«самарқанд» тегли мақолалар
Ўзбекистон ва Мўғулистон президентлари Самарқандда учрашди
ШҲТ саммити арафасида Самарқандда Ўзбекистон ва Мўғулистон етакчилари музокара ўтказди. Шавкат Мирзиёев ва Ухнаагийн Хурэлсух икки давлат ўртасида сиёсий ва иқтисодий алоқаларга тизимли тус бериш, ўзаро манфаатли ҳамкорликни кенгайтириш бўйича «йўл харитаси» ни қабул қилишга келишиб олди.
БАА Самарқанд шаҳридаги инфратузилмаларни яхшилаш учун қарийб $300 млн кредит ажратади
Абу-Даби тараққиёт жамғармаси Самарқанд шаҳрида сув таъминоти тизимлари ва йўл тармоқларини модернизация қилиш учун $300 млнга яқин кредит ажратади. Маблағлар йиллик 2,5% ставкада, 4 йиллик имтиёзли давр билан 17 йилга берилади.
ШҲТ саммитида 30 дан ортиқ ҳужжат имзоланиши кутилмоқда — Шерзод Асадов
Шу ҳафта Самарқандда ўтадиган ШҲТ саммитида 30 дан ортиқ ҳужжат имзоланиши кутилмоқда, деди президент матбуот котиби Шерзод Асадов. Улар қаторидан Эронни ташкилотга киритиш учун мажбуриятлари, ШҲТнинг кузатувчи ва мулоқот бўйича ҳамкорлари аъзолигини кенгайтиришга оид ҳужжатлар ўрин олган.
Шавкат Мирзиёев: ШҲТ — «айирмачилик унсуридан холи бўлган жозибадор макон»
Ўзбекистон президенти ШҲТни «маданий-цивилизацион қарашлари турлича, ўз ташқи сиёсий йўналишлари ва миллий тараққиёт моделларига эга мамлакатларни бирлаштира олган ўзига хос давлатлараро тузилма», деб атади. Шу сабабли ташкилотга қўшилиш истагидаги давлатлар сони ортиб бормоқда, деди у.
«ШҲТ Ғарбга қарши ташкил этилмаган» — Ўзбекистоннинг ташкилотдаги миллий координатори
ШҲТнинг бўлажак саммити кун тартибида глобал геосиёсий инқирозлар ҳақида бирор гап йўқ ва унинг ҳужжатларида геосиёсий мақсадларни кўзловчи масалалар юзасидан баёнот ва чақирувлар бўлмайди, деди Ўзбекистоннинг ШҲТдаги миллий координатори Раҳматулла Нуримбетов.
Самарқандда ўқитувчи дарсликларни улоқтириб тарқатгани ортидан у ва мактаб директори ишдан олинди
Нуробод туманидаги 1-сонли мактабда дарсликлар ўқувчи ва уларнинг ота-оналарига улоқтириб тарқатилгани акс этган видео тарқалди. Туман ҳокимлиги ўрганиш натижаларига кўра, ўқитувчи ҳамда мактаб директори ишдан олинганини маълум қилди.
Самарқандда 61 ёшли аёлни зўрлаганликда гумонланиб, қидирувга берилган эркак қўлга олинди
Самарқанд вилояти Пастдарғом туманида 1961 йилда туғилган аёлнинг номусига тегганликда гумонланган ва қидирувга берилган шахс Жиззах вилоятида ушланди. Қўлга олиш жараёнида у Айдар-Арнасой кўли ортидаги чекка ҳудудлардан бирига яширингани аниқланди.
ШҲТ саммити сабабли Самарқандга кириш тақиқланади, 16 та кўчада транспорт ҳаракати чекланади (харита)
14−17-сентябрь кунлари бўлиб ўтадиган ШҲТ саммити муносабати билан Самарқанднинг 16 та кўчаси, шу жумладан, жамоат транспорти ҳаракати учун ёпилади. Бу кунларда шаҳарга кириш ҳам ёпилади, транзитчилар учун айланма йўллар ташкил этилади (харита).
Самарқанд шаҳридаги мактабларда ШҲТ саммити сабабли дарслар 19 сентябрдан бошланади
Самарқандда ўтадиган ШҲТ саммити ва хорижий мамлакат раҳбарларининг расмий ташрифлари сабабли шаҳар мактабларида дарслар 19 сентябрдан бошланади. Ўқувчилар қолдирилган дарс соатларини ўқув йили давомида таътиллар ҳисобидан тўлдириб боради.
ДХХ томонидан учта ҳолатда $45 минг пора олаётган адвокатлар ушланди
Тошкентда адвокат солиқ текширувидаги ҳуқуқбузарлик учун молиявий жарима қўлламаслик эвазига тадбиркордан 23 минг доллар олганликда гумонланмоқда. Яна икки ҳолатда адвокатлар маҳбуслар жазосини енгилроғига алмаштиришни ҳал қилиб бериш учун 22 минг доллар олганликда гумонланиб, қўлга олинган.
Шавкат Мирзиёев Имом Бухорий ҳаёти бўйича электрон музей яратиш таклифини берди
Президент Имом Бухорий ҳаётини кўрсатувчи электрон музей ташкил этишни таклиф қилди. «Мадина шаҳрида бўлганимизда пайғамбаримиз Муҳаммад алайҳиссаломнинг сийратлари ва ислом цивилизацияси музейини кўрдик. Бу ерда ҳам шунга ўхшаш музей ташкил этсак, яхши бўлар эди», — деди у.
Самарқандлик ҳаваскор ихтирочилар томонидан электромобиль яратилди
Самарқанддаги KOICA марказининг ўқувчилари томонидан яратилган электромобиль синовдан ўтказилмоқда. Ҳозирда уловни тўлиқ қувватлаш учун 6−7 соат талаб этилади. Келгусида унга ўзини ўзи қувватловчи қуёш панеллари ўрнатиш режалаштирилмоқда.
Президент Халқаро сайёҳлик маркази очилишида иштирок этиш учун Самарқандга жўнаб кетди
Самарқандда ШҲТга аъзо давлатлар раҳбарлари саммити учун қурилган «Буюк ипак йўли» халқаро сайёҳлик маркази очилмоқда. Президент тантанали маросимда иштирок этиш учун Самарқандга жўнаб кетди.
Шавкат Мирзиёев шу ҳафтада Самарқандга боради
Президент Шавкат Мирзиёев душанба куни тадбиркорлар билан учрашади. Шунингдек, АҚШ Конгресси аъзолари Трент Келли ва Дерин Лахудни қабул қилиши кутилмоқда. Ҳафта давомида давлат раҳбари Самарқандга ташриф буюриши ҳам режалаштирилган.
Икки ҳудудда қарийб 1,3 млрд сўмлик имтиёзли кредит маблағлари талон-торож қилинди
Иштихон туманида фермер хўжалиги раҳбари хориждан наслли чорва молларини сотиб олиш учун ажратилган 780 млн сўм имтиёзли кредит маблағларини ўзлаштирганлиги айтилмоқда. Ангрен шаҳрида эса балиқчилик учун ажратилган 490 млн сўм имтиёзли кредит маблағи талон-торож қилинган.
Самарқандда 4 гектар ерни $42 мингга сотишда гумон қилинаётган шахслар ушланди
Самарқанд вилоятида бир нечта шахслар 4 гектар ер майдонини 42 минг долларга сотишга уриниб, келишилган пулни олаётган вақтида ушланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Самарқандда икки аёл нима сабабдан калтакланди?
Тармоқларда Самарқандда эркаклар икки аёлни калтаклагани акс этган видео тарқалганди. Бунга аёллар бошқа бир аёл билан жанжаллашиб қолгани ва эркакларнинг машиналарига шикаст етказгани сабаб бўлгани айтилмоқда. Видеодаги болакай эса аёлнинг фарзанди эмаслиги маълум бўлди. Томонларнинг фикри.
Самарқанддан Тошкентга 703,9 млн сўмлик 10 дона олтин қотишмасини олиб кетаётган шахс ушланди
Самарқанд вилоятидаги «Юқори нуқта» ЙПХ масканида Hyundai Elantra ҳайдовчиси ёнида умумий оғирлиги 1,1 кг бўлган 10 дона олтин қотишмаси борлиги аниқланди. Баҳоси 703,9 млн сўмлик олтин Тошкентга олиб кетилаётгани маълум бўлди. Гумондорга нисбатан жиноят иши қўзғатилди.
Самарқанддаги тўйда 11 киши овқатдан заҳарланди
Душанба куни Ургутдаги тўйхонада 56 ёшли аёл овқатдан заҳарланиб, шифоханага ётқизилди. Қолаверса, у билан бирга яна 10 киши тиббий текширувдан ўтказилди. Уларнинг барчасига «овқат токсикоинфекцияси» ташхиси қўйилди. Ургут тумани прокуратураси вазиятни ўрганмоқда.
Самарқандда «Музейлар квадрати» ташкил этилади
Ўзбекистонда 9 та янги музей ташкил этилади, улардан 7 таси Самарқанддаги «Музейлар квадрати»да жойлашади. Қўқонда Замонавий санъат музейи, Урганчда Лазги музейи ташкил этилади.
Энг кўп ўқилган хабарлар | Сўнгги янгиликлар
- 1 майдан пенсия ва нафақанинг энг кам миқдорлари оширилади
- «Финал учун режамиз бор». Тимур Кападзе — Осиё кубоги финалида Японияга қарши ўйин ҳақида
- АҚШ суди Binance асосчисини 4 ойлик қамоқ жазосига ҳукм қилди
- Тошкентда устига дарахт қулаган 1 ёшли қиз ҳалок бўлди
- «Ҳали ҳеч нарса аниқ эмас». «Ўзатом» директори — АЭС қурилиши бўйича Россия билан музокаралар ҳақида
Қўшимча имкониятларга эга булиш учун сайтда рўйхатдан ўтинг