Toshkentdan Xivaga qo‘shimcha poyezd qatnovlari yo‘lga qo‘yildi
Toshkent−Xiva−Toshkent yo‘nalishida 7−10-iyul kunlari qo‘shimcha poyezd qatnovlari yo‘lga qo‘yildi.
Banklar dollarning sotuv kursini 11 560−11 600 so‘m etib belgiladi
Tijorat banklari 6-iyul kuni aholidan 1 AQSh dollarini 11 475−11 530 so‘mdan sotib olmoqda, sotuv kursi esa 11 560−11 600 so‘m.
Toshkentdagi 3 ta avtobus yo‘nalishiga YUTONG CNG rusumli transportlar qo‘yildi
Payshanba kunidan boshlab Toshkent shahridagi 130-sonli avtobus yo‘nalishida YUTONG CNG rusumli avtobuslar harakatlanadi. Shu turdagi avtobuslar qo‘shimcha tarzda 99 va 146-avtobus yo‘nalishlariga ham biriktiriladi.
Urganch shahrining sobiq hokimi 3 yilga ozodlikdan mahrum qilindi
Urganch shahrining sobiq hokimi Shuhrat Abdullayev mansab soxtakorligi va yer berish tartibini buzish bilan aybdor deb topilib, 3 yilga ozodlikdan mahrum qilindi.
Toshkentni tutun va kuyindi hidi qamrab oldi
Chorshanba oqshomida Toshkentni tutun va kuchli kuyindi hidi qamrab oldi. Rasmiylar hozircha vaziyatga izoh bergani yo‘q. Aholining taxminicha, tutun shahar tashqarisidagi dalalardan bostirib kelmoqda.
BMT: Belarusda inson huquqlari bilan bog‘liq vaziyat “halokatli darajada”
BMT ma’lumotlariga ko‘ra, Belarusda inson huquqlari bilan bog‘liq “halokatli” vaziyat yuzaga kelgan va jazosizlik tufayli mamlakatda “qo‘rquv muhiti” hukm surmoqda. 1500 dan ortiq odam siyosiy ayblovlar bilan hibsda saqlanmoqda.
5-iyul kuni O‘zbekistonda sodir bo‘lgan eng muhim xabarlar dayjesti
Urushni qo‘llovchi rus san’atkorlarining O‘zbekistondagi konsertlari haqida gapirgan Ukraina elchixonasi, Shvetsiyada Qur’on yoqib yuborilganini yovuz harakat deb atagan Shavkat Mirziyoyev, banklarda omonatlar hajmi kamaygani, shakarning chakana narxi pasaygani va boshqalar — “Gazeta.uz”ning kun dayjestida.
Toshkentdagi “Bunyodkor” stadioni yaqinida 200 mln dollarlik biznes markazi quriladi
Prezident “Bunyodkor” stadionining 5,5 gektar maydondagi avtoturargohi o‘rnida kamida 200 mln dollarlik biznes markazi qurish loyihasini tasdiqladi. Markaz tarkibida savdo markazi, mehmonxona, biznes markaz, IT-markaz, ko‘p qavatli avtoturargoh va turar-joy majmuasi bo‘ladi.
Ucell va CRPT Turon egasi o‘zining yuridik nomi va ta’sischilarini o‘zgartirdi
Ucell va O‘zbekistondagi boshqa kompaniyalarga egalik qiluvchi Digital Holding QK RFning Digital Invest asoschisiga sanksiyalar joriy qilinganidan so‘ng nomini Digital Olding`ga o‘zgartirdi. Shuningdek, yangi ta’sischi paydo bo‘ldi. Buning natijasida Digital Invest endilikda QK nazorat paketiga egalik qilmaydi.
Toshkent viloyatida yana somonpoya qoldiqlari yoqib yuborildi
Piskent tumanida 9,2 gektar g‘alladan bo‘shagan yerda somonpoya qoldiqlari yoqib yuborildi, tabiatga 17,4 mln so‘m zarar yetgan. Avvalroq Chinoz tumanida ham somonpoya qoldiqlari yoqilgani ortidan daraxtlar shikastlangan, o‘simlik dunyosi va tuproq unumdorligiga zarar yetgandi.
Shavkat Mirziyoyev Toshkent shahrini obodonlashtirish bo‘yicha 7 yillik rejani taqdim etdi
Shavkat Mirziyoyev Toshkentda bo‘lib o‘tgan saylovoldi yig‘ilishida 2030-yilga borib poytaxtdagi yashil hududlar maydoni 5 barobarga ko‘payishini ta’kidladi. 100 kilometr uzunlikdagi veloyo‘laklar, saylgohlar, bog‘ va xiyobonlar qurish ham rejalashtirilgan.
“Yashil makon” loyihasida 2 milliondan ortiq ko‘chat ekildi deb hisobotga qo‘shib yozilgan — Aziz Abduhakimov
Aziz Abduhakimovning ma’lum qilishicha, “Yashil makon” loyihasi doirasida ekilishi kerak bo‘lgan 2 milliondan ortiq ko‘chat ekildi deb hisobotga qo‘shib yozilgan. Shuningdek, sug‘orish tizimlari mavjud bo‘lmagan hududlarga 7,3 million tup ko‘chat ekilishiga yo‘l qo‘yilgan.
“Yangiariq” poligonida qozog‘istonlik harbiylar ishtirokidagi o‘quv kursi yakunlandi
Qozog‘istonlik harbiy mutaxassislar Xorazm viloyatidagi “Yangiariq” umumqo‘shin poligoni bazasida joylashgan o‘quv markazida tajriba almashdi. Ikki davlat harbiylari suvli to‘siqlardan o‘tish, jangovar qurollarni qo‘llash, yaradorlarni jang maydonidan olib chiqish, tibbiy yordam ko‘rsatish kabilarni mashq qildi.
Niderlandiyada o‘quvchilarga dars vaqtida smartfondan foydalanish taqiqlanmoqda
Kelgusi yilning yanvar oyidan Niderlandiyada o‘quvchilarga darsda mobil qurilmalardan foydalanish taqiqlanadi. Qaror gadjetlarning bolalar faoliyatiga salbiy ta’siri tufayli qabul qilindi.
Ichki bozorlarda shakarning chakana narxi yil boshiga nisbatan 10 foizga pasaydi — Raqobat qo‘mitasi
O‘zbekistonda shakarning chakana narxi ichki bozorlarda yil boshiga nisbatan 10 foizga arzonlashdi. Yanvar-iyun oylarida birja savdolariga jami 336,7 ming tonna shakar qo‘yilib, uning 83 foizi sotilgan.
Ukraina elchixonasi — urushni qo‘llab-quvvatlovchi rus san’atkorlarining O‘zbekistondagi konsertlari haqida
Ukrainaning O‘zbekistondagi elchixonasi madaniyat vaziri o‘rinbosari Bahodir Ahmedovning Grigoriy Lepsning konserti haqidagi intervyusi bo‘yicha bayonot berdi. Diplomatik missiya bunday gastrollarni qo‘llab-quvvatlash O‘zbekiston imijiga tahdid ekanini ta’kidlab, qarshi chiqqan faollarga minnatdorlik bildirdi.
Yil boshidan buyon banklardagi omonatlar hajmi 12 trln so‘mga kamaydi
O‘zbekiston tijorat banklarida yil boshidan buyon depozitlar qoldig‘i 216,7 trln so‘mdan 204,7 trln so‘mgacha kamaydi. Aprel oyidagi ko‘rsatkichda o‘sish kuzatilganiga qaramay, may oyida omonatlar qoldig‘i yana kamaygan.
Navoiyda “Yashil makon” doirasida ekilgan daraxtlarni o‘z holiga tashlab qo‘ygan 36 nafar mas’ul jazolandi
Navoiy viloyatida “Yashil makon” umummilliy loyihasi doirasida ekilgan ko‘chatlarni yaxshi parvarish qilmagan 10 ta tuman va shahardagi 36 nafar mas’ul shaxs 118,5 mln so‘m jarimaga tortildi.
Shavkat Mirziyoyev Shvetsiyada Qur’on yoqib yuborilganini yovuz harakat deb atadi
Shavkat Mirziyoyev Shvetsiyada Qur’oni karim yoqib yuborilgani haqida gapirib, buni yovuz harakat deb atadi va keskin qoraladi. “Biz radikalizm va ekstremizmning har qanday ko‘rinishlariga, turli millat va xalqlarning diniy qadriyatlariga nisbatan hurmatsizlik ko‘rsatishga mutlaqo qarshimiz”, — dedi u.
“Poytaxtda dizel yoqilg‘isida harakatlanadigan birorta avtobus qolmaydi” — Shavkat Mirziyoyev
O‘zLiDePdan prezidentlikka nomzod Shavkat Mirziyoyev poytaxtga 1200 ta elektrobus olib kelinishi va ularning jamoat transportidagi ulushi 50 foizga yetkazilishini aytdi. “Dizel yoqilg‘isida harakatlanadigan birorta avtobus qolmaydi”, — dedi nomzod.
Qo‘shimcha imkoniyatlarga ega bulish uchun saytda ro‘yxatdan o‘ting