19 август куни Nasdaq фонд биржасида Apple акцияларининг умумий қиймати 2 трлн доллардан ошди. Apple АҚШдаги бундай натижага эришган биринчи, дунёдаги иккинчи компанияга айланди, дея хабар берди vc.ru.
Компания акциялари 1,14 фоизга кўтарилиб, битта акция учун 467,51 долларни ташкил этди. Йил бошидан буён компаниянинг акциялари 59,24 фоизга қимматлади. Тахминан икки йил олдин компаниянинг бозор қиймати 1 трлн долларга етган эди. Июнь ойида компаниянинг капиталлашуви 1,5 трлн долларидан ошди. Amazon, Microsoft и Alphabet компанияларининг қийматлари эса 1 трлн доллардан ошди.
Июль ойида компания директорлар кенгаши томонидан чиқарилган акцияларининг тўртдан бир қисмга бўлинишини тасдиқлади. Бу йўл орқали компания қимматбаҳо қоғозларни сармоядорлар учун янада қулайроқ қилишни хоҳламоқда. Ҳозирда эркин муомалада 4,7 млрдга яқин акция мавжуд.
Apple акцияларининг ўсишига, асосан, ушбу компаниянинг қурилмаларига бўлган доимий талаб туфайли эришилди, дея таъкидлади Wall Street Journal.
Қисқа муддатга бўлсада, 2 трлн долларлик чегарани босиб ўтган биринчи компания Saudi Aramco нефть компанияси бўлган эди. Бу ўтган йилнинг декабрь ойида — акцияларнинг оммавий савдосига қўйилган куннинг эртасига содир бўлган.
