“Bu boshlanishi”. Qibrayda yoppasiga bo‘shatilgan rahbarlarning o‘rniga 47 ta tayinlov amalga oshirildi
Toshkent viloyati hokimi Zoyir Mirzayev yoppasiga ishdan olgan Qibray tumanidagi rahbarlar o‘rniga 47 nafar yangi rahbar tayinlandi. “Hech kimga amal nikohlab berilmagan”, deya ta’kidlagan hokim “yangi kadrlarga o‘zi kafil bo‘lishi”ni aytdi.
15 kunda 3 nafar shaxs poyezd yo‘liga o‘zboshimchalik bilan tushgan — Toshkent metropoliteni
Toshkentda oxirgi 15 kunda metro poyezdi yo‘liga yo‘lovchilar shaxsiy buyumlarini olish uchun uch marotaba o‘zboshimchalik bilan tushgan. Metropoliten yo‘lovchilarni u yerdagi katta kuchlanishli elektr tokidan ogohlantirib, buyumlar tushib ketgan vaqtda xodimlarga murojaat qilishni so‘radi.
BMTning Loyiha xizmatlari boshqarmasi (YUNOPS) O‘zbekistonda o‘z vakolatxonasini ochadi
BMTning Loyiha xizmatlari bo‘yicha boshqarmasi (YUNOPS) O‘zbekiston bilan bitim imzoladi. Hamkorlik sifatli tibbiy xizmatdan foydalanish imkoniyatlarini kengaytirish, epidemiyaga tayyorgarlik darajasini oshirish va mamlakat ta’lim infratuzilmasini yaxshilash yo‘nalishlarini o‘z ichiga oladi.
Poytaxtning 3 ta tumanidagi ayrim hududlarda gaz o‘chiriladi
Toshkentning Mirobod, Chilonzor va Uchtepa tumanlaridagi ayrim mahalla va ko‘chalarda 22-sentabr kuni gaz ta’minoti to‘xtatiladi.
Prezident aytgan “svetoforsiz estakadalar” qanday bo‘ladi? Transport vaziri tushuntirdi
Prezidentning “svetoforsiz estakadalar” qurilishi bo‘yicha ta’kidi savollar keltirib chiqardi. Transport vaziri Ilhom Mahkamov “Gazeta.uz”ga gap shaharlar emas, balki viloyatlararo magistral yo‘llar haqida ketayotganini ma’lum qildi. Yo‘l o‘tkazgichlar qayerda qurilishi kerakligi bo‘yicha mezonlar qabul qilinadi.
Namangan viloyatining Chust tumanida 70 dan ortiq bola zaharlandi
Namangan viloyati Chust tumanidagi 9 ta bolalar bog‘chasi tarbiyalanuvchilari va 2 ta maktab o‘quvchilari — 70 dan ortiq bola zaharlanish bilan kasalxonaga yotqizildi. Rasmiy idoralar ular aynan nimadan zaharlanganiga aniqlik kiritmadi. Ijtimoiy tarmoqlarda bu yod preparatidan bo‘lishi mumkinligi yozilmoqda.
Qozog‘istonda Rossiyaning “xorijiy agentlar” reyestri muqobili paydo bo‘ldi
Qozog‘iston hukumati Rossiyaning “xorijiy agentlar” reyestri muqobili — xorijdan mablag‘ oluvchi shaxslar va tashkilotlar ro‘yxatini e’lon qildi. Unga jurnalistlar, OAV, huquqni himoya qiluvchi tashkilotlar va xorijiy kompaniyalarn vakolatxonalari kirdi. Reyestrdagilar uchun hech qanday cheklovlar qo‘yilmaydi.
O‘zbekistonliklar “Avtomobilsiz kun” aksiyasiga qo‘shilishga chorlandi
22-sentabr — Butunjahon avtomobilsiz kuni. O‘zbekistonda bu sana 2021-yildan buyon nishonlanmoqda. YHXX, Transport hamda Ekologiya vazirliklari shu kuni aholini shaxsiy avtomobil o‘rniga jamoat transporti, velosipeddan foydalanish yoki piyoda yurishni tanlashga chaqirdi.
Qirg‘izistonda barcha xorijiy filmlar qirg‘izcha subtitrlar bilan namoyish etiladi
Qirg‘iziston kinoteatrlarida namoyish etilayotgan barcha xorijiy filmlar 2024-yildan qirg‘izcha subtitrlar bilan namoyish etiladi. Bu chet el filmlarini qirg‘iz tiliga dublyaj qilish masalasidagi “birinchi qadam” bo‘lishi ta’kidlandi.
21-sentabr kuni O‘zbekistonda sodir bo‘lgan eng muhim voqealar dayjesti
Inkuzart`dan suvni o‘ylamay sarflashga bag‘ishlangan yangi rasm, jamoatchilik tanqidiga uchragan deputatlar, 7 yashar qizga tegingani uchun 18 yilga qamalgan erkak, Toshkentda ofis ochadigan Visa kompaniyasi, investitsiya jalb etishda yordamladigan Jahon banki kengashi va boshqalar — “Gazeta.uz"ning kun dayjestida.
Samolyot bortida tartibni buzgan rossiyalik Toshkent aeroportida jarimaga tortildi
Sankt-Peterburgdan Toshkentga uchayotgan va mast holda samolyot yo‘lovchilariga xalal berib, ulardan birini haqorat qilgan shaxs Toshkent aeroportida qo‘lga olindi. U jarimaga tortildi.
Bojxonachilar O‘zbekistonga qariyb 13 mlrd so‘mlik sigaretlar olib kirilishining oldini oldi
Surxondaryodagi “Boldir” bojxona postida Turkmanistondan kelayotgan poyezd vagonlaridan birini ko‘zdan kechirish chog‘ida 12,7 mlrd so‘mlik 851 ming quti aksiz markasiz sigaretlar aniqlandi.
Turkiya Markaziy banki asosiy stavkani 30 foizgacha oshirdi
Turkiya Markaziy banki asosiy stavkani 500 bazis punktga — 30 foizgacha oshirdi. Bu regulyatorga yangi rahbar tayinlaganidan beri asosiy stavkaning to‘rtinchi marta oshirilishi hisoblanadi. Mamlakatda iyul-avgust oylarida inflyatsiya ko‘rsatkichlari kutilganidan yuqori bo‘lgan.
Eronda endi islomiy kiyinish qoidalarini buzgan ayollar 10 yilgacha qamalishi mumkin
Eron parlamenti “Hijob va iffat to‘g‘risida”gi qonunni ma’qulladi, unga ko‘ra ayollar islomiy kiyinish qoidalariga rioya qilmaganliklari uchun 10 yilgacha qamoq jazosiga hukm qilinishi mumkin. BMT ushbu qonunni “gender aparteidining bir shakli” deb atadi.
15 turdagi asbob-uskunalar bojxona boji va QQSdan ozod etildi
Vazirlar Mahkamasi qarori bilan O‘zbekistonga import qilishda bojxona boji va qo‘shilgan qiymat solig‘idan ozod etiladigan, o‘xshashi respublikada ishlab chiqarilmaydigan texnologik asbob-uskunalar ro‘yxati kengaytirildi. Unga minora kranlari, o‘zgaruvchan tok generatorlari va boshqalar kiritildi.
Samarqandda 3 kunlik chaqalog‘ini 50 mln so‘mga sotmoqchi bo‘lgan ayol qamaldi
Oqdaryo tumanida ayol bir yigitdan homilador bo‘lib, buni yaqinlaridan yashirish maqsadida tug‘ilajak farzandini 50 mln so‘mga sotib yubormoqchi bo‘ldi. Sud unga nisbatan 5 yilu 6 oy muddatga ozodlikdan mahrum qilish jazosini tayinladi.
JIDUning maksimal ball to‘plab, kontraktga o‘qishga kirgan 5 talabasi prezident grantida o‘qiydi
“Temurbeklar maktabi” imtiyozi sababli Jahon iqtisodiyoti va diplomatiya universitetiga 189 ball to‘plab, kontraktga o‘qishga kirgan 5 talaba prezident grantida o‘qiydi. Yana bir shunday talabaning ham muammosi hal qilingan. “Temurbeklar maktabi” kvotalarini esa alohidalashtirish ishlari olib borilmoqda.
Visa kompaniyasi Toshkentda o‘z ofisini ochdi
Markaziy Osiyoda 30 yildan ortiq faoliyat yuritayotgan Visa raqamli to‘lovlar kompaniyasi Toshkentda o‘z ofisini ochdi. Kompaniya rahbarlari mazkur yangilik mamlakatda barcha moliya institutlari va savdo hamda xizmat ko‘rsatish korxonalari uchun yordamning kuchayishini qayd etdi.
Qarshi shahri hokimining o‘zini 75 mln so‘m bilan rag‘batlantirish bo‘yicha qarori bekor qilindi
Qarshi shahri hokimi Normo‘min Xolboyev o‘zini uning sektori “Eng tashabbuskor sektor” deb e’tirof etilgani uchun 75 mln so‘m bilan rag‘batlantirish bo‘yicha qaror chiqargandi. Qashqadaryo viloyati hokimi Korrupsiyaga qarshi kurashish agentligi taqdimnomasiga binoan bu qarorni bekor qildi.
Toshkentda YTH oqibatida 3 kishi halok bo‘ldi, 5 kishi shifoxonaga yotqizildi
Yashnobod tumanida 3 ta avtomobil ishtirokidagi yo‘l-transport hodisasi sabab 3 kishi voqea joyida halok bo‘ldi. Yana 5 kishi shifoxonaga yotqizildi.
Qo‘shimcha imkoniyatlarga ega bulish uchun saytda ro‘yxatdan o‘ting