Россия коррупцияга қарши курашиш жамғармаси асосчиси Алексей Навальний Москвага парвоз пайтида ҳушидан кетган ва касалхона нинг жонлантириш бўлимига ётқизилган. Навальнийнинг матбуот котиби у заҳарланган бўлиши мумкинлигини маълум қилди, дея хабар берди РКБ.
Алексей Навальний Томскдан Москвага парвоз пайтида аҳволи оғирлашган ва самолёт Омск шаҳрида фавқулодда қўнишига тўғри келган. У аэропортдан олиб кетилган ва 1-сонли Омск шошилинч касалхонасига ётқизилган. Шифокорларнинг айтишича, у иккинчи даражали кома ҳолатига тушган.
«У ўзини яхши ҳис қилмаётганини айтди, мендан салфеткани сўради — уни тер босган эди. Мен сув унга ёрдам берадими, деб сўрадим, у йўқ деди ва эҳтимол ҳожатхонага бориши кераклигини айтди. Ҳожатхонага борди ва шундан кейин ҳушидан кетди», — дейди самолётда у билан бирга бўлган оппозиционернинг вакили.
Навальний заҳарланган бўлиши мумкин, дея хабар бермоқда унинг вакили Ярмиш. «Бизнинг ўйлашимизча, Алексейни чойига нимадир қўшиш йўли билан заҳарлашган. Чунки у эрталаб фақатгина чой ичган эди. Шифокорларнинг айтишича, токсин иссиқ суюқлик орқали танада тез тарқалган», — дея ёзди Ярмиш ўзининг шахсий Twitter саҳифасида.
Мы предполагаем, что Алексея отравили чем-то, подмешанным в чай. Это было единственное, что он пил с утра. Врачи говорят, что токсин быстрее всосался через горячую жидкость. Сейчас Алексей без сознания
— Кира Ярмыш (@Kira_Yarmysh) August 20, 2020
Навалний Томск аэропортидаги қаҳвахонада қора чой ичган, у ерда ҳозирда ички текширув ишлари олиб борилмоқда.
