22-aprel kuni Farg‘ona viloyati Qo‘qon shahrida YTH oqibatida 5 kishi emas, 2 kishi vafot etgan, deb xabar bermoqda viloyat Ichki ishlar boshqarmasi axborot xizmati.

Ijtimoiy tarmoqlarda bu voqea sababli 5 kishi vafot etgani aytilgan xabar tarqalgan, shundan so‘ng holat IIB tomonidan o‘rganib chiqilgan.

Ma’lum bo‘lishicha, shu kuni 1998-yilda tug‘ilgan A.T. Gentra avtomashinasini shaharning Turkiston-Po‘stindo‘z ko‘chalari kesishgan chorrahada boshqarib kelayotgan vaqtda 1972-yilda tug‘ilgan B.X. boshqaruvidagi Mercedes-Benz 2-darajali yo‘ldan chiqib kelgan, oqibatda YTX sodir bo‘lgan.

Voqea sababli Mercedes-Benz mashinasida bo‘lgan 2 nafar yo‘lovchi og‘ir jarohat olib, vafot etgan. Haydovchilar esa jarohatlari bilan shifoxonaga olib ketilgan.

Telegramdan foydalanasizmi? Muhim yangiliklarni o‘tkazib yubormaslik uchun kanalimizga a’zo bo‘ling.

Holat yuzasidan tergovga qadar tekshiruv harakatlari olib borilmoqda.