Prezident Yangi Toshkent qurilishi bo‘yicha direksiya va muvofiqlashtiruvchi kengash tashkil etilishini ma’qulladi. Birinchisiga qurilish vaziri o‘rinbosari, ikkinchisiga bosh vazir rahbarlik qiladi. Direksiya shaharni rivojlantirish rejalarini ishlab chiqadi, investorlar bilan shartnoma tuzadi va boshqa ishlarni bajaradi.
1-avgustdan Surxondaryo va Qashqadaryo viloyatlarida, 20-avgustdan Toshkent viloyatida ichimlik va oqova suv xizmatlari tariflari oshiriladi.
Tijorat banklari 26-iyul kuni aholidan 1 AQSh dollarini 11 555−11 615 so‘mdan sotib olmoqda, sotuv kursi esa 11 655−11 670 so‘m.
Buxoro viloyatida shamol elektr stansiyasi qurilishi doirasida balandligi 100 metr, parraklari 84 metr bo‘lgan ilk turbina o‘rnatildi. Bu qurilmadan yana 157 ta o‘rnatilishi kerak. Stansiyalarning ilk quvvatlari 2024-yilda ishga tushiriladi.
AQSh Rossiyaning “Yunistrim” to‘lov tizimiga sanksiya kiritgach, O‘zbekistondagi kamida 5 ta bank u bilan ishlashni to‘xtatdi. Tizimning ishlashi Qozog‘iston, Armaniston va Gruziyada ham cheklandi.
Tarmoqlarda Hindiston guruch eksportini taqiqlashi ortidan O‘zbekistonda mahsulot narxi oshib ketishi haqida xabar tarqaldi. Qishloq xo‘jaligi vazirligi bu holat narxlarga ta’sirini ko‘rsatmasligi, bozorlar guruch bilan uzluksiz ta’minlangani va zaxiralar yetarli ekanini bildirdi.
Tijorat banklari 25-iyul kuni aholidan 1 AQSh dollarini 11 535−11 600 so‘mdan sotib olmoqda, sotuv kursi esa 11 650−11 670 so‘m.
Tadbirkorlar kuni munosabati bilan O‘zbekiston prezidentining ishbilarmonlar bilan ochiq muloqoti bo‘lib o‘tadi. Taklif va savollarni 1094 va 1100 qisqa raqamlariga, shuningdek, business.gov.uz portali orqali yuborish mumkin. Uchrashuv sanasi hozircha aniq emas.
Yangi Toshkent investorlari, bosh loyiha va bosh pudrat tashkilotlari hamda direksiyasi O‘zbekistonda ishlab chiqarilmaydigan, shakllantiriladigan ro‘yxatlar bo‘yicha chetdan olib kelinadigan qurilish texnikasi, asbob-uskuna, butlovchi buyumlar, ehtiyot qismlar uchun bojxona boji to‘lashdan ozod etiladi.
Tijorat banklari 24-iyul kuni aholidan 1 AQSh dollarini 11 540−11 610 so‘mdan sotib olmoqda, sotuv kursi esa 11 660−11 670 so‘m.
Markaziy bank jismoniy shaxslarning muddati o‘tgan qarzdorliklarini undirishda ularning manfaatlarini himoya qilish bo‘yicha tavsiyalar ishlab chiqdi. Unga ko‘ra, qarzdorga soat 20:00 dan 8:00 gacha vaqtda va haftada bir martadan ko‘p uchrashish, kuniga bir martadan ortiq telefon qilishga yo‘l qo‘yilmaydi.
O‘zbekiston iyun oyida Xitoyga tabiiy gaz eksportini oshirdi. Qiymat jihatidan yetkazib berish 85,3 million dollarga oshgan, bu may oyiga nisbatan 9,1 foizga ko‘p. Avvalroq mamlakatda gaz qazib olish 2,51 milliard kub metrga kamayganini yozgandik.
Yilning birinchi yarmida O‘zbekistonda gaz qazib olish o‘tgan yilning shu davriga nisbatan 9,6 foizga yoki 2,51 mlrd kub metrga qisqardi. Elektr energiyasi ishlab chiqarish esa o‘sdi, lekin iyun oyida pasayish qayd etildi. Neft ishlab chiqarish pasayishda davom etmoqda, benzin ishlab chiqarish keskin oshgan.
Statistika agentligi O‘zbekistonda kambag‘allik chegarasini aniqlash uchun foydalaniladigan minimal iste’mol xarajatlarining kech e’lon qilinishini izohladi va bu ko‘rsatkichni hisoblash usuli borasidagi tanqidlarga javob qaytardi.
Qozog‘istonning QazaqGaz kompaniyasi oktabr oyidan O‘zbekistonga Rossiya gazi tranzitini boshlashni rejalashtirmoqda. Kompaniya barcha texnik tadbirlar tasdiqlangan jadvalga muvofiq to‘liq hajmda amalga oshirilayotganini ma’lum qildi.
Prezident avgust oyida O‘zbekistonda “yashil vodorod” ishlab chiqarish majmuasini qurishni boshlash bo‘yicha topshiriq berdi, deya ma’lum qildi energetika vaziri Jo‘rabek Mirzamahmudov. Inshoot Saudiyaning ACWA Power kompaniyasi tomonidan Chirchiq shahridagi ammiak zavodi negizida quriladi.
Tijorat banklari 21-iyul kuni aholidan 1 AQSh dollarini 11 535−11 600 so‘mdan sotib olmoqda, sotuv kursi esa 11 650−11 670 so‘m.
Hisob palatasi Qoraqalpog‘iston Iqtisodiyot va moliya vazirligi tomonidan 14,2 mlrd so‘mlik asossiz ravishda mablag‘lar sarflanishi holatlarini aniqladi.
Qashqadaryo viloyati hokimi Murotjon Azimov Xitoyda JAC Motors kompaniyasi bilan avtomobil ishlab chiqarishni yo‘lga qo‘yish imkoniyatlari yuzasidan muzokaralar o‘tkazdi. U Xitoyning yana ikki avtomobil ishlab chiqaruvchisi bilan uchrashmoqchi.
O‘zbekiston Gruziya portlarida dengiz terminallari va omborlarni qurish, shuningdek, portlarni uzoq muddatli ijaraga olishni rejalashtirmoqda. Bu bo‘yicha bosh vazir Abdulla Aripov boshchiligidagi hukumat delegatsiyasining Gruziyaga tashrifi doirasida memorandum imzolandi.
Qo‘shimcha imkoniyatlarga ega bulish uchun saytda ro‘yxatdan o‘ting