АҚШ президентлигига Демократик партиядан номзод Жо Байден Калифорния сенатори Камала Харрисни вице-президентликка номзод қилиб танлаганини эълон қилди, дея хабар берди РИА Новости.
«Мен ўз сайловларда ўзимга ҳамроҳ сифатида Камала Харрисни, қўрқмас, „кичкина одам“ учун курашувчи ва давлат идорасидаги энг обрўли одамлардан бирини танлаганимни эълон қилаётганимдан ғоят хурсандман», — деб ёзди Байден Twitter да.
Харрис илгари президентликка даъвогар эди, аммо у дастлабки этапларда сезиларли натижаларга эриша олмади.
Агар 77 ёшли Байден президент этиб сайланса, 55 ёшли Харрис у кетганидан кейин партия раҳбарлигига даъвогар бўлади.
Бундан ташқари, агар Байден президентликка сайланса, Харрис вице-президент бўлиб хизмат қилган биринчи аёл ва биринчи қора танли сиёсатчи бўлади.
