8 июнь куни президент Шавкат Мирзиёев раислигида бўлиб ўтган видеоселектор йиғилишида «Паррандасаноат» уюшмасига янги раҳбар тайинланди, деб хабар бермоқда «Газета.uz» мухбири.
«Умуман, „Паррандасаноат“ уюшмасига бугун янги раҳбар тайинладик. Уюшманинг янги раиси Баҳодир Исаев бир вақтнинг ўзида Ветеринария қўмитаси раисининг биринчи ўринбосари бўлади. Баҳодир Исаевга инвестициялар жалб қилиш, лойиҳаларни шакллантириш, корхоналарнинг муаммоларини ҳал қилиш бўйича барча ваколатлар берилади», — деди у.
Давлат раҳбари уюшманинг янги раҳбарига «Микрокредитбанк» яқиндан кўмакчи бўлишини қўшимча қилган.
Йиғилишда шунингдек, паррандачилик лойиҳаларини амалга оширишга «Микрокредитбанк» масъул бўлиши ва унга давлат томонидан 50 млн доллар ресурс ажратилиши қайд этилган. Президент ишлар натижасига кўра, яна 50 млн доллар берилишини айтган.
Исаев Баходир Исмаилович шу кунга қадар уюшма раисининг биринчи ўринбосари лавозимида фаолият юритиб келган. У ушбу лавозимда Рахматуллаев Пўлат Эркиновичнинг ўрнини эгаллади.
