Toshkentda 16 yoshli qiz 3-qavatdan yiqilib tushdi
Yunusobod tumanida yashovchi 16 yoshli qiz 3-qavatda balkon oynasini artayotib, ehtiyotsizligi oqibatida yiqilgan. Bosh prokuratura jarohat olgan qizning ahvoli hozirda yaxshi ekani, tergovga qadar tekshiruv harakatlari olib borilayotganini ma’lum qildi.
Toshkentda xalqaro landshaft san’ati ekofestivali bo‘lib o‘tadi
27−29-aprel kunlari Toshkentda GreenArt xalqaro landshaft san’ati ekofestivali bo‘lib o‘tadi. Uning vazifasi ekologik madaniyatni oshirish va mamlakatdagi ekologiya va ko‘kalamzorlashtirish muammolariga jamoatchilik e’tiborini jalb qilishdan iborat.
Toshkentda Gentra haydovchisi katta tezlikda YPX xodimlaridan qochib, to‘qnashuv sodir etdi
Yakkasaroy tumanida guvohnomaga ega bo‘lmagan haydovchi Gentra mashinasida YPX inspektoridan qochib, katta tezlikda harakatlandi. Oqibatda skuter va Cobalt bilan to‘qnashdi, 2 kishi jarohatlar bilan shifoxonaga olib ketildi. Holat bo‘yicha jinoyat ishi qo‘zg‘atilib, tergov davom etmoqda.
O‘zbekistonda bir haftada yangi hosil piyozi narxi 2 baravarga pasaydi — EastFruit
Ichki bozorga yetkazib berish hajmi keskin oshgani sababli O‘zbekistonda yangi piyoz narxi 2 baravarga pasaydi, bu 2022-yilgi narxlar bilan teng degani. O‘tgan yilgi hosil piyozi narxi esa 17 foizga tushgan, lekin bir yil oldingi narxdan 1,5 marta yuqori, deb yozmoqda EastFruit portali.
Buxoroda maktab direktori 900 ming so‘m pora bilan ushlangani aytilmoqda
Qorako‘l tumanidagi maktablardan birining direktori 900 ming so‘m pora bilan ushlangani aytilmoqda. U bu pulni fuqarolarni farrosh va qorovul lavozimiga ishga qabul qilgani evaziga olayotganda qo‘lga tushgan.
Silk Avia tijoriy reyslarni yo‘lga qo‘yadi
25-apreldan Silk Avia mintaqaviy aviakompaniyasi Toshkentdan Termiz, Navoiy, Namangan, Qarshi va Urganchga (Buxoro va Samarqand orqali) tijoriy reyslarni amalga oshiradi.
O‘zbekiston qazib olishning qisqarishi fonida gaz importini keskin oshirdi
Mart oyida O‘zbekiston 151,2 mln dollarlik gaz import qildi, bu 2022-yil davomida qilingan importning yarmidan ko‘pini tashkil etadi. Mahalliy gaz ishlab chiqarishning qisqarishi fonida ko‘rsatkich keskin ko‘tarildi. Ko‘mir, neft va neft mahsulotlarini yetkazib berish ham oshdi.
O‘zbekiston iqtisodiyoti birinchi chorakda 5,5 foizga o‘sdi
Yanvardagi prognoz ancha past bo‘lganiga qaramay, 2023-yilning birinchi choragida O‘zbekiston YAIM 5,5 foizga o‘sdi. Sanoat ishlab chiqarish va qurilish hajmi sezilarli darajada oshdi, yanvar-fevral oylarida ikkala ko‘rsatkich ham o‘tgan yildagidan ancha past bo‘lgan edi.
Qo‘qonda Gentra va Mercedes-Benz to‘qnashishi oqibatida 2 kishi halok bo‘ldi
Qo‘qon shahrida Gentra ikkinchi darajali yo‘ldan chiqib kelgan Mercedes-Benz mashinasi bilan to‘qnashdi. Oqibatda 2 nafar yo‘lovchi halok bo‘ldi, 2 haydovchi jarohat olib, shifoxonaga yotqizildi.
U-20 jahon chempionatiga qur’a tashlandi: O‘zbekiston guruhda mezbon Argentinaga qarshi o‘ynaydi
Juma kuni Shveysariyada U-20 jahon chempionati uchun qur’a tashlash marosimi bo‘lib o‘tdi. Osiyo chempioni sifatida qatnashayotgan O‘zbekiston yoshlar jamoasi turnir mezboni — Argentina joy olgan A guruhidan o‘rin egalladi. Bu guruhda, shuningdek, Gvatemala va Yangi Zelandiya jamoalari ham bor.
Qamchiq dovonida DAF va Damas mashinalari YTHga uchradi
Qamchiq dovonida DAF yuk mashinasi boshqaruvi yo‘qotilib, o‘rta temir to‘siqqa urildi. Undan qochgan Damas esa xandaqqa tushib ketdi. YTH oqibatida 3 kishi jarohatlanib, shifoxonaga olib ketildi.
Energiya samaradorligi va qayta tiklanuvchi energiya orqali iqlim bo‘yicha maqsadlarga erishish
Qazilma yoqilg‘ilar sayyora, insoniyat va iqtisodiyot uchun boshi berk ko‘chadir. BMTTD doimiy vakili Matilda Dimovska Xalqaro yer kuniga bag‘ishlangan maqolasida BMTTD ko‘magida O‘zbekistonda “yashil” texnologiyalar sohasida joriy etilayotgan ilg‘or tajribalar haqida yozadi.
Uzbekistan Airways ilk bor A330 samolyotidan foydalanishni boshlaydi
Uzbekistan Airways Litva kompaniyasidan uzoq masofalarga uchuvchi ikkita Airbus A330 samolyotini bir yil muddatga ekipaji va boshqa xarajatlari ichida bo‘lgan holda ijaraga oldi. Ulardan birinchisi Toshkent aeroportiga qo‘ndi. Mazkur samolyotning ilk reysi 23-aprel kuni Istanbulga rejalashtirilgan.
Toshkentdagi maktabda 2 o‘quvchi qiz 14 yoshli qizni “samosud” qildi
Yangihayot tumanidagi maktabning 16, 17 yoshli o‘quvchi qizlari 14 yoshli qizni urib, unga yengil jarohat yetkazdi. Qizlarning ota-onalari bilan tushuntirish ishlari olib borilgan. Voqea yuzasidan bezorilik holati bo‘yicha jinoyat ishi ochildi.
Farg‘onada tom bosib qolgan ikki ishchi qutqarib olindi
Farg‘ona shahrida ta’mirlanayotgan uyning tomi qulab tushib, ikki ishchini bosib qoldi. Ular FVB qutqaruvchilari tomonidan chiqarib olindi va shifoxona joylashtirildi.
Jahon banki O‘zbekistonga chorvachilik sohasini rivojlantirishga yordam beradi
O‘zbekiston qishloq xo‘jaligida ishlab chiqarilgan YAIMning qariyb 50 foizi chorvachilik hissasiga to‘g‘ri keladi. Soha mamlakatdagi barcha issiqxona gazlari chiqindilarining 13 foizdan ortig‘i manbai bo‘lib, unumdorlik pastligicha qolmoqda. Loyiha samarali va iqlimga chidamli sektorni yaratishni qo‘llab-quvvatlaydi.
O‘zbekistonda elektr energiyasi ishlab chiqarish hamda gaz va ko‘mir qazib olish pasayishda davom etmoqda
Yilning birinchi choragida O‘zbekistonda gaz qazib olish o‘tgan yilning shu davriga nisbatan 9,6 foizga, mart oyida esa 12,9 foizga qisqardi. Uch oy davomida elektr energiyasi ishlab chiqarish hajmi 5 foizga kamaydi. Ko‘mir qazib olish hajmi ham pasaydi.
Xorazmda 47 dona bug‘u va 3 dona jayron shoxlari ushlab qolindi
Urganch tumanida bojxonachilar Xalqaro tabiatni muhofaza qilish ittifoqining Qizil ro‘yxatiga kiritilgan 47 dona bug‘u va 3 dona jayron shoxlarini olib ketayotgan shaxslarni aniqladi.
Zargarlar va ijaraga yer olgan dehqon xo‘jaliklariga 50 mln so‘mgacha kreditlar garovsiz beriladi
Zargarlik ishi yo‘nalishi bo‘yicha maxsus o‘quv kurslarini muvaffaqiyatli tugatib, sertifikat olgan shaxslarga va uzoq muddatga qishloq xo‘jaligiga mo‘ljallangan yer maydonlarini ijaraga olgan dehqon xo‘jaliklari hamda kichik tadbirkorlarga 50 mln so‘mgacha garovsiz kreditlar ajratiladi.
Qashqadaryoda fuqaroni ruhiy kasal sifatida qayd etish uchun pora olgan shifokor ushlandi
Qashqadaryo viloyati 1-sonli asab-ruhiy kasalliklar dispanseri bosh shifokori vazifasini bajaruvchi shaxs fuqaroning kasallik tarixini to‘ldirib, uni ruhiy kasal sifatida qayd etish uchun 4,3 mln so‘m olayotgan vaqtida gumondor sifatida qo‘lga olindi.
Qo‘shimcha imkoniyatlarga ega bulish uchun saytda ro‘yxatdan o‘ting