2017 йилдан Калифорния сенатори бўлиб келган 55 ёшли Камала Харрис АҚШ Демократик партиясидан вице-президентликка номзод сифатида тасдиқланди. Бу ҳақда Демократлар миллий конгресси раиси, Миссисипи штати конгрессмени Бенни Томпсон маълум қилди.
11 август куни Жо Байден, АҚШ Демократик партиясининг президентликка номзоди, Камала Харрисни вице-президентликка номзод сифатида танлаганини эълон қилган эди. Жо Байден унга «қўрқмас курашчи ва мамлакатнинг энг яхши хизматчиларидан бири» дея таъриф берди.
Камала Харрис 1964 йил 20 октябрда Калифорния штатининг Окленд шаҳрида туғилган. 1986 йилда Говард университени тамомлаган, сўнгра 1989 йилда Калифорния университетинг Хастингс юридик коллежида ҳуқуқшунослик ихтисослиги бўйича докторлик унвонини қўлга киритган.
Харрис 2004—2011 йилларда Сан-Франциско округи прокурори, 2011−2017 йилларда Калифорния бош прокурори сифатида ишлаб келган. 2017 йилдан бери Калифорния сенатори бўлган.
2019 йил 21 январ куни Харрис президентлигига ўз номзодини қўйишини эълон қилган эди. Аммо 2020 йил 8 мартда ўзининг Twitter сахифасида кампанияси якунлангани ҳақида эълон қилиб Жо Байден номзодлигини қўллаб-қувватлашга чақирди.
Таъкидлаб ўтиш жоизки, мамлакатнинг оқ бўлмаган аҳолиси вакили бўлган аёлнинг ушбу лавозимга номзод бўлиши АҚШ тарихида илк бор кузатилмоқда.
