Коронавирус инфекциясига қайта чалиниш мумкин, лекин бу оммавий тенденция эмас, дея таъкидлади Жаҳон соғлиқни сақлаш ташкилоти вакили Маргарет Харрис. Бундай ҳолатлар Гонконг, Бельгия, Нидерландия ва бошқа мамлакатларда қайд этилди.
Ўзбекистонлик тадбиркор Бобир Акилханов Forbes журналининг технология бўйича кенгаши (FTC) таркибига кирди. Тадбиркор ушбу кенгашга аъзо бўлган биринчи ўзбекистонлик бўлиб, бу унга таниқли журналда технология бўйича мақолалар жойлаштириш имкониятини беради.
Гонконг университети олимлари коронавирус билан қайта касалланиш ҳолатини тасдиқлашди. Коронавирусдан даволаниб чиққан йигитга бир неча ойдан кейин яна COVID-19 ташхиси қўйилган.
Ўзбекистон ЖССТнинг COVAX (коронавирусга қарши вакцина қилиш) дастурига қўшилди. Ҳозирда ЖССТ портфелида коронавирусга қарши 9 та вакцина мавжуд экани айтилмоқда.
Якшанба куни юз минглаб иштирокчиларни жамлаган «Янги Белоруссия марши» президент сайловидан кейин тинч намойишлар бошланганидан бери энг катта тадбирлардан бирига айланди. Намойишчилар Мустақиллик саройи ва Давлат байроғи майдонига бордилар, Александр Лукашенко ҳам у ерга учиб келди — у вертолётдан бронежилет ва автомат билан тушди.
Икки йил олдин Apple компаниясининг бозор қиймати 1 трлн долларга етган эди. Ҳозирда унинг капитализацияси 2 трлн доллардан ошган бўлиб, у ушбу натижага эришган АҚШдаги биринчи, дунё тарихидаги иккинчи компанияга айланди.
Беларусь бош прокурори президентликка номзод Светлана Тихановская тарафдорлари томонидан Мувофиқлаштирувчи кенгаш ташкил этилгани сабабли жиноий иш қўзғатилганини маълум қилди. Бу каби кенгашларнинг фаолияти давлат ҳокимиятини эгаллашга қаратилган, деди у.
Мунир Мамедзаде ЮНИСEФнинг Ўзбекистондаги ваколатхонаси раҳбари лавозимида иш фаолиятини бошлади. У инсон ҳуқуқлари, болалар ҳуқуқлари, ёшлар ва ривожланиш соҳаларида 20 йиллик раҳбарлик тажрибасига эга.
АҚШ вице-президентлигига Демократик партиясидан Камала Харрис номзод сифатида тасдиқланди. Аввалроқ Жо Байден уни вице-президентликка номзод сифатида танлаганини эълон қилган эди. Камала Харрис 2017 йилдан Калифорния сенатори бўлиб келмоқда.
Россия коррупцияга қарши курашиш жамғармаси асосчиси Алексей Навальний 20 август куни оғир аҳволда реанимацияга ётқизилган. Хабар берилишича, у хушсиз ҳолатда ва ҳозирда сунъий нафас олиш аппаратига уланган. У Москвага учаётганида самолётда ҳушидан кетган. Унинг заҳарланган бўлиши мумкинлиги айтилмоқда.
Mercedes автомобилларини ишлаб чиқарувчи Daimler Финляндиянинг Nokia компанияси технологияларидан лицензиясиз фойдаланланликда айбдор деб топилди. Энди Nokia Германияда компаниянинг автомобилларини сотишни тақиқлаш ҳуқуқига эга бўлади.
Дунёда рўйхатга олинган коронавирус ҳолатлари сони 22 млн дан ошди, 780 мингдан ортиқ одам вафот этди. Энг кўп касалланиш ҳолатлари АҚШ, Бразилия ва Ҳиндистонда кузатилмоқда.
Малида ҳарбий кучлар ғалаён кўтариб, президент ва бош вазирни ҳибсга олишди. Армия ва ҳукумат ўртасидаги можаронинг сабаби тўловлар миқдорининг пастлиги бўлиши мумкин. БМТ қўзғолонни қоралаб, конституцион тузумни тезда тиклашга ва мамлакат раҳбарларини қўйиб юборишга чақирди.
Илон Маскнинг бойлиги 2020 йил бошидан 57,2 млрд долларга ўсиб, умумий 84,8 млрдни ташкил этди. Асосий сабаблардан бири йил бошидан Tesla компаниясининг акциялари 339 фоизга ўсганлиги бўлди.
Асосан дон, дуккакли экинлар, мева ва сабзавотлар каби маҳсулотларга асосланган диетага ўтиш нафақат инсон саломатлигига, балки атроф-муҳитга ҳам фойда келтиради. Аммо ҳозирги кунга қадар, овқатланиш бўйича миллий кўрсатмаларнинг аксарияти ушбу ёндашувга амал қилмайди, деб ҳисоблайди ЮНEП.
Европанинг нефть қазиб олиш соҳасидаги мутахассислари эндиликда миллиардлаб долларлик нефть ва газ захиралари ҳеч қачон қазиб олинмаслигини тан олишди, деб ёзади Bloomberg. Шу жумладан, Буюк Британиянинг BP компанияси август ойи бошида мамлакатларда янги геологик ҳудудларни ўрганишдан бутунлай воз кечишини эълон қилди.
16 август куни Минскда Александр Лукашенко тарафдорлари ва унинг ҳокимиятига қаршилар иштирокидаги намойишлар бўлиб ўтди. Лукашенко тарафдорлари намойишида бир қисми бюджет ташкилотлари ходимларидан иборат бўлган 65 минг киши йиғилди. Оппозиция тарафдорлари намойишида эса 200 минг одам қатнашди — бу Беларусь тарихидаги энг йирик намойиш бўлди.
Лондонда 29 ёшли Айсултан Назарбоев — Қозоғистон биринчи президентининг невараси оламдан ўтди. Ўлимига юракнинг тўхтаб қолиши сабаб бўлгани тахмин қилинмоқда.
Исроил ва БАА АҚШ воситачилиги билан муносабатларни яхшилаш ҳақидаги тарихий битим имзолашди. Унга кўра, Исроил Иордан дарёсининг ғарбий соҳилидаги ҳудудларни аннексия қилишни тўхтатишга рози бўлди. Фаластин эса келишувга қарши.
Европа Иттифоқи ва АҚШ Беларусда юз бераётган намойишлар иштирокчиларига зўравонликлар қўлланилаётгани сабабли мамлакат раҳбарларига қарши санкциялар қўлланилиши мумкинлигидан огоҳлантирди. Беларусь шаҳарларида эса аёллар қўлларида гул тутган ҳолда тинч намойишларни давом эттирмоқда. Улар сафига тиббиёт ходимлари ҳам қўшилди.
Қўшимча имкониятларга эга булиш учун сайтда рўйхатдан ўтинг