Жаҳон
ЕИ ва АҚШ Беларусь ҳукуматига қарши санкциялар қўлланиши мумкинлигидан огоҳлантирди
Европа Иттифоқи ва АҚШ Беларусда юз бераётган намойишлар иштирокчиларига зўравонликлар қўлланилаётгани сабабли мамлакат раҳбарларига қарши санкциялар қўлланилиши мумкинлигидан огоҳлантирди. Беларусь шаҳарларида эса аёллар қўлларида гул тутган ҳолда тинч намойишларни давом эттирмоқда. Улар сафига тиббиёт ходимлари ҳам қўшилди.
Қозоғистон 17 августдан ҳалқаро авиақатновларни қайта тикламоқда
Қозоғистон ҳукумати 17 августдан бошлаб БАА, Беларусь, Германия, Нидерландия, Миср, Украина ва Россия Федерациясига халқаро рейслар тиклашга қарор қилди.
TikTok бир йилдан ортиқ вақт давомида фойдаланувчилар маълумотини йиғиб келган
TikTok Google ишлаб чиққан Android тизимининг махфийлик ҳимоясини четлаб ўтишга эришган ва «миллионлаб» смартфонларнинг уникал идентификаторини қўлга киритган. Илова камида 15 ой давомида фойдаланувчилар маълумотини йиғиб келган.
Жо Байден Камала Харрисни вице-президентликка номзод қилиб танлади
АҚШ президентлигига номзод Жо Байден сенатор Камала Харрисни вице-президент қилиб танлади. Агар Байден ғалаба қозонса, Харрис лавозимдаги биринчи аёл ва биринчи қора танли сиёсатчи бўлади.
Беларусь: норозилик намойишлари, Светлана Тихановскаянинг ҳибсга олиниши ва мамлакатни тарк этиши
Беларусда ўтказилган президентлик сайловлари натижалари эълон қилинганидан сўнг мамлакатнинг йирик шаҳарларида иккинчи тун давомида норозилик намойишлари давом этмоқда. Мухолифат номзоди Светлана Тихановская мамлакатни тарк этишга мажбур бўлди ва Литвага жўнаб кетди. У видеомурожаатида «ҳаётимизда энг муҳими — болалар» дея таъкидлади.
Ливандаги норозилик намойишлар сабабли ҳукумат истеъфога чиқди
Ливан ҳукумати Байрутда 4 август куни рўй берган кучли портлаш ва унинг ортидан юзага келган оммавий норозилик намойишлари туфайли истеъфога чиқди. Ўзининг хайрлашув баёнотида бош вазир «коррупция тизими Ливан давлатидан кучлироқ» келганини таъкидлади.
Владимир Путин COVID-19 га қарши илк вакцина рўйхатдан ўтказилганини эълон қилди
Россия президенти Владимир Путин COVID-19 га қарши илк вакцина рўйхатдан ўтказилганини, тез орада вакцина катта миқдорда ишлаб чиқарила бошланишини маълум қилди. Кўплаб фармкомпаниялар Россия соғлиқни сақлаш вазирлигини ушбу вакцинани рўйхатдан ўтказишга шошмасликка чақираётган эди.
Дунё бўйлаб коронавирусга чалинганлар сони 20 млн кишидан ошди
Дунё бўйлаб аниқланган коронавирус ҳолатлари 20 млндан ошди. Бунда, 12,35 млн нафар бемор COVID-19 инфекциясидан соғайган ва 736 минг нафари эса ҳаётдан кўз юмган. Ҳозиргача АҚШ, Бразилия ва Ҳиндистонда энг кўп коронавирус билан зарарланиш ҳолатлари қайд этилган.
Шавкат Мирзиёев Жанубий Кореяга йил охирида ташриф буюради
Президент Шавкат Мирзиёев декабрь ойида Жанубий Кореяга ташриф буюриши кутилмоқда. Ташриф коронавирус пандемияси сабабли кейинроқ муддатга кўчирилган.
Беларусда президентликка сайлов якунлари эълон қилинди
9 август куни Беларусда бўлиб ўтган президентлик сайловларида 5 нафар номзод иштирок этди. 10 август куни мамлакат марказий сайлов комиссияси сайлов натижаларини эълон қилди ва унда 80,23% овоз билан амалдаги президент Александр Лукашенконинг қўли баланд келгани маълум бўлди.
Twitter давлат билан алоқадор аккаунтларни белгилашни бошлади
Twitter давлат билан алоқадор ва давлат томонидан бошқариладиган расмий аккаунтларга махсус белгилар қўйишни бошлади. Ҳозирда махсус белгилар, жумладан, TASS, Russia Today, Sputnik, China Xinhua News каби ОАВлар ҳамда Кремлнинг расмий аккаунтларига қўйилган.
Тожикистонда президент сайловлари куни эълон қилинди
Тожикистон парламентининг қарори билан 11 октябрь мамлакатда президент сайловлар куни деб эълон қилинди.
Twitter Дональд Трампнинг аккаунтини чеклаб қўйди
Twitter Дональд Трампнинг саҳифасида COVID-19 ҳақида ёлғон маълумотларни ўз ичига олган видео пайдо бўлганидан кейин АҚШ президентининг аккаунти орқали пост ёзиш имкониятини чеклашга қарор қилди. Шунингдек, Facebook ҳам АҚШ президентининг жойлаган постини ижтимоий тармоқдан ўчириб юборди.
Россияда чет эллик талабаларнинг иш билан таъминланиши соддалаштирилди
Россиядаги чет эллик талабаларга бўш вақтларида махсус рухсат ва патентсиз ишлашга рухсат берилди. Ишга жойлашиш учун улар фақат ўқув юртидан маълумотнома тақдим этишлари керак бўлади.
ЮНЕП: Яшил фасад ва оқ томлар иссиқликни сақлашга ёрдам беради
Шаҳарларда ҳароратни пасайтириш учун табиатнинг ўзи кифоя, деб ҳисоблайди БМТнинг атроф-муҳит бўйича дастури (ЮНЕП). Бунинг учун мутахассислар фасадларни кўкаламзорлаштириш ва уйларнинг томларини боғлар билан ўраш ёки уларни оқ рангга бўяшни тавсия қилмоқда.
Бейрут портидаги кучли портлаш қурбонлари сони 100 нафардан ошди
Ливан пойтахтидаги портда рўй берган кучли портлашга божхоначилар 2015 йилда мусодара қилган 2700 тонна аммиакли селитра сабаб бўлгани тахмин қилинмоқда. Ҳодиса қурбонлари сони 100 нафардан ошди. Мамлакатда уч кунлик мотам эълон қилинди.
Испаниянинг собиқ қироли коррупцион можаро сабабли мамлакатни тарк этди
Коррупция можароси марказида қолган Испаниянинг собиқ қироли Хуан Карлос I мамлакатни тарк этди. Испания прокуратураси у Саудия Арабистонида темир йўл қурилиши вақтида пулларни ўғирлаган, деган гумонда.
АҚШда TikTok ни тақиқлаш режалаштирилмоқда
АҚШ президенти Доналд Трамп агар Хитойнинг TikTok иловаси 15 сентябрга қадар Microsoft ёки бошқа америкалик компания томонидан сотиб олинмаса, мамлакатда унинг тақиқланиши ҳақида эълон қилди. Сотиб олинган тақдирда, келишувдан тушган маблағнинг бир қисмини АҚШ Ғазнасига туширилиш шарти қўйилди.
Губернатор иши: Москвадан Владивостоккача митинглар бўлиб ўтмоқда
Россияда тўртинчи ҳафтадирки, оммавий норозилик намойишлари давом этмоқда. Норозилик иштирокчилари Хабаровск вилоятининг собиқ губернатори Сергей Фургални қўйиб юбориш ҳамда унинг ўрнига тайинланган Михаил Дегтяревни ишданбўшатишни талаб қилишмоқда.
Украинада Ўзбекистон фуқароси банкни портлатиб юбориш билан таҳдид қилгани айтилмоқда
Украина пойтахтидаги «Леонардо» бизнес марказида жойлашган банкда ходимни гаровга олган ва банкни оёғига бойланган бомба ёрдамида портлатиб юбориш билан таҳдид қилаётган шахснинг Ўзбекистон фуқароси экани айтилмоқда. Украина хавфсизлик хизматининг тезкор гуруҳи таҳдидчини қўлга олганини маълум қилди.
Энг кўп ўқилган хабарлар | Сўнгги янгиликлар
- Украина Россиянинг Харьков вилоятидаги ҳужумини барқарорлаштиришга муваффақ бўлди
- Словакия бош вазирининг суиқасддан кейинги аҳволи барқарор, аммо жиддий — Reuters
- 2023 йилнинг ёзи сўнгги 2000 йилдаги энг иссиғи бўлди — тадқиқот
- «Чоршанба кунлари бўш экансан». Байден Трампни теледебатга чақирди ва унинг судлардан бўшамаётганига шаъма қилди
Қўшимча имкониятларга эга булиш учун сайтда рўйхатдан ўтинг