Daimler автомошиналарида Nokia мобил алоқа технологияларидан фойдаланиш бўйича узоқ муддатли мунозарага Германиянинг Мангейм шаҳридаги суд томонидан ҳукм чиқарилди. Бу хақда Bloomberg нашри маълумот берди.
Nokia компаниянинг телекомуникация технологиясидан лицензиясиз фойдаланиб, унинг патент ҳуқуқларини бузишда Daimlerни айбламоқда. Шу сабабдан, фин компанияси ҳар бир сотилган машинадан тушадиган даромаднинг бир қисмини олиш истагини билдиряпти.
Mercedes автомобилларини ишлаб чиқарувчи Daimler компанияси Nokiaдан автомобил ускуналарни етказиб берувчиларга технологиялар ишлатиш учун лицензия беришини талаб қилмоқда.
Суд мобил технологиялар компаниясининг шикоятини хақли деб топди. «Далиллар шуни кўрсатяптики, Daimler ва унинг тарафдорлари лицензия олиш истагини билдирмаяпти», — дейилади суд баёнотида.
Ҳукмга мувофиқ, Nokia Германияда компаниянинг автомобилларини сотишни тақиқлаш ҳуқуқига эга бўла олади, бунинг учун компания янги суд жараёни учун 7 млрд евро (8,3 млрд доллар) миқдоридаги гаровни тўлаши ва судга ушбу даъво билан мурожаат қилиши керак бўлади.
Автомобил ишлаб чиқарувчиси апелляция шикоятини тайёрламоқда.
