Президент Шавкат Мирзиёев дунёдаги энг баланд Эверест чўққисини забт этиб, унда Ўзбекистон байроғини ҳилпиратган ўзбекистонлик альпинист Сергей Денисенкони «Ўзбекистон ифтихори» фахрий унвони билан мукофотлади, дея хабар бермоқдапрезидент матбуот котиби Шерзод Асадов.
8 июнь куни тунда Сергей Денисенко Ислом Каримов номидаги Тошкент халқаро аэропортида тантанали кутиб олинди. Мазкур тадбирда Аваз Каримов бошчилигидаги Туризм ва спорт вазирлиги мутасаддилари, МОҚ вакиллари, Сергей Денисиенконинг яқинлари ва ОАВ ходимлари иштирок этишди.
Сешанба куни эрталаб альпинистга президент совғаси — Trailblazer машинаси топширилди.
37 ёшли альпинист Сергей Денисенко 1 июнь Тошкент вақти билан соат 16:45 да сайёранинг энг баланд чўққиси Эверестни забт этган. У ўзининг мазкур муваффақиятини Ўзбекистоннинг 30 йиллигига бағишланганини таъкидлади.
Фото: Telegram/Mysterious Uzbekistan
Фото: Олимпия қўмитаси
Фото: Президент матбуот хизмати
Ўзбекистонликлар Эверестни илк бор 1998 йилда забт этишган, 23 йил аввал Ильяс Тухватуллин ва Андрей Заикин чўққига кўтарилган эди.
