ikkala holatda ham haydovchilar IIO xodimlari bo‘lgan.
Shavkat Mirziyoyev SHHT sammitida ishtirok etadi
O‘zbekiston prezidenti Shavkat Mirziyoyev 4-iyul kuni SHHTga a’zo davlatlar rahbarlarining videoanjuman shaklidagi majlisida ishtirok etadi. Uchrashuvda iqtisodiy hamkorlik, raqamli transformatsiya, mintaqaviy xavfsizlikni ta’minlash va boshqa ustuvor yo‘nalishlar bo‘yicha qarorlar qabul qilinishi kutilmoqda.
Yangi Zelandiya dunyoda birinchi bo‘lib do‘konlarda yupqa plastik xaltalarni taqiqladi
Yangi Zelandiya hukumati iyuldan supermarketlarda har qanday polietilen xaltalar, jumladan meva va sabzavotlar uchun mo‘ljallangan yupqa paketlardan foydalanishni taqiqladi.
Fransiyada politsiya o‘smir yigitni otib o‘ldirganidan keyingi noroziliklar davom etmoqda. Asosiy voqealar
Fransiyada politsiyachi tomonidan arab millatiga mansub o‘smirning otib o‘ldirilishi tufayli yuzaga kelgan ommaviy norozilik namoyishlari va pogromlar to‘xtayotgani yo‘q. Mamlakat bo‘ylab 2000 dan ortiq odam hibsga olingan, rasmiylar tartibni saqlash uchun 40 mingdan ortiq politsiyachini safarbar qilgan.
Qo‘shimcha imkoniyatlarga ega bulish uchun saytda ro‘yxatdan o‘ting