Iqtisodiyot
O‘zbekistonda uy-joy bozoridagi sotuvlar 2021-yildan buyon rekord darajaga yetdi
Avgust oyida O‘zbekiston ko‘chmas mulk bozorida 28 mingta uy-joy oldi-sotdisi shartnomasi ro‘yxatga olingan. Bu 2021-yildan beri rekord ko‘rsatkichdir. Oy davomida bitimlar soni 12,8 foizga, Toshkent shahrida 10 foizga oshgan. Aksariyat hududlardagi ikkilamchi bozorda narxlar tushdi.
O‘zbekistonda Chevrolet Captiva sotuvi qayta tiklanishi mumkin
UzAuto Motors O‘zbekistonda Chevrolet Captiva 5 avtomobillari savdosini qayta boshlash imkoniyatini ko‘rib chiqmoqda. Avtomobil savdosi 2021-yil noyabr oyida to‘xtatilgandi.
Banklar uchun avtokreditlar bo‘yicha talablar kuchaytirilmoqda
Markaziy bank riskli kreditlar miqdori o‘sib borayotgani sababli banklarga avtokreditlar bo‘yicha qo‘yiladigan talablarni kuchaytirmoqda. Endilikda avtokreditlarning banklar kredit portfelidagi ulushi 25 foizdan oshmasligi talab etiladi.
Markaziy bank asosiy stavkani 14 foiz darajasida o‘zgarishsiz qoldirdi
Markaziy bank asosiy stavkani yillik 14 foiz darajasida saqlab qolish to‘g‘risida qaror qabul qildi. Amaldagi nisbatan qat’iy pul-kredit sharoitlarining davom ettirilishi inflyatsiyaning prognoz ko‘rsatkichlariga erishishga xizmat qiladi, deyiladi regulyator bayonotida.
OTB O‘zbekistonga inson kapitalini rivojlantirish uchun 93 mln dollar ajratadi
Osiyo taraqqiyot banki O‘zbekistonga inson kapitalini rivojlantirish uchun 93 mln dollar yo‘naltiradi. Mablag‘lar sanoat tarmoqlarining raqobatbardoshligini oshirish, aholini kasb-hunarga o‘qitish orqali inklyuziv o‘sishni rag‘batlantirishga qaratilgan.
Toshkentda harbiy gospital yaqinidagi yer uchastkasi auksionida 7 kunlik kompaniya g‘olib chiqdi
Toshkentda harbiy gospital yaqinidagi yer uchastkasi auksion savdosiga yetti kun qolganida ro‘yxatdan o‘tgan Smart Fast Story tomonidan sotib olindi. 1 gektar yer 48,07 mlrd so‘mga baholandi.
O‘zbekistonda sezilgan va rasmiy inflyatsiya o‘rtasidagi farq 5,5 foizga yetdi
Avgust oyida O‘zbekistonda sezilgan inflyatsiya darajasi keskin oshib, 14,5 foizni tashkil etdi. Bu rasmiy yillik inflyatsiyadan 5,5 foizga yuqori. Respondentlarning aksariyati go‘sht, sut va yonilg‘i narxlari oshishini his qilgan.
Aholining inflyatsion kutilmalari fevraldan beri birinchi marta keskin oshdi
O‘zbekiston aholisining inflyatsiya bo‘yicha kutilmalari 6 oylik pasayishidan so‘ng avgustda keskin oshdi. Aholi va tadbirkorlarning xavfsirashida valyuta kursining o‘sishi omili kuchaydi. So‘rovnomada qatnashganlar orasida narxlar 9−12 foizdan ko‘proq oshishini kutayotganlar soni ko‘paydi.
Toshkent viloyatidagi qurilish ishlarida 6,3 mlrd so‘mlik qo‘shib yozish holatlari aniqlandi
Toshkent viloyatida olib borilgan qurilish-ta’mirlash ishlarida 15,8 mlrd so‘mlik sifatsiz ishlar hamda 6,3 mlrd so‘mlik qo‘shib yozish holatlari aniqlandi. Jiddiy qonun buzilishi holatlari bo‘yicha 63 ta jinoyat ishi qo‘zg‘atildi.
Apple iPhone 15 va yangi Apple Watch`lar taqdimotini o‘tkazdi. Asosiy ma’lumotlar
Apple kompaniyasi yangi qurilmalari taqdimotini o‘tkazdi. Unda iPhone 15 va yangi Apple Watch`lar namoyish etildi. Kompaniyaning yangi smartfonlarida Lightning o‘rniga USB-C porti bo‘ladi. iPhone 15 Pro esa titan korpus bilan chiqariladi. Yangi qurilmalar haqida batafsil ma’lumot.
O‘zbekistonda elektromobillar sotuvi bir oyda 38 foizga o‘sdi
O‘zbekistondagi avtomobil bozorida sotuvlar avgust oyida iyulga nisbatan 2,3 foizga o‘sdi. Elektromobillar savdosidagi o‘sish esa 38 foizga yetdi.
“Barcha AGTKSHlar uchun sotuv narxi bir xil”. Energetika vaziri ayrim “zapravka”lar uchun imtiyozlar borligini rad etdi
Jo‘rabek Mirzamahmudov ba’zi gaz quyish shoxobchalari uchun imtiyozli narxlar borligi haqidagi savolga javob berdi. Davlat yetkazib beruvchilari barcha “zapravka”larga gazni yagona narxda sotadi, dedi energetika vaziri.
Yaponiya Orolbo‘yida qishloq xo‘jaligini rivojlantirish uchun 2 mln dollar ajratdi
Yaponiyaning 2 mln dollarlik moliyaviy ko‘magida BMTTD Orolbo‘yida iqlimga chidamli qishloq xo‘jaligini rivojlantirish loyihasini ishga tushirdi. Yaponiya, shuningdek, innovatsion texnologiyalardan foydalanish va qishloq joylaridagi aholi barqarorligini oshirishda ko‘maklashadi.
“Andijon” aeroportida yangi aerodrom majmuasi qurilishi boshlandi
“Andijon” aeroportining yangi aerodrom majmuasi uchun uzunligi 3400 m, eni 60 m bo‘lgan uchish-qo‘nish yo‘lagi quriladi, shuningdek, tungi vaqtda va og‘ir ob-havo sharoitida barcha turdagi havo kemalarini qabul qilish va jo‘natish imkonini beruvchi yoritish moslamalari bilan jihozlanadi.
O‘zbekistonning oltin-valyuta zaxiralari avgustda qariyb 1 mlrd dollarga qisqardi
O‘zbekistonning xalqaro zaxiralari so‘mning qadrsizlanishi va pul o‘tkazmalari qisqarishi fonida ketma-ket beshinchi oy pasaydi. Avgust oyida zaxiralar deyarli 1 mlrd dollarga kamaydi va 32,7 mlrd dollarni tashkil etdi. Yil boshidan buyon mamlakatning “moliyaviy xavfsizlik yostig‘i” 3,08 mlrd dollarga kamaydi.
Ijobiy ekologik ekspertiza xulosasini olmagan obyektlar moliyalashtirilmaydi
O‘zbekistonda 1-noyabrdan boshlab ijobiy ekologik ekspertiza xulosasini olmagan obyektlarga nisbatan moliyalashtirish, kreditlash va boshqa moliya operatsiyalarini to‘xtatib turish mexanizmi joriy etiladi.
O‘zbekiston va Janubiy Koreya o‘rtasida savdo va investitsiyalarni rivojlantirish dasturi imzolandi
O‘zbekiston Janubiy Koreya bilan Savdo va investitsiyalarni rivojlantirish bo‘yicha shartnoma (TIPF) imzolagan mintaqadagi birinchi va dunyoda yettinchi davlat bo‘ldi. O‘zbekiston delegatsiyasi, shuningdek, Seulda qator muzokaralar o‘tkazdi.
Energoresurslarning uzluksiz ta’minlanishi uchun nimalar qilinyapti? Energetika vazirining javobi
Energetika vaziri Jo‘rabek Mirzamahmudov “Gazeta.uz”ga bergan intervyusida energoresurslar bilan uzluksiz ta’minlash uchun qanday ishlar amalga oshirilayotgani haqida gapirib berdi. Avvalroq u buni ta’minlamay turib, aholi uchun elektr va gaz tariflari oshirilmasligini aytgandi.
“Murosa variantini topdik”. Energetika vaziri — Janubiy Koreyaga gaz uchun 1 mlrd dollar qarzni to‘lash haqida
O‘zbekiston va Janubiy Koreya qo‘shma gaz loyihasi doirasida “O‘ztransgaz”ning Koreya kompaniyalari oldidagi qarzini to‘lash bo‘yicha “murosa variantini” topdi, dedi energetika vaziri Jo‘rabek Mirzamahmudov. Unga ko‘ra, loyihada ishlab chiqariladigan xomashyo va tovar gaziga tariflarni o‘zgartirish ko‘zda tutilgan.
Aholi elektr energiyasi bilan uzluksiz ta’minlangach, narx oshadi — energetika vaziri
Aholi uchun tabaqalashtirilgan tariflarni belgilashdan oldin uzluksiz elektr energiyasi yetkazib berishni yo‘lga qo‘yish zarur, deya ta’kidladi energetika vaziri Jo‘rabek Mirzamahmudov. Uning so‘zlariga ko‘ra, hukumatga yangi tarifni 2024-yilning 1-mayidan joriy etish bo‘yicha taklif kiritilishi kutilmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting