Bir tonnadan ziyod “Andijon muzqaymoq” iste’molga yaroqsiz deb topildi
Toshkentda o‘tkazilgan reydlar davomida 1 tonnadan ziyod “Andijon muzqaymoq” tarkibida ichak tayoqchasi va oltinrang stafilokokk aniqlangani sababli iste’molga yaroqsiz deb topildi.
Maydoni kamida 20 sotix bo‘lgan uy-issiqxona majmualari tashkil etiladi
O‘zbekistonda har birining maydoni kamida 20 sotix bo‘lgan uy-issiqxonalar tashkil etiladi. O‘zbekistonda ishlab chiqarilmaydigan tayyor holdagi issiqxonalar 2021 yil 31 dekabriga qadar bojxona bojidan ozod qilindi.
Effect.uz jurnalistlari Andijonda kaltaklangani aytilmoqda
Effect.uz sayti jurnalistlari Andijon viloyatida fuqarolar murojaatlarini o‘rganib turgan vaqtida kaltaklanganligi aytilmoqda. Mazkur holat Andijon viloyati prokuraturasi tomonidan o‘rganilmoqda.
O‘zbekiston terma jamoasi Cingapur ustidan yirik hisobda g‘alabaga erishdi
Futbol bo‘yicha O‘zbekiston milliy terma jamoasi JCH-2022 saralashi doirasidagi o‘yinda Singapur darvozasiga javobsiz 5ta to‘p kiritdi. Jaloliddin Masharipov dublga erishgan bo‘lsa, Eldor Shomurodov va Odil Ahmedov ham o‘z hisoblariga gol yozdirib qo‘yishdi. Shuningdek, Irfon Fandi avtogol sohibiga aylandi.
YeTTB Namangan viloyatida ichimlik suvi ta’minotini yaxshilashga $70 mln ajratadi
Yevropa tiklanish va taraqqiyot banki Namangan viloyatining uchta tumanida suv ta’minoti va kanalizatsiya infratuzilmasini qurish uchun 70 mln dollar miqdorida kredit ajratadi.
O‘zbekistonlik qo‘l jangchilar Jahon chempionatini 30 ta medal bilan yakunladi
Toshkentda bo‘lib o‘tgan qo‘l jangi bo‘yicha Jahon chempionatida O‘zbekiston terma jamoasi 30 ta medalni (8 ta oltin, 11 tadan kumush va bronza) qo‘lga kiritdi va umumjamoa hisobida birinchi o‘rinni egalladi.
15 aprel — Madaniyat va san’at xodimlari kuni etib belgilandi
15 aprel sanasini Madaniyat va san’at xodimlari kuni etib belgilashga oid qonun prezident tomonidan imzolandi. Hujjat bilan shuningdek, soha rivoji uchun o‘z hissasini qo‘shgan va fidokorona mehnat qilganlar “Madaniyat va san’at fidokori” ko‘krak nishoni bilan ham ayni shu kuni taqdirlanishi belgilanmoqda.
Everestga chiqqan o‘zbekistonlikka prezident sovg‘asi topshirildi
Everestni zabt etgan o‘zbekistonlik alpinist Sergey Denisenko “O‘zbekiston iftixori” faxriy unvoni bilan taqdirlandi. Sportichiga prezident sovg‘asi — Trailblazer topshirildi.
Turkiyalik tadbirkorlar hakamlik sudiga O‘zbekistonga qarshi da’vo arizasi bilan murojaat qilishdi
Turkiyalik bir guruh tadbirkorlar, shu jumladan Mexmet Zeki Obuz, O‘zbekistonga qarshi Investitsiya bo‘yicha nizolarni hal qilish xalqaro markaziga da’vo arizasi bilan murojaat qilishdi. Obuz 2007 yilda O‘zbekistonda 16 yilga ozodlikdan mahrum etilgan edi.
“Endi yer faqat auksionda sotiladi yoki ijaraga beriladi” — Shavkat Mirziyoyev
Prezident seshanba kungi videoselektorda endi yer faqat auksionda sotilishi yoki ijaraga berilishini ma’lum qildi. “Kimga yer kerak bo‘lsa, davlat auksionida qatnashsin, haloli bo‘lsin, yerni sotib olsin”, — dedi u. Qolaversa, davlat rahbari Surxondaryo tajribasi doirasida 2021 yilning o‘zida qariyb 100 gektar g‘alladan bo‘shagan yer ishsiz aholiga berilishini ta’kidlagan.
Samarqand xalqaro aeroportining qurilish ishlari sentyabr oyida yakunlanadi
Samarqand shahridagi yangi zamonaviy aeroport rekonstruksiya ishlari hajmining 80 foizi bajarildi. Loyiha sentyabr oyida yakunlanishi rejalashtirilgan.
15 iyundan umumta’lim maktablarida 1-sinfga qabul boshlanadi
Respublika umumta’lim maktablarining 1-sinfiga qabul 15 iyundan boshlanishi belgilandi. Ota-onalar 5 iyuliga qadar my.maktab.uz elektron plaftormasi orqali ro‘yxatdan o‘tib, farzandlari 1-sinfga chiqadigan maktablarni tanlaydilar.
Bahodir Isayev “Parrandasanoat” uyushmasiga rahbar bo‘ldi
“Parrandasanoat” uyushmasi raisining birinchi o‘rinbosari Bahodir Isayev endi tashkilotga rahbarlik qiladi. Bu haqda prezident Shavkat Mirziyoyev seshanba kungi videoselektorda ma’lum qilgan. Unga shuningdek, Veterinariya qo‘mitasi raisining birinchi o‘rinbosari vazifasini bajarish ham yuklatildi.
Sirdaryoda dalada butunlay yonib ketgani aytilgan erkak tirik bo‘lib chiqdi
Sirdaryo viloyatining Mirzaobod tumanida tanasi 100% kuyib ketgani aytilgan shaxs tirik bo‘lib chiqdi. U aslida qarzini to‘lamaslik uchun o‘zini o‘ldiga chiqarib qo‘rsatish rejasini tuzib, Toshkent shahrida istiqomat qiladigan boshqa fuqaroni o‘ldirganligi ma’lum bo‘ldi.
O‘zbekistonning oltin-valyuta zaxiralari ilk bor 35 mlrd dollardan oshdi
O‘zbekistonning rasmiy zaxira aktivlari may oyiga nisbatan 1,4 mlrd dollarga oshgan bo‘lib, 1 iyun holatiga ko‘ra 35,5 mlrd dollardan ortiqni tashkil qilmoqda.
Navoiydagi ohak ishlab chiqarish sexida sodir bo‘lgan yong‘inda bir kishi vafot etdi
Navoiy viloyati Karmana tumanida joylashgan ohak ishlab chiqarish sexida yong‘in sodir bo‘ldi. Hodisa oqibatida korxonaning bir nafar ishchisi voqea joyida halok bo‘lgan.
Ijtimoiy-ma'naviy tadqiqotlar instituti tashkil etildi
Respublika Ma’naviyat va ma’rifat markazi qoshida Ijtimoiy va ma’naviy tadqiqotlar instituti tashkil etildi. Uning vazifalari samarali targ‘ibot texnologiyalarini ishlab chiqish va internetdan foydalanish madaniyatini oshirishdan iborat.
“Narx-navoni barqaror ushlab turish, bu — tadbirkorlarga past narxlarda sottirish, degani emas” — prezident
Shavkat Mirziyoyev go‘shtning qimmatlashishi fonida narxlarni barqarorlashtirish tadbirkorlarni arzon narxda sotishga majbur qilishni anglatmasligini aytdi. Prezident bozorda taklif ortishi uchun shart-sharoitni yaratish zarurligini ta’kidladi. Shundan kelib chiqib, parrandachilik korxonalarining foyda, mol-mulk, yer va suv soliqlari 50 foizga kamaytiriladi.
“Gazeta.uz"da chiqqan maqolalar:
“Ular hamma narsani qadrsizlantirishdi”. Toshkent aholisi — poytaxtdagi “shafqatsiz” obodonlashtirish to‘g‘risida
Toshkentda mahallalarni obodonlashtirishning yangi to‘lqini boshlandi. Aholi to‘siqlarni kelishilmagan holda demontaj qilinayotgani va uyga tutash gulzorlarni buzib tashlanayotganidan shikoyat qilmoqda. “Gazeta.uz” hovlilar qanday ko‘rinishga ega bo‘lishi lozimligi borasida rasmiylar fikri va shahar aholisining bunga munosobatini o‘rgandi. Shuningdek, biz shaharshunos Arkadiy Gershman bilan suhbatlashdik, u nima uchun namunaviy obodonlashtirish xato ekanligini va nima uchun qarorlarni hukumat emas, balki aholi qabul qilishi kerakligi haqida gapirdi.
Eng qadimiy jonzotlardan biri — Amudaryo katta kurakburuni butunlay qirilib ketish arafasida
Amudaryo katta soxta kurakburuni hozirgacha saqlanib qolgan jonzotlar ichida eng qadimiylardan biri hisoblanadi. Ushbu baliq turi xalqaro “Qizil kitob"ga “butunlay yo‘q bo‘lib ketish arafasidagi tur” maqomi bilan kiritilgan. Biroq, gidrobiolog Baxtiyor Sheraliyevning ta’kidlashicha, dunyoda faqatgina Amudaryo suvlarida uchraydigan ushbu baliq mahalliy aholi tomonidan ovlanmoqda va Ekologiya qo‘mitasi ushbu baliq turini saqlab qolish uchun yetarlicha e’tibor qaratmayapti.
